Yọọn 14:26 - Ñwed Abasi Ke Ikọ Ibibio Ayo Mfịn

²⁶ Ado Idọñesịd, Adisana Sịbidịd, e-Ete adidọñ ke anyịñ mmi ayaikpeeb ndufo afịd ñkpọ anyʌñ itoiyo ndufo afịd se ami ntañ inọ ndufo.

Yọọn 14:26 ပူးပေါင်းရင်းမြစ်များ

Matiu 1:18

Naña Yisọs Krais akesaña amana ado ami: Eka amọ Mmeri akena nte adọ Yosef, ado mbemiso ammọ edidʌñọ keed, Mmeri amaayommo ke adudu Adisana Sịbidịd.

Matiu 1:20

Ado anye amaakebioodo ke esịd amọ ama adisio anye ndọ, enyere Abọọñ abiọññọ anye ke ndab anyʌñ abo anye ate, “Yosef ayịn Defid, kuukop ndịk adiben Mmeri nnyọñ ufọk mfo nte anwaan mfo, sia se isịne anye ke idịb ato Adisana Sịbidịd.

Matiu 28:19

Ika ndin ke afịd mme idịd, ikọ mme mbed, iduọk ammọ mmọọñ ke anyịñ Ete, ye Ayịn ye Adisana Sịbidịd,

Matiu 3:11

“Ami ñkama mmọọñ nnịm ndufo uduọkmmọọñ nte yak ekappa esịd. Ado anye a-adiidi ke ini iso akpon ankan, ndotto adisiooño anye ikpaukod ke ukod. Anye adikama Adisana Sịbidịd ye ikañ iduọk ndufo mmọọñ.

Maak 12:36

Defid ke idem amọ, ke ini atañña ikọ ato ke adudu Adisana Sịbidịd, amaabo anwa-anwa ate: “ ‘Abasi abo Abọọñ mmi ate, “Tie ke ubọk nnasia mmi tutu ami nnam asua mfo ado ñkpọ udodukod mfo.” ’

Maak 13:11

Ini ake adodo imʌmmọ ndufo iben ika ikpe, ikiikere me nso-o ke ediitañ inyaaña idem. Itañ kpa se Abasi itemme ndufo kpa idahado, sia idooho ikọ ndufo ke ediitañ; ado ikọ Adisana Sịbidịd.

Eti Etob Naña Duk Awet 1:15

sia anye adido akwa awo ke iso Abọọñ. Anye idiinwọññọ mmịn me ukọd a-anaama awo, ñko anye ayaayọhọ ye Adisana Sịbidịd tọọñọ ke idịb eka amọ.

Eti Etob Naña Duk Awet 1:35

Ado enyere ate anye, “Adisana Sịbidịd ayaadudoro fiin ke idem, ndin adudu Abasi Andikoñ Ñkan ayaufʌk fiin. Ke ntodo, ayịn afo u-uduuman adido adisana, ediikood anye Ayịn Abasi.

Eti Etob Naña Duk Awet 1:41

Edisabed akekop uyo ekọọm Mmeri, ayịn amaatuak ke idịb amọ; anye amaanyʌñ ayọhọ ye Adisana Sịbidịd.

Eti Etob Naña Duk Awet 1:67

Sakaraya amaayọhọ ye Adisana Sịbidịd, ndin anye atañ brọfesi ate:

Eti Etob Naña Duk Awet 11:13

Adieke ndufo e-edoññoke mme ndiọi awo ediọọñọke adinọ nditọ ndufo nti enọ, nwaanwa di se Ete ndufo ndin a-abaaha ke anyọñ, anye ayaanọ Adisana Sịbidịd asọk mbon e-ebeeñeke.”

Eti Etob Naña Duk Awet 2:25

Ekamba awodeen keed amaaba ke Yerusedem, akekere Simiọn a-akedooho adinen awo anyʌñ anie mbaak Abasi. Anye aketie abet idọñesịd Isred, ndin Adisana Sịbidịd amaadoro anye ke idem.

Eti Etob Naña Duk Awet 24:49

Ami ñyaanọ se Ete mmi akenwọñọ isọk ndufo; ado iba ke abio Yerusedem tutu adudu ato anyọñ isịm ndufo.”

Eti Etob Naña Duk Awet 3:22

ndin Adisana Sịbidịd amaasọiyọ adoro anye ke idem nte ibiom. Uyo ñko ato ke anyọñ ate, “Afo ado Ayịn mmi, a-ami mmaaha, mmenekke ñkop inemesịd ye afo.”

Yọọn 1:33

Ami ñkpekediọọñọke anye ke idem mmi, ado anye a-akendọññọ ndiduọk mmọọñ amandọkkọ miin, ‘Awo a-afo akịtte nte Adisana Sịbidịd adidoro ke idem ado anye a-adiikama Adisana Sịbidịd inịm uduọkmmọọñ.’

Yọọn 12:16

Ñkpọ ami ikinwañake mme mbed amọ akpa ado. Ado ke emaekeben Yisọs edọọk ke ubọọñ ke akenwaña ammọ nte ke emaewet mme ñkpo ami ebaña anye, ñko ke enyʌñ enam afịd mme ñkpọ ami enọ anye.

Yọọn 14:16

Ami ñyaabeeñe Ete, ndin anye ayainọ ndufo idọñesịd mfen adiba mme ndufo ke nsi-nsi,

Yọọn 14:25

“Ami mmetañ mme ñkpọ ami inọ ndufo ke ini nsʌkkọ mba mi mme ndufo;

Yọọn 15:26

“Adọñ awo esịd amaadi, a-ami ndibọ Ete nnọ isọk ndufo, Sịbidịd akpanikọ a-atooho Ete, anye ayaatie ntiense ambaña miin.

Yọọn 16:7

Ado ke ataa akpanikọ ami ntañ inọ ndufo, ami ñka ke ufọn ndufo. Ami mmiikpọññọ ndufo, Anọitem idiidieghe ibịne ndufo; ado mmaaka, ami ñyaanọ anye isọk ndufo.

Yọọn 2:22

Yisọs amaakeset ke ñkpa, mme mbed amọ emaetoiyo se anye aketañ ami. Ndin ammọ emaenịm ikọ Abasi ye se Yisọs aketañ ke akpanikọ.

Yọọn 20:22

Aketañ ami ama, anye amaanweek adudu aduọk ammọ anyʌñ abo, “Ibọ Adisana Sịbidịd.

Yọọn 6:45

Nte ewette ke ñwed mme Brọfed: ‘Abasi adikpeeb afịd ammọ.’ Afịd awo se ibọ ukpeebñkpọ ito Ete, eyaedi embịne miin.

Yọọn 7:39

Anye aketañ ami abaña Sịbidịd a-mbon ekenịmme anye ke akpanikọ ekenaaha nte ebọ. Sia tutu akewuọ idahado awo ikinọọhọ awo ntekeed Sịbidịd dion, sia Yisọs ikidʌkkọ ubọọñ amọ dion.

Utom 1:2

tutu usen ekebenne anye edọọk ke anyọñ ke anye amaakedọkkọ mme abọsịd a-anye akemekke ato ke Adisana Sịbidịd se ammọ ediinam.

Utom 1:4

Ini keed, ke ini anye akesʌkkọ adia ndidia ye ammọ, anye amaanọ uyo abo, “Ikiikpọñ Yerusedem, ado itie ibet enọ e-Ete mmi akenwọñọke inọ ndufo, a-ndufo ekekoppo ento miin.

Utom 1:8

Ado ndufo eyaebọ adudu ke ini Adisana Sịbidịd amaadidoro ndufo ke idem; ndufo eyaenyʌñ edo mme ntiense mmi ke Yerusedem, ke afịd Yudia ye Sameria, tutu asịm ke akpatre ederimbod.”

Utom 11:16

Ndin mmaatoiyo se Abọọñ aketañ abo: ‘Yọọn akedat mmọọñ anịm uduọkmmọọñ, ado ediidat Adisana Sịbidịd inịm ndufo uduọkmmọọñ.’

Utom 13:2

Ke ini ammọ esʌkkọ ekpono Abasi enyʌñ etre udia, Adisana Sịbidịd amaabo ate, “Isio Banabas ye Sọọd inịm innọ miin saña-saña kebaña utom ado a-ami ñkekoodo ammọ mbo edinam.”

Utom 13:4

Ammọ awo iba a-Adisana Sịbidịd akedọññọ utom emaekaiya Sedosia enyʌñ edʌk ubom do esaña ekesịm Saiprọs.

Utom 15:28

Adisana Sịbidịd ye ñnyịn imikịt ibo ke afọn aditre adinọ ndufo mbiomo mfen ñkan ñkpọ ifañ ami a-ndufo enieehe adinam.

Utom 15:8

Abasi, adiọọñọke esịd awo, amaawọt abo ke imidat ammọ isịn ke atu ato ke adinọ Adisana Sịbidịd asọk ammọ ukem naña anye akenam inọ ñnyịn.

Utom 16:6

Bọọd ye nsaña amọ emaesaña ke afịd ñkanñkʌk Frikia ye Kadesia, kpa naña Adisana Sịbidịd aketemme ammọ abo kekwọrọ ikọ ke idak ukara Esia ke ini ado diin.

Utom 2:33

Ke emaekedịppe anye itie idot ke ubọkudom Abọọñ Abasi, anye abọ Adisana Sịbidịd a-anye akenwọñọke ato Ete. Do ke anye aduọk ammọ Sịbidịd a-ndufo ekịtte enyʌñ ekop mi mfịn.

Utom 2:4

Ammọ emaeyọhọ ye Adisana Sịbidịd enyʌñ etọọñọ adisem mme nsio-nsio usem nte Sịbidịd akenọọhọ ammọ ukeme.

Utom 20:28

Ikpeme idem ndufo ye afịd atu edọñ a-Adisana Sịbidịd inịmme ndufo nte mme andikpeme, ido mme akpemeedọñ ufọkabasi a-anye akedeppe ke iyiib amọ.

Utom 20:35

Ke afịd ñkpọ a-ñkenamma, ñkiwọt ndufo mbo ke ato ke akpọsọñ utom ke ñnyịn inie adinwam mbio mmemidem ke aditoiyo ikọ Abọọñ Yisọs ke idem amọ a-akebooho ate: ‘afọnfọn adinọnọ akan adibọbọ.’  ”

Utom 28:25

Ke ntodo ammọ emaefaaña ke atu idem ammọ enyʌñ etọọñọ adinyọñọ ke Bọọd amaaketañ akpatre ikọ ami: “Adisana Sịbidịd aketañ akpanikọ anọ mme eteete ndufo ato ke brọfed Aisaya abo ate:

Utom 5:3

Do ke Bita akeabo anye, “Ananayas, asaña die ayaak Setan anekke udʌk esịd tutu afo asʌghọ nsu anọ Adisana Sịbidịd, anyʌñ amʌm ubaak akʌk a-akenyamma isọñ anịm anọ idem mfo?

Utom 7:51

“Ndufo mbon nsọñiwuod! Esịd ye utọñ ndufo asʌk adodoro ufiọn. Ndufo eba nte mme eteete ndufo: Esʌk enwanwana ye Adisana Sịbidịd afịd ini!

Utom 7:55

Ado Stifịn, a-akeyọhọke ye Adisana Sịbidịd, amaawuuk anyen ase anyọñ anyʌñ akịt ubọọñ Abasi, ye naña Yisọs ada ke ubọkudom Abasi.

Ñwed Mbon Rum 14:17

Sia abio ubọọñ Abasi idooho ñkpọ se ediaadia me se enwọ-nwọñ, ado ado edinenido, emem mme idadesịd ke Adisana Sịbidịd,

Ñwed Mbon Rum 15:13

Yak Abasi idodanyen ayọọhọ ndufo ye afịd idadesịd ye emem naña ndufo edot anyen ke anye, nọ ndufo ekpesʌk eyọọhọ mme idodanyen ke adudu Adisana Sịbidịd.

Ñwed Mbon Rum 15:16

adido akwọrọ ikọ Krais Yisọs nnọọ mme Yentaid. Anye amaannọ iso utom ake aku adisuan eti etob Abasi, nọ ato do mme Yentaid ekppekappa ñkpọ uwa inemesịd adisana Sịbidịd adiọññọ anọ Abasi.

Ñwed Mbon Rum 5:5

Ñko idodanyen ibenne abuud inọ ñnyịn, sia Abasi ato ke Adisana Sịbidịd a-anye inọọhọ ñnyịn aduọk ima amọ asịn ke esịd ñnyịn.

1 Kọrint 12:3

Ke ntak ado, ami ibo ndufo nte ke ibaaha awo a-atañña ikọ ke ndadusʌñ Sịbidịd Abasi a-akemeke edibo ate, “Adọdiọọk anọ Yisọs,” awo ndomokeed inyʌññọ ikeme ibo, “Yisọs ado Abọọñ,” ke mmibọhọke ke Adisana Sịbidịd.

1 Kọrint 6:19

Nte ndufo idiọọñọke ke idem ndufo ado itie ukpono Adisana Sịbidịd i-isịneke ndufo ke idem, e-ebọọhọ eto Abasi? Idooho ndufo enie idem ndufo;

2 Kọrint 13:14

Yak mfọn Abọọñ Yisọs Krais, ye ima Abasi ye ewana Adisana Sịbidịd eba ye afịd ndufo.

2 Kọrint 6:6

ke adisana ido, ke ifiọk, ke anyan ime, ke mfọnido; ke Adisana Sịbidịd ye ke ata ima,

Efisọs 1:13

Ndin emaisịn ndufo ke Krais ke ini emaekekop ikọ akpanikọ, eti etob adinyaaña ndufo. Ke emaekenịm ke akpanikọ, emainịm ndufo idiọọñọ ke ufiikñkpọ Adisana Sịbidịd e-ekenwọñọke,

Efisọs 1:17

Nsʌk ñkakaiso mbeeñe mbo yak Abasi Abọọñ ñnyịn Yisọs Krais, Ete andibọ ubọọñ, inọ ndufo Sịbidịd ekike ye adiyaara, ma ediọọñọ anye ekan ami.

Efisọs 4:30

Ikiinyʌñ inọ Adisana Sịbidịd Abasi mbʌññọ esịd, anye e-ebenne isọọñọ ndufo tutu usen adifak.

1 Tesadonia 4:8

Ke ntodo, awo a-asịnne ewʌhọ ami isịnne awo ado asịn Abasi a-anọọhọ Adisana Sịbidịd amọ.

2 Timoti 1:14

Ato ke unwam Adisana Sịbidịd a-abaaha ye ñnyịn, nekke kpeme enọ e-eyakka unọ fiin.

Taitọs 3:5

anye inyaaña ñnyịn, itooho ke nti ñkpọ ake ñnyịn inamma, ado ato ke ntak mbọm amọ. Anye inyaaña ñnyịn ato ke adiyet adufa emana anyʌñ anam ido adufa ato ke Adisana Sịbidịd,

Ibru 10:15

Adisana Sịbidịd anyʌñ atie ntiense inọ ñnyịn abaña akpa edioomo. Ke akpa ifed anye ate:

Ibru 2:4

Abasi akenyʌñ anọ ikọ ntiense abañake adinọ mme idiọọñọ, mme utịbe ñkpọ, mme utom adudu ye mme enọ Adisana Sịbidịd e-ekedeemeke nte asañake akekem ke udọñ amọ.

Ibru 3:7

Ke ntodo, kpa naña Adisana Sịbidịd atañ: “Mfịn ami, adieke ndufo ekoppo uyo amọ,

Ibru 9:8

Ke adinam ntodo, Adisana Sịbidịd akeben awọt abo ke awo ikiyaarake usʌñ adidʌk Nsana Mma Ata Adisana Itie adaña nte akpa tabanakịd asʌkkọ adada.

1 Bita 1:12

Emaeyaara ewọt ammọ ete ke ammọ ikinamma ñkpọ adinwam idem ammọ ado ke ekekap enwam ndufo ke ini ekebenne ikọ ado etañ, kpa ikọ emaeketatañ inọ ndufo ato ke inua mbon e-ekwọrọke nti etob inọ ndufo ke Adisana Sịbidịd, e-ekedọññọ ato abio ubọọñ Abasi adi. Kpa mme enyere emaenie udọñ adinyuuñọ nse mme ñkpọ ami.

2 Bita 1:21

Sia akanam ba ikọ brọfed itooho ke uduak awo, ado mme etañ ikọ a-atooho Abasi, naña Adisana Sịbidịd adat ammọ usʌñ abo etañ.

1 Yọọn 2:20

Ado ndufo emaebọ uyet adan eto Andido Adisana, ñko afịd ndufo emediọọñọ akpanikọ.

1 Yọọn 2:27

Amaado ndufo, idiọọñọ uyet adan e-ekebọọhọ mmọdo asʌk aba ye ndufo, ufọn ibaaha awo ndomokeed adikpeeb ndufo ñkpọ aba. Ado naña idiọọñọ Adisana Sịbidịd amọ ikpeeb ndufo afịd ñkpọ, sia naña idiọọñọ Adisana Sịbidịd ado ado akpanikọ, idooho ñwo, kpa naña akekpeeb ndufo, eba ke anye.

1 Yọọn 5:7

Ntiense ita eba:

Ñwed Yud 1:20

Ado ndufo, mme ndima ufan, ndufo edat edisana mbuọdidem ebọp idem ndufo, ebọñ akam ke Adisana Sịbidịd.

Adiyaara 2:11

Anye a-anieeghe utọñ, yak anye akop se Sịbidịd adọkkọ mme ufọkabasi. Anye a-akanna idiiktte ndutʌkkọ ñkpa ayọhọ iba.