Yọọn 14:24 - Ñwed Abasi Ke Ikọ Ibibio Ayo Mfịn

²⁴ Awo a-mmiimmaaha miin idiinịmme uyo mmi. Ikọ a-ndufo ekoppo mi idooho ake mmi; ado ikọ e-Ete a-akendọññọ miin.

Yọọn 14:24 ပူးပေါင်းရင်းမြစ်များ

Matiu 19:21

Yisọs abọọrọ anye ate, “Akpedo ameyem adifọn mmaa, kaa kenyam inie mfo nyʌñ kpọñ akʌk nọ mme uwueene, ndin afo ayaanie inie uto ke abio ubọọñ Abasi. Ndin di ñkene miin.”

Yọọn 14:10

Nte ndufo inịmme ke ami mba ke Ete, Ete aba ñko ke ami? Se ami ntañ inọ ndufo intooho miin. Ado Ete a-andʌññọ miin ke idem anam utom amọ.

Yọọn 14:15

“Akpedo ndufo ememma miin, inịm mme ibed mmi.

Yọọn 14:25

“Ami mmetañ mme ñkpọ ami inọ ndufo ke ini nsʌkkọ mba mi mme ndufo;

Yọọn 3:11

Ke ata akpanikọ ami ntañ inọ ndufo, ñnyịn itañ se ñnyịn idiọọñọ, inyʌñ itie ntiense inọ se ikịt, ado ndufo isʌkkọ inyenyịmme ntiense ñnyịn.

Yọọn 3:34

Sia awo a-Abasi adọññọ atañ ikọ atooho Abasi, sia Abasi anọ Sịbidịd ado ayọhọ-ayọhọ.

Yọọn 5:19

Yisọs amaabọọrọ, “Ke ata akpanikọ ami ntañ inọ ndufo, Ayịn ikemeke inam ñkpọ ndomokeed ke idem amọ; anye akeme inam ukwueeñe se anye akịd nte Ete anam ndin ñkpọ keed ake adodo Ete anamma, Ayịn anam kpa ado.

Yọọn 5:38

mme ikọ amọ inyʌññọ idʌñ ke esịd ndufo, sia ndufo inịmme anye a-anye a-akendọññọ ke akpanikọ.

Yọọn 7:16

Yisọs abọọrọ ammọ ate: “Ukpeebñkpọ mmi intooho miin. Ato anye a-akendọññọ.

Yọọn 7:28

Ndin Yisọs, ke ini asʌkkọ akpeeb ñkpọ ke afe tembịd, amaabọñ ke akpọsọñ uyo ate: “Ih, emendiọọñọ miin, emenyʌñ ediọọñọ nte nto. Ado ami mbaaha mi ke adudu idem mmi, anye a-akendọññọ ado akpanikọ. Ndufo idiọọñọke anye,

Yọọn 8:26

Ami mmenie umiañ ñkpọ aditañ ke adibiire ikpe ibaña ndufo. Ado anye a-akendọññọ miin ndi ado anam akpanikọ, ndin se ami ñkop nto anye ado se ami ntañ nnọ ederimbod.”

Yọọn 8:28

Do ndin Yisọs amaabo: “Ke ini ndufo emaebenne Ayịn Awo ke enyọñ, ndufo eyaediọọñọ ke ami ndo awo ado, ñko ke ami nnamma ñkpọ nte keed ke adudu idem mmi, ado ntañ sʌk se Ete akeñkpeeb miin.

Yọọn 8:38

Se ami idọkkọ ndufo ado se ami ñkịt ke ini mbaaha ke iso Ete mmi, ndufo ñko enyʌñ enam se ndufo ekekpeeb eto ete ndufo.”

Yọọn 8:42

Yisọs amaabọọrọ, “Adieke Abasi akpedooho Ete ndufo, ndufo ekpaemma miin, sia ami nto Abasi ndi. Ami ñkedieeghe ke uduak idem mmi, ado anye akennọ ndi.