Yọọn 14:20 - Ñwed Abasi Ke Ikọ Ibibio Ayo Mfịn

²⁰ Ke usen ado ndufo eyaediọọñọ ke ami mba ke Ete, kpa naña ndufo eba ke ami, ami ñko mba ke ndufo.

Yọọn 14:20 ပူးပေါင်းရင်းမြစ်များ

Yọọn 10:38

Ado akpedo mmenam, akpesʌk ado a-ndufo idiinnịmme miin ke akpanikọ, isʌk ikap inịm mme utịbe utom a-ami nnamma ke akpanikọ, ma ndufo ediọọñọ ma anyʌñ inwaña ke Ete aba ke ami, ami ñko ñnyʌñ mba ke Ete.”

Yọọn 14:10

Nte ndufo inịmme ke ami mba ke Ete, Ete aba ñko ke ami? Se ami ntañ inọ ndufo intooho miin. Ado Ete a-andʌññọ miin ke idem anam utom amọ.

Yọọn 14:11

Innịm miin ke akpanikọ, ami mmaibo ke mba ke Ete, Ete aba ñko ke ami, mmiidooho ntodo inịm ito ke mme ikpọ utịbe ñkpọ a-ndufo ekiide.

Yọọn 16:23

Ini ado amaakem, ndufo idimbịppe ñkpọ ba keed. Ke ata akpanikọ ami ntañ inọ ndufo, Ete mmi ayaainọ ndufo ñkpọ ake adodo e-ediibịp ke anyịñ mmi.

Yọọn 16:26

Ini ado amaakem, ndufo ediibịp ñkpọ ke anyịñ mmi. Mbooho ke ami ndiibịp Ete inọ ndufo.

Yọọn 17:11

Ami mbooho mba aba ke ederimbod, ado ammọ esʌk ebaba ke ederimbod, sia ami ñyaanyọñ ubịne fiin. Adisana Ete, dat adudu anyịñ mfo kpeme ammọ, anyịñ afo akennọọhọ miin nọ ammọ edo keed kpa naña ñnyịn ido keed.

Yọọn 17:26

Ami mmuyaara fiin nnọ ammọ ndin ñyaaka iso uyaara fiin ma ima a-afo anieeghe annọ miin aba mme ammọ ndin ami ke idem mmi mba mme ammọ.”

Yọọn 17:7

Idahami ammọ ediọọñọ ke afịd se afo akennọ akuto fiin.

Yọọn 6:56

Awo ake adodo a-ataaha ikpọkidem mmi anyʌñ inwọñ iyiib mmi aba mme ami, ami ñko ñnyʌñ mba mme anye.

Ñwed Mbon Rum 16:7

Ekọọm Andronikos ye Yunia, mme nditọete mmi e-ekebaaha ke ñkpakọb ye ami. Ammọ edo mme awuọ-iso ke atu mme abọsịd, emaenyʌñ ediọọñọ Krais embemiso ami.

Ñwed Mbon Rum 8:1

Ke ntodo, ubiom ikpe ibaaha inọ mbon e-ebaaha ke Krais Yisọs,

1 Kọrint 1:30

Ado ato ke anye ke afo aba ke Krais Yisọs, a-amaakekappa ado aniọñ ake atooho Abasi, ado ado, etiido ñnyịn, adisana ye adifakka.

2 Kọrint 12:2

Mmediọọñọ awo keed a-akebaaha ke Krais, e-ekebenne edọọk ayọhọ anyọñ ita ke isua duop mme inaañ akeboiyoke. Me akedo ke ikpọkidem me amaakpọñ ikpọkidem, ndiọọñọke, Abasi adiọọñọ.

2 Kọrint 13:5

Iduuñọ idem ndufo ise me ndufo eba ke mbuọdidem; itʌm idomo idem ndufo. Nte ndufo idiọọñọke ke Krais Yisọs adọdʌñ ke idem ndufo? Miidooho ntodo, ke akpanikọ, ndufo iboiyoke udomo.

2 Kọrint 5:17

Ke ntodo, adieke awo abaaha ke Krais, emaebot anye adufa, ñkaan ñkpọ emaeboiyo efep; sese eyekappa edo ndufa.

2 Kọrint 5:19

abo ke Krais, Abasi asʌk anam ederimbod aba ke emem ye anye, inyʌññọ ibat ndudue mme awo inọ ammọ, ado amaaben ikọ adikappa mba ke emem ye anye inọ ñnyịn ate ikwọrọ.

Kadesia 2:20

Emaeñkoñ miin mme Krais ke ntodo ami nduuho aba uwem, ado Krais adu ke ami. Uwem ake ami nduuho ke abʌkidem, ndu ke adibuọd idem ke Ayịn Abasi, a-akemmaaha miin ayaak idem amọ annọ.

Efisọs 2:10

Sia ñnyịn ido mme andinam utom Abasi e-ekebotto ke Krais Yisọs ete inam nti utom, a-Abasi amaakebebem iso abeeñe anọ ñnyịn adinam.

Kodosi 1:19

Sia Abasi amaanem esịd adinam afịd uyọhọ amọ adʌñ ke anye,

Kodosi 1:27

Ato ke ammọ Abasi amek adiyaara ke atu mme Yentaid ubọọñ imọ ami se idịbe ke Krais abaaha ke ndufo, adooho idodanyen ubọọñ.

Kodosi 2:9

Sia ke Krais ke ayọhọ-ayọhọ Idem adʌñ ke abʌkidem nte awo.

1 Yọọn 4:12

Awo ndomokeed akenam ikịtte Abasi ke anyen; ado adieke ñnyịn imaaha emọ-emọ awo, Abasi adʌñ ke esịd ñnyịn anyʌñ anam ima Abasi afọn ama ke uwem ñnyịn.