Yọọn 14:12 - Ñwed Abasi Ke Ikọ Ibibio Ayo Mfịn

¹² Ke ata akpanikọ ami ntañ inọ ndufo, awo ake adodo annịmme miin ke akpanikọ ayaanam mme ukem utom a-ami nnamma mi, ayaanyʌñ ananam akan ami, sia ami ñka mbịne Ete.

Yọọn 14:12 ပူးပေါင်းရင်းမြစ်များ

Matiu 21:21

Yisọs abọọrọ, “Ami ntañ akpanikọ, adieke ndufo enieeghe mbuọdidem ndin inieeghe eyịghe, idooho se ekenam eto fik ado ikpọọñ ke ndufo ekeme inam, ado ndufo emekeme ibo abod ami ‘Kaa keduọ dʌk akpa mmọọñ,’ ndin ayaanyʌñ atịppe ntodo.

Maak 11:13

Anye akedaakịt eto fik nte ayọhọ ye mfañ ke nsan-nsan, anye amaasaña akpere akease me anie idem. Anye amaakekesịm ndo, anye amaakịt ke mfañ-mfañ ayịre, sia ikidooho ini eto ami asiñwịmme.

Maak 16:17

Ndin mme idiọọñọ ami eyaekeene mbon se inịm ke akpanikọ: ke anyịñ mmi ammọ eyaebịn mme ndiọi sịbidịd; eyaesem ufa usem;

Yọọn 14:28

“Ndufo emekop nte ami mbo: ‘Ami ñyaikpọñ, ñyaanyʌñ ntịmme ndi.’ Akpedo ndufo emaemma miin, esịd akpainem ndufo ke ñka mbịne Ete, sia Ete akpon añkan miin.

Yọọn 16:7

Ado ke ataa akpanikọ ami ntañ inọ ndufo, ami ñka ke ufọn ndufo. Ami mmiikpọññọ ndufo, Anọitem idiidieghe ibịne ndufo; ado mmaaka, ami ñyaanọ anye isọk ndufo.

Yọọn 4:37

Ado asịn ñke ami, ‘Awo keed atọtọ, mfen adọọdọk’ ado akpanikọ.

Yọọn 5:20

Sia Ete ama Ayịn, anyʌñ awọd anye afịd ñkpọ se anye anam ke Idem amọ, ayaanyʌñ awọd anye kpa mme ñkpọ se ikpoon ikan mme mbon ami, mme utom e-ediikpa ndufo idem.

Yọọn 7:33

Ndin Yisọs ate: “Ami mbiiba ye ndufo ke etək-etək ini, ndin ñyaatịmme mbịne anye a-akendọññọ.

Yọọn 7:39

Anye aketañ ami abaña Sịbidịd a-mbon ekenịmme anye ke akpanikọ ekenaaha nte ebọ. Sia tutu akewuọ idahado awo ikinọọhọ awo ntekeed Sịbidịd dion, sia Yisọs ikidʌkkọ ubọọñ amọ dion.

Utom 10:46

Sia ammọ emaekop naña mme Yentaid ami esem nsio-nsio usem, enyʌñ etooro Abasi. Ndin Bita amaabo ate,

Utom 16:18

Anye amaaka iso anam ntom ke mme uwak usen. Ke akpatre, ñkpọ ami amaafịna Bọọd tutu anye akanna ada aduat sịbidịd ado, ate, “Ke anyịñ Yisọs Krais mmuwuuk fiin mbo awuọ anye ke idem!” Kpa idaha-idaha ado sịbidịd ado amaakpọñ anye.

Utom 19:12

Anam mbon udọñọ emaekop nsọñidem, ndiọi sịbidịd enyʌñ ekpọñ mbon ñkpọnsọb ke emaeketuuk afọñinua ye ebrọn a-aketuuho anye idem.

Utom 2:33

Ke emaekedịppe anye itie idot ke ubọkudom Abọọñ Abasi, anye abọ Adisana Sịbidịd a-anye akenwọñọke ato Ete. Do ke anye aduọk ammọ Sịbidịd a-ndufo ekịtte enyʌñ ekop mi mfịn.

Utom 2:41

Mbon se ikitat esịd ikop ikọ amọ emaebọ uduọkmmọọñ, ndin ñkpọ nte awo tọsịn ita emaekeene edʌk ke atu ammọ usen ado.

Utom 4:16

Ammọ emaebịp idem ammọ mbịme ete, “Nso-o ke ñnyịn ikpinam ye mbon ami? Afịd awo se idʌñ ke Yerusedem ediọọñọ ete ke ammọ enam ata ekamba utom idiọọñọ, ndin ñnyịn idiikanna ifaaña.

Utom 4:33

Ke ayọhọ adudu mme abọsịd emaeka iso ke aditie ntiense mbaña adised Abọọñ Yisọs ke ñkpa. Ndin umiañ mfọn Abasi amaakem ammọ udeme,

Utom 4:4

Ado umiaañ mbon e-ekekoppo etob ado emaenịm ke akpanikọ, ado amaanam ndin ibad awo emaesịm ñkpọ nte tọsịn ition.

Utom 5:15

Ke ntak ami, mme awo emaekoono mbon udọñọ ewuọọñọ edi ke mme efaak, ebon amọ ke beed ye ke aya, nọ ato do naña nte akpedodo, ke ini Bita amaabo isaña iboiyo, ndukpọñ amọ akpetuuk usʌk ammọ.

Utom 6:7

Ndin ikọ Abasi amaaka iso asuana. Ibad mme andinịm ke akpanikọ ke Yerusedem amaatọt eti-eti, uwak mme aku Abasi enyʌñ esuuk iwuod enọ akpanikọ.

Utom 8:7

Mme ndedeghe sịbidịd emaetuaha, ewuọọñọ mme awo ke idem; mbon akpaubeñ ye mbʌñọ emaenyʌñ ekop nsọñidem.

Utom 9:34

Ndin Bita amaabo anye ate, “Enias, Yisọs Krais anam udọñọ mfo akweeñe, dakka da, nyʌñ ben aya mfo.” Enias amaadakka ada ini keed.

Utom 9:40

Ado Bita amaasiooño afịd ammọ ke ubeed, anyʌñ atọọñọ edọñ abọñ akam. Ndin anye akanna iso ase akpo mma ado, anyʌñ abo ate, “Tabita, dakka da.” Do ke anye aketaad anyen, ndin ke anye amaakekịt Bita, anye amaadakka atietie.

Ñwed Mbon Rum 15:19

ke adudu mme idiọọñọ ye mme ñkpọntịbe, atooho ke adudu Sịbidịd Abasi. Ndin tọọñọ ke Yerusedem tutu akaana afịd akeawuọ Idirikọm, ami mmesuan etop eti mbʌk Krais ayọhọ-ayọhọ.