Yọọn 13:37 - Ñwed Abasi Ke Ikọ Ibibio Ayo Mfịn

³⁷ Bita amaabịp anye ate, “Abọọñ, ntaha mmeñkanna ukeene idahami-e? Mmebeeñe idem adikpa ke ntak mfo.”

Yọọn 13:37 ပူးပေါင်းရင်းမြစ်များ

Maak 10:39

Ammọ ebọọrọ ete: “Ñnyịn ikpaikan.” Ndin Yisọs amaabo ammọ, “Eyaeñwọñ kọọb a-ami ndiinwọñ, enyʌñ ebọ uduọkmmọọñ a-ami ndiibọ,

Yọọn 21:15

Ke ammọ emaekedia ñkpọ ema, Yisọs amaabịp Saimọn Bita ate: “Saimọn, ayịn Yọọn, nte afo amemma miin akan afịd mbon ami?” Bita ate anye, “Ih Abọọñ, afo amediọọñọ ke ami mmuma fiin.” Yisọs ate anye, “Bọọk mme edọñ mmi!”

Utom 20:24

Ado mbatta uwem mmi ke baaba ñkpọ keed, ñkpekap ñkan mfeghe nduba mmi mma, ñnyʌñ nnam utom a-Abọọñ Yisọs a-nnọọhọ miin, utom aditie ntiense nnọ eti etop a-tooho ke mfọn Abasi.

Utom 21:13

Do ke Bọọd akebọọrọ abo, “Nsinam yak ndufo etua enyʌñ enam nọ esịd anduọ? Ami mmebeeñe idem, idooho na embọọb idʌk kpọd, ado ke adikpa ñko ke Yerusedem kebaña anyịñ Abọọñ Yisọs.”