Yọọn 13:15 - Ñwed Abasi Ke Ikọ Ibibio Ayo Mfịn

¹⁵ Mminọ ndufo uwọd-ñkpọ nte enam ukem-ukem naña ami nnam inọọ ndufo.

Yọọn 13:15 ပူးပေါင်းရင်းမြစ်များ

Matiu 11:29

Iben akpọnọ mmi inyʌñ ikpeeb ñkpọ into miin sia ami ndo sʌñ-sʌñ nnyʌñ nnie nsuukidem ke esịd, ndin eyaenie nduọkadudu enọ ukpọñ ndufo.

Ñwed Mbon Rum 15:5

Yak Abasi a-anọọhọ edu adiyọ ye adisọọñọ awo idem inọ ndufo ukem sịbidịd edibono keed ke atu ndufo naña nte Krais Yisọs akeaniehe,

Efisọs 5:2

inyʌñ idu uwem ima, kpa nte Krais akimaaha ñnyịn, a-akenyʌññọ ayak idem amọ inọ ñnyịn nte inem ufịk enọ ye uwa anọ Abasi.

1 Bita 2:21

Ekikood ndufo ebo adinam ado; sia Krais ke Idem amọ amaakịt ufen ke ntak ndufo, anyʌñ akpọñ uwọt ñkpọ inọ ndufo, ate ndufo esañake nde ikpad Imọ.

1 Bita 5:3

ekiinyʌñ ifịk mbon e-eyakka isịn ndufo ke ubọk, ado inịm idem nte uwọdñkpọ inọ atu edọñ.

1 Yọọn 2:6

Awo ake adodo adʌññọ ke anye ana adu uwem ukem-ukem nte Yisọs akedu.