Yọọn 13:14 - Ñwed Abasi Ke Ikọ Ibibio Ayo Mfịn

¹⁴ Idahado ami, ami Abọọñ ye Andikpeeb ndufo, mmaiyet ndufo ukod, ndufo ñko inyʌñ iduyette emọ-emọ ukod.

Yọọn 13:14 ပူးပေါင်းရင်းမြစ်များ

Yọọn 11:2

(Mmeri ami, a-ayịneka amọ Dasarọs a-akedọñọke mi, kpasʌk anye ado ukem awonwaan a-akefiọññọke Abọọñ Yisọs inem ufịk adan anyʌñ adat ided amọ akwokko ikpad Yisọs.)

Utom 20:35

Ke afịd ñkpọ a-ñkenamma, ñkiwọt ndufo mbo ke ato ke akpọsọñ utom ke ñnyịn inie adinwam mbio mmemidem ke aditoiyo ikọ Abọọñ Yisọs ke idem amọ a-akebooho ate: ‘afọnfọn adinọnọ akan adibọbọ.’  ”

Ñwed Mbon Rum 12:10

Inam ñkpọ inọ keed aken ke ima nditọete. Ikpono keed aken ikan idem ndufo.

Ñwed Mbon Rum 12:16

Idʌñ ke emem mme keed aken, ikiiwʌt idem, ado inyịmme idiwana mme mbon awo ke usuuk itie. Ikiikokko idem ndufo.

1 Kọrint 12:3

Ke ntak ado, ami ibo ndufo nte ke ibaaha awo a-atañña ikọ ke ndadusʌñ Sịbidịd Abasi a-akemeke edibo ate, “Adọdiọọk anọ Yisọs,” awo ndomokeed inyʌññọ ikeme ibo, “Yisọs ado Abọọñ,” ke mmibọhọke ke Adisana Sịbidịd.

1 Kọrint 8:13

Ke ntodo, adieke se ami ndia anamma nọ ayịnete adue Abasi, ami ndiidiaaha utọ ndidia ado aba, mbaak ndinam anye asop usʌñ.

2 Kọrint 10:1

Ndat ifuuro-ifuuro ye mmem-mmem ido Krais nnịm ebeeñe ke iso ndufo. Ami Bọọd, a-nsibaaha idek-idek mmaatie iso ye iso ye ndufo, ado ndo nsọñ inua ke ini mmembaaha ye ndufo.

2 Kọrint 8:9

Sia ndufo emediọọñọ mfọn Abọọñ ñnyịn Yisọs Krais, ke akpesʌk ado anye akedooho imọ, ado ato ke ntak ndufo anye amaakappa ado uwueene nọ ato ke uwueene amọ ndufo ekappa edo mme imọ.

Kadesia 5:13

Ndufo, nditọete mmi, ekikood ndufo ebo nọ ebọkkọ. Ado ikiidat ubọkkọ ndufo inam idiọọkñkpọ, utu ke ado inam ñkpọ inọ emọ-emọ ke ima.

Fidibai 2:11

ñko afịd edeme esio etañ ke Yisọs Krais ado Abọọñ, ke ubọọñ Abasi Ete.

1 Timoti 5:10

ñko, enekke ediọọñọ anye eto nti ubọkutom amọ nte awo a-aketʌmmọ abọọk nditọ, a-aketʌmmọ akama isenawo, ase ñkpọ abaña mbon utom Abasi, ase ñkpọ abaña mbon unana ke atu anyʌñ anwam mbon ukuud, anyʌñ akaiso ke adinam nti utom.

Ibru 12:2

Yak ñnyịn iwuuk anyen ñnyịn ke Yisọs, andido ntọọñọ ye andinam mbuọdidem ñnyịn afọn ama, a-akedooho ke ntak inemesịd e-ekenịmme ke iso amọ, anye akeyọ krọs, amiim ndọk amọ, anyʌñ asuuk atie ke ubọk udom ke ebekpo Abasi.

1 Bita 4:1

Sia Krais akekịtte ukuud ke abʌkidem, ndufo ñko ekama ukem akikere ami esịne nte ñkpọekọñ, sia awo a-akịtte ukuud ke abʌkidem a-akweeñe mme idiọọkñkpọ.

1 Bita 5:5

Kpasʌk ke ukem ado, ñkparawa, isuuk idem enọ mme mbiowo. Afịd ndufo inyʌñ esesịne nsuukidem ke idem inọ keed aken, sia, “Abasi abiọọñọ mme mbon ntañidem, ado anọ mbon e-esuuho idem mfọn.”