Yọọn 13:10 - Ñwed Abasi Ke Ikọ Ibibio Ayo Mfịn

¹⁰ Yisọs amaabọọrọ anye ate, “Mbon e-emaakeyeyie idem inieeghe ntak adimaana nyie afịd idem, eyie ukod kpọd; afịd idem ammọ asasana. Ndin afo amesana, akpesʌk ado idooho afịd ndufo esana.”

Yọọn 13:10 ပူးပေါင်းရင်းမြစ်များ

Matiu 6:12

Feen inọ ke mme idiọọkñkpọ ñnyịn, nte ñnyịn ifeene inọ mbon i-idueeghe ñnyịn.

Yọọn 13:18

“Idooho afịd ndufo ke ntañ mbaña; mmediọọñọ mbon se ami mmek. Ado nọ ikọ Abasi e-ekewette asu, ‘anye a-awanake ubọk ndidia ye ami adisio ukod amọ antịgha miin.’

Yọọn 13:9

Saimọn Bita amaabọọrọ Yisọs ate, “Sia adooho ntodo, Abọọñ, kuuñyet ukod kpọd ado ñyet ubọk mme iwuod kọrọ.”

Yọọn 15:3

Ndufo emesana ke ntak ikọ a-ami ñketañña inọ ndufo.

2 Kọrint 5:17

Ke ntodo, adieke awo abaaha ke Krais, emaebot anye adufa, ñkaan ñkpọ emaeboiyo efep; sese eyekappa edo ndufa.

2 Kọrint 5:21

Abasi akenam anye a-miikinieeghe idiọọkñkpọ akappa ado idiọọkñkpọ ke ntak ñnyịn; mbaak ato do ñnyịn ke anye ikappa ido edinenido Abasi.

2 Kọrint 7:1

Sia ñnyịn iminie mme enwọñọ ami, nditọete, yak ñnyịn iyet se ideghe abʌkidem ye sịbidịd ifep ke idem ñnyịn, inam adisana ido ñnyịn afọn ama ke adibaak Abasi.

1 Tesadonia 5:23

Yak Abasi ke idem amọ, Abasi emem, anam ndufo esana mfọn-mfọn. Yak afịd Sịbidịd ndufo, ukpọñ ye abʌkidem ekụụnie ndo ndomokeed ke adidi Abọọñ ñnyịn Yisọs Krais.

Ibru 9:10

Mme ñkpọ ado edoñño adidia nnyʌñ ñnwọñ ye mme nsio-nsio usọrọ adiyet nsana, mme ido e-ekesinamma e-ekenyʌññọ eyak aba tutu ini ufa ubonoñkpọ adikem.

Yemsi 3:2

Afịd ñnyịn imiduọ ke uwak usʌñ. Adieke awo ndomokeed ake adodo mmiinamma ndudue ke se anye atañ anye ado awo afọnnọ ama, a-akemekke adinie mfadidem.