Yọọn 12:47 - Ñwed Abasi Ke Ikọ Ibibio Ayo Mfịn

⁴⁷ “Ama ado awo a-akoppo ikọ mmi ado inamma, ami mbiireke ikpe nnọ anye. Sia ami ñkedieeghe adibiire ikpe nnọ ederimbod, ado ñkedi adinyaaña anye.

Yọọn 12:47 ပူးပေါင်းရင်းမြစ်များ

Matiu 18:10

“Ikpeme mbaak ndufo idisappa keed ke atu ntəkayịn ami. Ami idọkkọ ndufo ke mme enyere ammọ esʌk ekaka iso eba ke iso Ete mmi ke anyọñ.

Matiu 18:11

Sia Ayịn Awo akedi adinyaaña se ikisop.

Matiu 20:28

kpa naña nte Ayịn Awo akedieeghe adinam ñkpọ nnọ awo, idooho nọ enam ñkpọ enọ anye, adinyʌñ mben uwem amọ mfak uwak awo.”

Eti Etob Naña Duk Awet 19:10

Sia Ayịn Awo akedi adiyem ñnyʌñ ñnyaaña mbon se isop.”

Eti Etob Naña Duk Awet 9:56

Ndin ammọ emaekappa eka abio mfen.

Yọọn 12:48

Andikpe ikpe aba anọ awo a-ansịnne miin, a-mmiinyʌññọ inịm ikọ mmi ke akpanikọ; kpa mme ikọ ado a-ami ntañña adido ubiomo ikpe inọ ammọ ke akpatre usen.

Yọọn 3:17

Sia Abasi ikinọọhọ Ayịn amọ adi ederimbod adibiom ederimbod ikpe, ado adinyaaña ederimbod.

Yọọn 5:45

“Ado ikiikere ibo ke ñyaidot ndufo uyo ke iso Ete. Andidot ndufo uyo ado Moses awo a-ndufo edotto anyen.

Yọọn 8:26

Ami mmenie umiañ ñkpọ aditañ ke adibiire ikpe ibaña ndufo. Ado anye a-akendọññọ miin ndi ado anam akpanikọ, ndin se ami ñkop nto anye ado se ami ntañ nnọ ederimbod.”

2 Bita 3:15

Enyʌñ edat nte ke anyan ime Abọọñ ñnyịn awuọ adinyaaña, kpa naña adima ayịnete ñnyịn Bọọd adat ifiọk Abasi akenọọhọ anye awet anọ esọk ndufo.

1 Yọọn 4:14

Ñnyịn imikịt, iminyʌñ ido ntiense ibo ke Ete akedọñ Ayịn amọ ate adi nte Andinyaaña ederimbod.