Yọọn 12:41 - Ñwed Abasi Ke Ikọ Ibibio Ayo Mfịn

⁴¹ Aisaya aketañ ikọ ami sia anye amaakịt ubọọñ Yisọs anyʌñatañ ikọ abaña anye.

Yọọn 12:41 ပူးပေါင်းရင်းမြစ်များ

Eti Etob Naña Duk Awet 24:27

Ndin anye amaatọọñọ ke Moses ye mme Brọfed mbon ñko anam anwaña ammọ ufañ ikọ Abasi a-akebañake anye.

Yọọn 1:14

Ikọ amaakappa ado awo anyʌñ adʌñ mi ke ederimbod ke atu ñnyịn. Ñnyịn inyʌñ ikịt ubọọñ amọ a-anye anieeghe ato Ete nte ukwueeñe Ayịn Abasi Ete a-ayọhọke ye mfọn ye akpanikọ.

Yọọn 1:18

Awo ndomokeed akenam ikịtte Abasi, ado Ayịn Abasi ikpọọñ-ikpọọñ, a-anyʌññọ ado Abasi ke idem amọ, a-atieeghe ke ñkañ Abasi, anam eyaara anye.

Yọọn 14:9

Yisọs amaabo ate, “Nte ami mmekeme iba ye ndufo afịd anyan ini ami, Fidib, ndin afo usʌkkọ undiọọñọ miin? Awo ake adodo añkịtte miin akịd Ete, ndin ndufo ekeme die adibo, ‘Iwọt ñnyịn Ete’?

Yọọn 5:39

Ndufo etọọtʌm ekpeeb ikọ Abasi, sia ndufo ekere ebo ke iminie nsi-nsi uwem ito ammọ. Kpa mme ikọ Abasi ami etie ntiense embaña miin,

Utom 10:43

Ado anye ke afịd mme brọfed edo ntiense enọ, ebo ke anyịñ amọ eyaefeen ukwañ ñkpọ afịd awo e-enịmme anye ke akpanikọ.”

2 Kọrint 4:6

Sia Abasi akenọọhọ uyo ate, “Yak unwana ayama ke akịm,” amaanam unwana amọ ayama ke esịd ñnyịn ma anye anwaña awo anyen adidiọọñọ ubọọñ Abasi ke iso Yisọs Krais.

Ibru 1:3

Ayịn ado uyama ubọọñ Abasi ye ata mbid idem amọ a-amʌmmọ afịd ñkpọ akama ke adudu ikọ amọ. Ke anye amaakenam awo asana ke adiyet idiọọkñkpọ nsio, anye amaasuuk atie ke ubọk udom Andikara ke abio ubọọñ Abasi.

1 Bita 1:11

ayem adidiọọñọ ini mme ñkpọ Sịbidịd Krais a-akebaaha ke esịd ammọ aketañ abaña ndutʌkkọ Krais ye Ubọọñ adikeene.

Adiyaara 19:10

Ke emaeketañ ami, ami mmaaduọ anye ke ukod edikpono anye, ado anye amambo miin ate: “Kuunam ado! Ami ndo emọ-emọ isʌñutom nte afo mme nditọ usọ e-emʌmmọ ikọ ntiense ekama. Kpono Abasi! Sia ikọ ntiense Yisọs ado Sịbidịd brọfesi.”