Yọọn 12:26 - Ñwed Abasi Ke Ikọ Ibibio Ayo Mfịn

²⁶ Awo ake adodo anamma ñkpọ annọ miin ana añkeene miin; ndin itie nte ami mba, mbed mmi ana eba ke ndo. Ete mmi ayaakpono awo a-anamma ñkpọ annọ.

Yọọn 12:26 ပူးပေါင်းရင်းမြစ်များ

Matiu 16:24

Ndin Yisọs abo mme mbed amọ, “Adieke awo nte keed ayemme iñkeene miin yak anye akañ idem amọ, aben krọs amọ anyʌñ añkeene miin.

Matiu 25:21

“Eteufọk amọ abọọrọ, ‘Amenam afọn, eti anamakpanikọ ayịnufọk! Afo amenam akpanikọ ke ntək ñkpọ; ami nyaunọ se ikpon ikan ami. Keene di wana ke inemesịd usọufọk!’

Maak 8:34

Ndin anye amaakood atu awo ye mbed amọ adat anyʌñ abo ammọ ate, “Awo abooho iñkeene miin ana anye akañ idem anyʌñ aben krọs amọ añkeene miin.

Eti Etob Naña Duk Awet 12:37

Adiifọfọn inọ nditọufọk e-eteufọk adiito idikịt ammọ naña eba ke mbeeñeidem. Ke akpanikọ ke ibo ndufo, eteufọk ayaasịne afọñ aba ke mbeeñeidem, abo nditọufọk esuuk etie ke akpokoro ndidia, ndin anye ayaadise ñkpọ abaña ammọ.

Eti Etob Naña Duk Awet 6:46

“Ntak a-ndufo eñkoodo miin, ‘Abọọñ, Abọọñ,’ ado inamma se ami ibo-o?

Eti Etob Naña Duk Awet 9:23

Ndin anye abo afịd ammọ, “Akpedo aba awo se iyem isaña ye ami, yak anye aben krọs amọ kwa usen añkeene miin.

Yọọn 10:27

Mme edọñ mmi ekpañ utọñ ekop uyo mmi; ami mmediọọñọ ammọ, ammọ enyʌñ eñkeene miin.

Yọọn 13:16

Ke ata akpanikọ ami ntañ inọ ndufo, ayịnufọk ndomokeed ikponno ikan eteufọk amọ, isʌñutom inyʌññọ ikpon ikan awo andikidọñ anye utom.

Yọọn 14:15

“Akpedo ndufo ememma miin, inịm mme ibed mmi.

Yọọn 14:3

Ami ñka adikitʌm itie inọ-ọ ndufo, ami ñyaatịmme ndi ndiben ndufo nnọ idem mmi, nọ ndufo eba mme Ami ke itie nte ami mba.

Yọọn 15:20

Itoiyo ikọ ami ñketañña inọ ndufo: ‘Ayịnufọk ikponno ikan eteufọk.’ Adieke ammọ ekeñkọbọke miin, ammọ eyaikọbọ ndufo ñkọ. Adieke ammọ ekekpañña utọñ enọ ikọ mmi, ammọ eyaekpañ utọñ inọ ndufo ñko.

Yọọn 17:24

“Ete, ami ñyem mbon a-afo annọhọ miin eba mme ami ke itie a-ami mbaaha nọ ammọ ekịt ubọọñ mmi, ubọọñ a-afo annọhọ miin sia afo amaamma miin mbemiso afo akebot ederimbod.

Yọọn 21:22

Yisọs ate anye, “Adieke adooho uduak mmi adibo anye adu uwem tutu ami ntịmme ndi, ado ubeghe die fiin? Ana afo añkeene miin.”

Ñwed Mbon Rum 1:1

Bọọd, ayịnufọk Krais Yisọs, ekoodo adido abọsịd enyʌñ esio enịm saña-saña enọ eti etob Abasi,

Ñwed Mbon Rum 14:18

sia awo ake adodo ake anamma ñkpọ anọ Krais ke usʌñ ami enem Abasi esịd ndin mme awo enyʌñ ekpono anye.

2 Kọrint 4:5

Sia idooho idem ñnyịn ke ñnyịn ikwọrọ, ado Yisọs Krais, ite, anye ado Abọọñ, ite ido nditọufọk ndufo ke ntak Yisọs.

2 Kọrint 5:8

Ñko ñnyịn imitʌm inịm ke akpanikọ, ami mbo, ikpainyʌñ ima adikpọñ ikpọkidem ami ñkeba ke ufọk ye Abọọñ

Kadesia 1:10

Idahado me ami ñnwana adinem mme awo esịd mme Abasi? Mme ami ñnwana adinam esịd anem mme awo? Akpedo ñkesʌk ñnwana adinem mme awo esịd, ñkpedooho isʌñutom Krais.

Fidibai 1:23

Ami nda ke ufọọd ñkpọ iba ami: Ami mmenie udọñ adikpọñ ñnyʌñ mba ye Krais, a-atʌmmọ afọn akan;

Kodosi 3:24

sia afo amediọọñọ ke ayaabọ udeme ñkpọ ayịn isọñ ato Abọọñ, nte utịp. Ado Abọọñ Krais ke ndufo enam ñkpọ enọọ.

Kodosi 4:12

Epafras, a-adooho keed ke atu ndufo mme ayịnufọk Krais Yisọs, adọñ ekọọm. Anye anwana afịd ini ke akam inọ ndufo, ate ndufo ekap esọọñọ eda ke afịd uduak Abasi, ekọt mfọn-mfọn, enyʌñ enie mbuọdidem ayọhọ-ayọhọ.

2 Bita 1:1

Saimọn Bita, isʌñutom ye abọsịd ake Yisọs Krais. Awet ñwed ami anọ esọk mbon e-ekebọọhọ utọ nsọñudua mbuọdidem a-abiotto ake ñnyịn, ke adinenido Abasi ñnyịn ye Andinyaaña Yisọs Krais.

1 Yọọn 5:3

Ima Abasi ado ami: edinịm mme ibed amọ. Ndin ibed amọ idooho mbiomo,

Ñwed Yud 1:1

Yud, isʌñutom Yisọs Krais, anyʌññọ ado ayịneka Yemsi. Awet ñwed ami anọ esọk mbon e-ekekoodo, ake Abasi Ete amaaha, Yisọs Krais anyʌññọ akpeme ammọ.

Adiyaara 14:4

Mbon ami ekedo mbon a-mmiikisappake idem ammọ ye ibaan, sia emaenịm idem ammọ ke edisana. Ammọ esʌk ekeene Ayịn Edọñ nte anye akaaka. Emaedep ammọ esio ke atu awo, ete ke ammọ edo akpa mfịd enọ Abasi ye Ayịn Edọñ.