Yọọn 12:25 - Ñwed Abasi Ke Ikọ Ibibio Ayo Mfịn

²⁵ Awo a-amaaha uwem amọ ayaaduọọk uwem, ado awo a-asuaagha uwem amọ ke ederimbod ami ayaanie nsi-nsi uwem.

Yọọn 12:25 ပူးပေါင်းရင်းမြစ်များ

Matiu 10:39

Awo akeadodo a-ayemme uwem amọ ayaaduọk, awo anyʌññọ aduọk uwem amọ ke ntak mmi ayaanie uwem.

Matiu 16:25

Awo a-ayemme adinyaaña uwem amọ ayaaduọk anye. Ado awo a-aduọọkkọ uwem amọ ke ntak mmi, ayaakịt anye.

Matiu 19:29

Ndin afịd awo e-emaekekpọñ mme ufọk, ye nditọeka ideen ye nditọeka ibaan, ye ete, ye eka ye nditọ ye ikọd inwañ ke ntak mmi eyaebọ utịb akañ ikie enyʌñ enie uwem nsi-nsi.

Maak 8:35

Sia awo a-ayemme adinyaaña uwem amọ ayaaduọọk anye, ado awo a-aduọọkkọ uwem amọ ke ntak mmi ye ntak eti etob ayaamʌm uwem amọ akama.

Eti Etob Naña Duk Awet 14:26

“Awo ake adodo a-ñkeeneke miin, ndin isuaaha ete ye eka, anwaan ye nditọ, nditọeka ideen ye ibaan; ih, kpa ye idem uwem amọ, idiikanna ido mbed mmi.

Eti Etob Naña Duk Awet 17:33

Awo ake adodo a-ayemme adinyaaña uwem amọ ayaaduọọk anye. Ñko awo ake adodo a-aduọọkkọ uwem amọ ayaanie uwem.

Utom 20:24

Ado mbatta uwem mmi ke baaba ñkpọ keed, ñkpekap ñkan mfeghe nduba mmi mma, ñnyʌñ nnam utom a-Abọọñ Yisọs a-nnọọhọ miin, utom aditie ntiense nnọ eti etop a-tooho ke mfọn Abasi.

Utom 21:13

Do ke Bọọd akebọọrọ abo, “Nsinam yak ndufo etua enyʌñ enam nọ esịd anduọ? Ami mmebeeñe idem, idooho na embọọb idʌk kpọd, ado ke adikpa ñko ke Yerusedem kebaña anyịñ Abọọñ Yisọs.”

Ibru 11:35

Ibaan emaemaana ebọi mbon ammọ e-emaekekpa esịn ke uwem. Mbon mfen ekedutọtʌkkọ enyʌñ esịn aditat ammọ ñyaak, nọ ato do ammọ enie adised ke ñkpa a-afọnnọ akan.

Adiyaara 12:11

Ammọ emaekan anye ke iyiib Ayịn Edọñ mme ke ikọ ntiense ammọ; ammọ ikimaaha uwem ammọ ikisịm itie adisịk idem nsio mbaak ñkpa.