Yọọn 12:16 - Ñwed Abasi Ke Ikọ Ibibio Ayo Mfịn

¹⁶ Ñkpọ ami ikinwañake mme mbed amọ akpa ado. Ado ke emaekeben Yisọs edọọk ke ubọọñ ke akenwaña ammọ nte ke emaewet mme ñkpo ami ebaña anye, ñko ke enyʌñ enam afịd mme ñkpọ ami enọ anye.

Yọọn 12:16 ပူးပေါင်းရင်းမြစ်များ

Maak 16:19

Ke Abọọñ Yisọs amaaketañ mme ikọ ami ima, emaeben anye edọọk ke hefịn, anye anyʌñ asuuk atie ke ubọk udom Abasi.

Maak 9:32

Ado ikinwañake ammọ se anye aketañ, kpa ye ado ammọ emaekop ndịk adibịp anye.

Eti Etob Naña Duk Awet 18:34

Mme ikọ ami ikinwañake mbed amọ, ammọ ikinyʌññọ idiọọñọ se anye aketañ abaña; akeba ammọ usem-usem.

Eti Etob Naña Duk Awet 24:25

Ndin anye amaabo ammọ ate, “Ndufo emesịme eti-eti! Inyʌññọ ikan isọp inịm afịd se mme brọfed eketañ ke akpanikọ!

Eti Etob Naña Duk Awet 24:45

Ndin anye amaanam ikọ Abasi anwaña ammọ.

Eti Etob Naña Duk Awet 9:45

Se Yisọs aketañ ami ikinwañake ammọ. Amaayañña ammọ ifiọk ado ammọ emaekop ndịk adibịp anye se ado awuọọñọ.

Yọọn 12:23

Yisọs abọọrọ ate, “Ini akem e-ebooho inọ Ayịn awo ubọọñ.

Yọọn 14:26

Ado Idọñesịd, Adisana Sịbidịd, e-Ete adidọñ ke anyịñ mmi ayaikpeeb ndufo afịd ñkpọ anyʌñ itoiyo ndufo afịd se ami ntañ inọ ndufo.

Yọọn 16:4

Ami mmidọkkọ ndufo mme ñkpọ ami, mbaak ini amaakem ndufo etoiyo ke mmaidʌt utọñ. Ñkebakka idọkkọ ke akpa sia mmọdo ñkeba mme ndufo.

Yọọn 17:5

Ndin, idahami, Ete nnọ miin ubọọñ ke iso mfo ke ubọọñ ami ñkenieeghe ye afo mbemiso ntọọñọ ederimbod.

Yọọn 2:22

Yisọs amaakeset ke ñkpa, mme mbed amọ emaetoiyo se anye aketañ ami. Ndin ammọ emaenịm ikọ Abasi ye se Yisọs aketañ ke akpanikọ.

Yọọn 7:39

Anye aketañ ami abaña Sịbidịd a-mbon ekenịmme anye ke akpanikọ ekenaaha nte ebọ. Sia tutu akewuọ idahado awo ikinọọhọ awo ntekeed Sịbidịd dion, sia Yisọs ikidʌkkọ ubọọñ amọ dion.

Utom 2:33

Ke emaekedịppe anye itie idot ke ubọkudom Abọọñ Abasi, anye abọ Adisana Sịbidịd a-anye akenwọñọke ato Ete. Do ke anye aduọk ammọ Sịbidịd a-ndufo ekịtte enyʌñ ekop mi mfịn.

Utom 2:36

“Ke ntodo, yak afịd ufọk Isred ediọọñọ ayọhọ-ayọhọ: ke Abasi amaanam Yisọs a-ndufo ekekọññọ ewot ke eto krọs, ado Abọọñ ye Mesaya.”

Utom 3:13

Abasi Ebraham, Aisik, ye Yekọb ye Abasi mme eteete ñnyịn anam ami anọ ayịn amọ Yisọs itooro. Ndufo ekeben anye enọ ebo yak ewot, emaesịn anye ke iso Baided, akpesʌk ado nte anye akenyịmmeke adisaana Yisọs ñyaak.

Ibru 12:2

Yak ñnyịn iwuuk anyen ñnyịn ke Yisọs, andido ntọọñọ ye andinam mbuọdidem ñnyịn afọn ama, a-akedooho ke ntak inemesịd e-ekenịmme ke iso amọ, anye akeyọ krọs, amiim ndọk amọ, anyʌñ asuuk atie ke ubọk udom ke ebekpo Abasi.

Ibru 8:1

Akpan ñkpọ se ñnyịn itañ ibaña ado ami: Ñnyịn iminie utọ akwa aku a-akesuuhọ atie ke ubọk udom ebekpo Andikara ke abio Abasi.