Yọọn 12:1 - Ñwed Abasi Ke Ikọ Ibibio Ayo Mfịn

¹ Usen itiokeed akesʌghọ mbemiso ini Basofa, Yisọs amaaka Betani, itie a-Dasarọs, awo Yisọs akenamma aset ke ñkpa, akedʌññọ.

Yọọn 12:1 ပူးပေါင်းရင်းမြစ်များ

Matiu 21:17

Ndin anye akpọñ ammọ do aka Betani akena do ke akoneyo ado.

Maak 11:11

Yisọs amaadʌk Yerusedem adọọk aka ke mme esịd akwere tembịd. Anye amaakanna anyen aseed afịd ñkpọ, ado sia ayo amaakesọñ, anye amaaboiyo aka Betani ye ibed amọ duob ye iba.

Eti Etob Naña Duk Awet 24:50

Ndin Yisọs amaakebem ammọ akewuọ adaña abio Betani, anye amaadịppe ubọk adiọñ ammọ.

Eti Etob Naña Duk Awet 7:37

Mma keed ke abio ado a-akedooho anam idiọọk, akekop ke Yisọs mmọ ke ufọk awo Farisi ami, amaaben anemufịk adan ke ekpeme adabasta adi.

Yọọn 11:1

Ete keed a-akekereke Dasarọs amaadọñọ. Anye aketo idʌñ Betani, idʌñ Mmeri ye ayịneka amọ Mmata eketooho.

Yọọn 11:43

Ke Yisọs amaaketañ ami ama, anye akood ke akpọsọñ uyo ate, “Dasarọs wuọ di.”

Yọọn 11:44

Akpañkpa amaawuọ adi mme daña ekenyʌñ ewañ anye mbai dinen, ye afọñ ke ubọk ye ukod ye iso. Yisọs abo ammọ, “Ekpọk anye afọñ udi, eyaak anye aka.”

Yọọn 11:55

Akekpere ini akwa usọrọ mme Yuu e-ekoodo Basofa, uwak awo emaekpọñ esịd idʌñ edika Yerusedem adinam idem ammọ asana ke mbeñe idem nnọ Basofa.

Yọọn 12:12

Edem usen uwak atu awo e-ekedieeghe usọrọ emaekop ke Yisọs adakka Yerusedem.

Yọọn 12:20

Amaaba mbon Krik ke atu mbon e-ekekaaha adikpono Abasi ke ini usọrọ ado.

Yọọn 12:9

Anamma-anam mi uwak atu mme Yuu emaekop ke Yisọs mmọdo ke ndo, anam ammọ emaedi, idooho adikịt Yisọs ikpọọñ, ado adinyʌñ ñkịt Dasarọs a-Yisọs akenamma nọ aset ke ñkpa.