Yọọn 11:47 - Ñwed Abasi Ke Ikọ Ibibio Ayo Mfịn

⁴⁷ Ndin mme ikpọ aku ye mme Farisi emaekood mbono esob Sanhidrin. “Nso-o ke ñnyịn inam dion? Se daña awo ami aka iso anam mme utịbe ñkpọ.

Yọọn 11:47 ပူးပေါင်းရင်းမြစ်များ

Matiu 26:3

Akem mme ikpọ aku ye mme ñkpisọñ edibono ke ekwere akwa aku, a-akekereke Kaifas.

Matiu 5:22

Ado ami idọkkọ ndufo mbo ke awo ba keed a-ayatta esịd ye ayịneka amọ ayaabọọrọ mbịme ke esob ikpaisọñ. Ñko awo a-adiidat ayịneka nte ‘Useme,’ ayaabọọrọ mbịme ke esob ikpaisọñ. Ndin awo a-akoodo anye ‘Ntʌn,’ ayaadʌk ke nsi-nsi ikañ.

Maak 14:1

Akesʌghọ usen iba mbemiso adikem usen usọrọ Basofa ye Usọrọ Uyo a-awo mmiisisịnne defịn; ndin mme ikpọ aku ye mme andikpeeb ibed eyem ñkara-ñkara usʌñ naña eda emʌm Yisọs ndịbbe-ndịbbe enyʌñ ewot.

Eti Etob Naña Duk Awet 22:2

Ndin mme ikpọ aku ye mme akpeeb ibed emaeyem ñkara usʌñ naña ammọ ediisaña imʌm Yisọs ikiwot, sia ammọ ekefegheke atu awo.

Yọọn 11:57

Mme ikpọ aku ye mme Farisi emaedọñ etob ete emaekịt nte Yisọs aba yak edidọkkọ mmimọ ma ekemʌm anye.

Yọọn 12:19

Anam mme Farisi ebo idem ammọ ete, “Sese, ñkpọ ami idatta ñnyịn ika itie ndomokeed. Se naña afịd ederimbod ewọññọ ebịne anye.”

Yọọn 2:11

Utịbe ñkpọ a-Yisọs akenamma mi ke Kena ke Kadidi akedo akpa ke atu mme idiọọñọ a-anye akedatta ayaara ubọọñ amọ, ndin mme mbed amọ enyʌñ enie mbuọdidem ke anye.

Yọọn 6:2

ndin ekandịk atu awo emaekeene anye sia ammọ emaekịt mme idiọọñọ ñkpọ a-anye akenamma adikọk mbon udọñọ.

Yọọn 7:32

Ke ini mme Farisi emaekekop ke mme atu awo esʌk esuan utọ ikọ ami ebaña anye, mme ikpọ aku mme Farisi emaedọñ mme akpeme tembịd ete ekemʌm anye.

Yọọn 7:45

Ke akpatre mme akpeme tembịd emaetịmme ebịne mme ikpọ aku ye mme Farisi e-ekekeboho ammọ ete, “Ntak a-ndufo mmiikimʌmmọ anye idi-e?”

Utom 5:21

Ke ammọ emaekekop ado, ammọ emaedʌk mme afe tembịd ke usieere, enyʌñ etọọñọ adikpeeb mme awo ñkpọ. Ado ke akwa aku ye mme nsaña amọ emaekedi, ammọ emaekood mme esob Sanhidrin mme Yuu, a-adooho ekamba mbono afịd mme etubom nditọ Isred, enyʌñ edọñ ete eka ekeben mme abọsịd ke ufọk ñkpakọb edi.

Utom 5:24

Ke mme akamautom ke tembịd ye mme akpeme ufọk ñkpakọb ye mme ikpọ aku emaekekop etob ami, ammọ ikidiọọñọke se ekpenam, idem amaanyʌñ akpa ammọ abaña se utọ ñkpọ ami akpewuọọñọ.