Yọọn 11:26 - Ñwed Abasi Ke Ikọ Ibibio Ayo Mfịn

²⁶ ñko awo ake adodo aduuho uwem anyʌñ annịm miin ke akpanikọ idiikpaaha. Nte afo amenịm ami?”

Yọọn 11:26 ပူးပေါင်းရင်းမြစ်များ

Matiu 26:53

Me ndufo ebo ke ami ñkemeke ibeeñe Ete mmi a-akpesọppọsọp anọ se iwak ñkan diyọn mme enyere duob ye iba ediñkpeme miin?

Matiu 9:28

Ndin ke Yisọs amaakewuọ ufọk ado, mme nnan iba ami emaekeene anye, ndin anye abo ammọ, “Ndufo emenịm ke ami mmekeme inam ñkpọ ami?” Ammọ emaebọọrọ, “Abọọñ, iminịm.”

Maak 9:23

Yisọs abo anye ate, “Awuọọñọ die afo adibo ‘akpekan?’ Afịd ñkpọ akeme itịppe nnọ awo a-anịmme ke akpanikọ.”

Yọọn 10:28

Ami nnọ ammọ uwem nsi-nsi, ammọ idiisoppo tutu amama; ñko awo ndomokeed idiiwappake ammọ insio miin ke ubọk.

Yọọn 14:10

Nte ndufo inịmme ke ami mba ke Ete, Ete aba ñko ke ami? Se ami ntañ inọ ndufo intooho miin. Ado Ete a-andʌññọ miin ke idem anam utom amọ.

Yọọn 4:14

ado awo keed ake adodo añwọññọ mmọọñ a-ami ndiinọ anye, itọñ idiisatta anye aba. Ke akpanikọ mmọọñ a-ami ndiinọ anye ayaakappa idịm ke esịd idem amọ afeghe akesịm uwem nsi-nsi.”

Yọọn 5:24

“Ke ata akpanikọ ami ntañ inọ ndufo, awo keed ake adodo a-akpaña utọñ anọ ikọ mmi anyʌñ anịm awo a-akendọññọ ke akpanikọ anie nsi-nsi uwem, awo idiinyʌññọ ibiom anye ikpe ado anye awuọ ke ñkpa adʌk uwem.

Yọọn 6:47

Ke ata akpanikọ ami ntañ inọ ndufo, awo a-anịmme ke akpanikọ anie nsi-nsi uwem.

Yọọn 9:35

Yisọs amaakop ke ammọ emaebịne anye esio, ndin ke ini anye amaakedikịt anye, Yisọs abo anye ate, “Afo amenịm Ayịn Awo ke akpanikọ?”

Ñwed Mbon Rum 8:13

Sia ndufo ekpeeduuho uwem ekeene udọñ abʌkidem ndufo, ndufo eyaekpañña, ado ekpeeduuho ke Sịbidịd, ndufo eyaewot ndiọiñkpọ abʌkidem enyʌñ edu uwem.