Yọọn 10:28 - Ñwed Abasi Ke Ikọ Ibibio Ayo Mfịn

²⁸ Ami nnọ ammọ uwem nsi-nsi, ammọ idiisoppo tutu amama; ñko awo ndomokeed idiiwappake ammọ insio miin ke ubọk.

Yọọn 10:28 ပူးပေါင်းရင်းမြစ်များ

Maak 13:22

Uwak nsu-nsu Mesaya ye brọfed nsu eyaewuọọñọ edịghe eyaenyʌñ enam uwak idiọọñọ ye utịbe ñkpọ ma ebiaaña mme awo, ammọ ekpekan, kpa ye mme andimek Abasi.

Eti Etob Naña Duk Awet 23:46

Yisọs amaabọñ ke akpọsọñ uyo, “Ete, mmeyaak ukpọñ mmi usịn fiin ke ubọk.” Anye amaaketañ ikọ ami ima, anye aduọk akpatre inweek.

Yọọn 10:29

Ete mmi, a-akennọọhọ ammọ, akpon akan afịd awo, ñko awo ndomokeed ikemeke adiyịp ammọ nto ubọk Ete mmi.

Yọọn 11:25

Yisọs abo anye, “Ami ndo adised ke ñkpa ye uwem. Awo annịmme miin ke akpanikọ ayaadu uwem akpesʌk ado anye akpaaha;

Yọọn 14:19

Ke etək ini, ederimbod idiiñkịtte miin aba, ado ndufo eyaeñkịt. Sia ami mmedu uwem ndin ndufo ñko eyaedu uwem.

Yọọn 17:2

Sia afo ameyaak adudu ukara afịd awo anọ anye ma anye anọ afịd mbon ami se afo akenọ anye nsi-nsi uwem.

Yọọn 18:9

Anye aketañ ntom nọ ikọ brọfesi asu a-anye akebooho ate, “Ami ñkeduọọhọ ndomokeed ke atu se afo akennọ.”

Yọọn 3:36

Awo ake adodo anịmme Ayịn ke akpanikọ anie nsi-nsi uwem, ado awo keed ake adodo asịne Ayịn idiikịtte uwem, sia iyadesịd Abasi adoro anye ke idem.”

Yọọn 4:14

ado awo keed ake adodo añwọññọ mmọọñ a-ami ndiinọ anye, itọñ idiisatta anye aba. Ke akpanikọ mmọọñ a-ami ndiinọ anye ayaakappa idịm ke esịd idem amọ afeghe akesịm uwem nsi-nsi.”

Yọọn 5:24

“Ke ata akpanikọ ami ntañ inọ ndufo, awo keed ake adodo a-akpaña utọñ anọ ikọ mmi anyʌñ anịm awo a-akendọññọ ke akpanikọ anie nsi-nsi uwem, awo idiinyʌññọ ibiom anye ikpe ado anye awuọ ke ñkpa adʌk uwem.

Yọọn 6:27

Ndufo ikiinam utom inọ ndidia adooho ayaabiara, ado inam inọ ndidia a-adiidat ikisịm nsi-nsi uwem, a-Ayịn Awo adinọ ndufo ke idem amọ. Sia Abasi Ete ke idem amọ awuuk idiọọñọ ke imọ imimek anye.”

Yọọn 6:37

Afịd awo se Ete annọ miin eyaedi embịne, ndin ami ndiibịneke awo ake adodo a-adieeghe ambịne miin.

Yọọn 6:47

Ke ata akpanikọ ami ntañ inọ ndufo, awo a-anịmme ke akpanikọ anie nsi-nsi uwem.

Yọọn 6:68

Saimọn Bita abọọrọ, “Abọọñ, anie ke ñnyịn idiibịne? Afo anie etob uwem nsi-nsi.

Utom 7:59

Ke idaha ammọ esʌkkọ etọọñ anye ke itiad, Stifịn amaabọñ akam abo ate, “Abọọñ Yisọs, dat sịbidịd mmi.”

Ñwed Mbon Rum 5:17

Sia adieke, ke ukwañ ñkpọ awo keed ado, ñkpa akara ato ke awo keed ado, naña die ndin ke afịd mbon se ibọ uwak mfọn Abasi mme enọ adinenido ediikara ke uwem ito awo keed ado, Yisọs Krais.

Ñwed Mbon Rum 5:2

ato ke anye ñnyịn imidʌk ke mbuọdidem, inie mfọn a-ñnyịn ibaaha idahami. Ndin ñnyịn imikop idadesịd ke idodanyen ke ubọọñ Abasi.

Ñwed Mbon Rum 5:21

ma kpa naña idiọọkñkpọ akarake ke ñkpa, ntodo ke mfọn adikara ito ke adinenido a-adiidat nsi-nsi uwem a-atooho Yisọs Krais Abọọñ ñnyịn idi.

Ñwed Mbon Rum 5:9

Sia ñnyịn imaikinen idahami ato ke iyiib amọ, naña die ke adikpon ikan anye adinyaaña ñnyịn nsio ke ifiopesịd Abasi!

Ñwed Mbon Rum 6:23

Sia utịp idiọọkñkpọ ado ñkpa, ado enọ Abasi ado nsi-nsi uwem ke Krais Yisọs Abọọñ ñnyịn.

Ñwed Mbon Rum 8:1

Ke ntodo, ubiom ikpe ibaaha inọ mbon e-ebaaha ke Krais Yisọs,

Ñwed Mbon Rum 8:29

Sia mbon a-Abasi amaakebaabak idiọọñọ anye ñko amaabak amek ammọ ke mbiod Ayịn amọ, ma anye akpedo akpa ke atu uwak nditọeka.

Fidibai 1:6

sia mmenie ayọhọ nsọọñọnda ke ami ke anye a-aketọọñọke nti utom ke idem ndufo ayaaben anye akesịm utịd tutu usen ake Krais Yisọs.

2 Tesadonia 2:13

Ado akpena afịd ini ñnyịn ikọọm Abasi ke ntak ndufo, nditọete a-Abasi amaaha, sia tọọñọ ke aditọọñọ Abasi amaimek ndufo adibọ adinyaaña nto ke utom adinam asana ake Sịbidịd ye ke adinịm ke akpanikọ.

1 Timoti 1:16

Emaentua miin mbọm ke ntak ami nọ Krais Yisọs andat miin andidiọọk ñkan ke atu mme ndiọi awo, nte uwọd-ñkpọ, ayaara anyan ime amọ anọ awo ake adodo a-adiinịm anye ke akpanikọ, anyʌñ adat anye akesịm nsi-nsi uwem.

2 Timoti 1:12

Ke ntak ami ñko ke ami mbọ ufen a-ambọọho mi. Ado abuud innamma miin, sia mmediọọñọ anye a-ami nnịmme ke akpanikọ, mmenyʌñ nnekke ndiọọñọ ke anye akeme adikpeme se ñkeyaak nsịn anye ke ubọk tutu awuọ usen ado.

Ibru 7:25

Ke ntodo anye akeme adinyaaña ukeed-ukeed mbon e-edieeghe ebịne Abasi ke anye, sia anye adodu uwem afịd ini, aka iso adinam ñkpeubọk anọ ammọ.

1 Bita 1:5

Ami, ke mbuọdidem, adudu Abasi akweeghe aboiyo adisịm adinyaaña e-enịmme ebet akpatre ini adiyaara idem.

1 Yọọn 1:2

Uwem ado amaawuọ awọd idem; ñnyịn imikịt anye inyʌñ itie ntiense ibaña anye, ñko immunyʌñ itañ inọ ndufo ibaña nsi-nsi uwem, a-akebaaha ye Ete anyʌñ ayaara idem iwọt ñnyịn.

1 Yọọn 2:19

Afịd ekewuọọñọ eto ke atu ñnyịn; ado ammọ idooho ake ñnyịn. Akpedo ekedo ake ñnyịn, ammọ ekpaekesọọñọ eda ye ñnyịn; ado ediwuọọñọ ammọ anam ñnyịn idiọọñọ ke ammọ ikidoññoke ake ñnyịn.

1 Yọọn 2:25

Se anye akenwọñọ inọọ ñnyịn, kpa nsi-nsi uwem.

1 Yọọn 5:11

Ikọ ntiense ami ado: Abasi inọ ñnyịn nsi-nsi uwem, uwem ami anyʌñ aba ke Ayịn amọ.

Ñwed Yud 1:1

Yud, isʌñutom Yisọs Krais, anyʌññọ ado ayịneka Yemsi. Awet ñwed ami anọ esọk mbon e-ekekoodo, ake Abasi Ete amaaha, Yisọs Krais anyʌññọ akpeme ammọ.

Ñwed Yud 1:21

Enịm idem ndufo ke ima Abasi enyʌñ etie ebet mbọm Abọọñ ñnyịn Yisọs Krais e-ediiben ndufo isịn ke uwem nsi-nsi.

Ñwed Yud 1:24

Amaado anye a-kanna ikpeme ndufo mbaak ididuọ, anyʌññọ anam ndufo eda ke iso ubọọñ amọ e-enana ndo ke akwa idaresịd,