Yọọn 10:27 - Ñwed Abasi Ke Ikọ Ibibio Ayo Mfịn

²⁷ Mme edọñ mmi ekpañ utọñ ekop uyo mmi; ami mmediọọñọ ammọ, ammọ enyʌñ eñkeene miin.

Yọọn 10:27 ပူးပေါင်းရင်းမြစ်များ

Matiu 16:24

Ndin Yisọs abo mme mbed amọ, “Adieke awo nte keed ayemme iñkeene miin yak anye akañ idem amọ, aben krọs amọ anyʌñ añkeene miin.

Matiu 17:5

Ke ini anye asʌkkọ atañ ntom, nyamma-nyamma ntọñanyọñ adifʌk ammọ akanna; ndin uyo ato ntọñanyọñ ami ate, “Anye ami ado Ayịn mmi a-mmaaha, nnyʌñ nnem esịd ye anye. Ikpañ utọñ inọ anye.”

Matiu 25:12

“Ado ebendọ amaabọọrọ, ‘Ke akpanikọ ke idọkkọ ndufo, ami idiọọñọke ndufo.’

Matiu 7:23

Ndin ami nyaadọkkọ ammọ ke iso ammọ nte: ‘Akenaanam ami idiọọñọke ndufo, indakka ke iso, ndufo mme anañña ndiọiñkpọ.’

Maak 10:21

Do ke Yisọs akewuuk anyen ase anye anyʌñ ama anye, ndin abo anye, “Ñkpọ keed asʌghọ afo adinam. Kaa kenyam afịd se afo anie nyʌñ kpọñ nọ uweene, ke ntom afo ayaanie akpan inie ke abio Abasi. Ndin di, disaña ye ami.”

Maak 8:34

Ndin anye amaakood atu awo ye mbed amọ adat anyʌñ abo ammọ ate, “Awo abooho iñkeene miin ana anye akañ idem anyʌñ aben krọs amọ añkeene miin.

Eti Etob Naña Duk Awet 13:27

“Ado anye ayaubọọrọ, ‘Ami udiọọñọke fiin me afo ato uke. Dakka ñkpọñ miin, afo anam ndiọi!’

Eti Etob Naña Duk Awet 9:23

Ndin anye abo afịd ammọ, “Akpedo aba awo se iyem isaña ye ami, yak anye aben krọs amọ kwa usen añkeene miin.

Yọọn 10:14

“Ami ndo eti akpemedọñ; ami mmediọọñọ mme edọñ mmi, mme edọñ mmi enyʌñ endiọọñọ miin,

Yọọn 10:16

Ami mmenie mme edọñ mfen e-mmiisịneke ke atu ami, ndin ana ami mben ammọ ndi ñko. Ammọ ñko eyaekpañ utọñ ekop uyo mmi, ndin atu edọñ keed ye akpemedọñ keed adiiba.

Yọọn 10:8

Afịd mbon se ikimbem iso idi ekedoñño inọ ye ñwo, ado mme edọñ ikikpañña utọñ inọ ammọ.

Yọọn 12:26

Awo ake adodo anamma ñkpọ annọ miin ana añkeene miin; ndin itie nte ami mba, mbed mmi ana eba ke ndo. Ete mmi ayaakpono awo a-anamma ñkpọ annọ.

Yọọn 21:22

Yisọs ate anye, “Adieke adooho uduak mmi adibo anye adu uwem tutu ami ntịmme ndi, ado ubeghe die fiin? Ana afo añkeene miin.”

Yọọn 5:25

Ke ata akpanikọ ami ntañ inọ ndufo, ini asʌk adi, ke aditʌm ntañ adidi, a-mme akpaññañkpa ediikop uyo Ayịn Abasi ndin afịd awo e-ekoppo uyo ami eyaedu uwem.

Yọọn 8:12

Ke ini Yisọs akemaanake atañ ikọ anọ mme awo, anye amaabo: “Ami ndo unwana ederimbod. Awo akeedodo a-ñkeeneke miin idiisañake ke akịm, ado ayaanie unwana ke uwem amọ.”

Yọọn 8:43

Ntak se ami ntañ miiñwañake ndufo-o? Sia ndufo ikanna adikpañ utọñ inọ-ọ se ami ntañ.

Utom 3:23

Ndin awo a-ammiikpañña utọñ inọ anye, eyaebịne anye esio afịd-afịd ke atu ndufo.’

1 Kọrint 8:3

Ado Abasi adiọọñọ awo a-amaaha anye.

Kadesia 4:9

Ado idahami emaediọọñọ Abasi, ke editʌm ntañ Abasi idiọọñọ ndufo, nsinam ekanna edem emaana ebịne mme ntək mmem-mmem ndiọi sịbidịd edo? Eyem ammọ emaana isịn ndufo ke ufʌn?

2 Timoti 2:19

Kpa ye ado, itiad idakisọñ Abasi asọọñọ ada ye mme ikọ ami: “Abọọñ adiọọñọ mbon se ido ake Amọ,” amaana adian: “Afịd awo se itommo anyịñ Abasi ana asioño idem akpọñ ukwañ ido.”

Ibru 3:7

Ke ntodo, kpa naña Adisana Sịbidịd atañ: “Mfịn ami, adieke ndufo ekoppo uyo amọ,

Adiyaara 14:4

Mbon ami ekedo mbon a-mmiikisappake idem ammọ ye ibaan, sia emaenịm idem ammọ ke edisana. Ammọ esʌk ekeene Ayịn Edọñ nte anye akaaka. Emaedep ammọ esio ke atu awo, ete ke ammọ edo akpa mfịd enọ Abasi ye Ayịn Edọñ.

Adiyaara 3:20

Ami mi nda ke inuausʌñ nsʌk ñkọñ. Awo ake adodo o-okoppo uyo Mmi ọnyʌñ ọkʌkkọ ọnnọ nyaadʌk ndi ndidia ñkpọ mme anye, anye ọnyʌñ adia mme Ami.