Yọọn 10:15 - Ñwed Abasi Ke Ikọ Ibibio Ayo Mfịn

¹⁵ kpa daña Ete andiọọñọ miin, ami ñko ñnyʌñ ndiọọñọ Ete; ñnyʌñ ñyaak uwem mmi nnọ edọñ mmi.

Yọọn 10:15 ပူးပေါင်းရင်းမြစ်များ

Matiu 11:27

“Ete mmi ayaak afịd ñkpọ ansịn ke ubọk ndin baaba awo ndomokeed idiọọñọke Ayịn ke mmiibọhọke Ete, kpa naña nte awo ndomokeed mmiidiọọñọke Ete ke mmiibọhọke Ayịn, mme mbon Ayịn amekke adiyaara anye nnọ.

Matiu 20:28

kpa naña nte Ayịn Awo akedieeghe adinam ñkpọ nnọ awo, idooho nọ enam ñkpọ enọ anye, adinyʌñ mben uwem amọ mfak uwak awo.”

Eti Etob Naña Duk Awet 10:21

Ke ukem ini ado, Yisọs ye ayọhọ idaara a-atooho Adisana Sịbidịd amaabo, “O Ete mmi, Abọọñ anyọñ ye isọñ, mmukọọm fiin naña afo adịp mbon aniọñ ye mme adiọọñọ ñkpọ mme ñkpọ ami, ado ayaara anọ ntəkayịn. Ih, Ete, sia ami ado se unem fiin esịd.

Eti Etob Naña Duk Awet 10:22

“Ete mmi amaayaak afịd ñkpọ ansịn ke ubọk. Awo ndomokeed idiọọñọke ake awo Ayịn ado, ibọhọke Ete ikpọọñ, awo ñko idiọọñọke se Ete ado, ibọhọke Ayịn ye mbon a-Ayịn amekke adiyaara anye nnọ.”

Yọọn 1:18

Awo ndomokeed akenam ikịtte Abasi, ado Ayịn Abasi ikpọọñ-ikpọọñ, a-anyʌññọ ado Abasi ke idem amọ, a-atieeghe ke ñkañ Abasi, anam eyaara anye.

Yọọn 10:11

“Ami ndo eti akpemedọñ. Eti akpemedọñ ayaak uwem amọ anọ edọñ.

Yọọn 15:13

Awo ndomokeed inieeghe ima a-akponno akan anye ami anye aduọhọ uwem amọ ke ntak mme ufan amọ.

Yọọn 17:25

“Adinen Ete, ñkọm adooho ederimbod udiọọñọke fiin, ami mmudiọọñọ fiin, ammọ ñko ediọọñọ ke afo akendọñ miin.

Yọọn 6:46

Kpaanaanam awo ndomokeed ikịtte Ete ibọhọke anye a-atooho Abasi; anye ikpọọñ akịd Ete.

Yọọn 8:55

Akpesʌk ado nte ndufo miidiọọñọke anye, ami mmediọọñọ anye. Adieke ñkpebooho ke ami ndiọọñọke anye, ami ñkpedo asʌhọ nsu nte ndufo, ado ami mmediọọñọ anye nnyʌñ nnam ikọ amọ.

Kadesia 1:4

Anye a-akenọọhọ idem amọ ke ntak mme idiọọkñkpọ ñnyịn ma inyaaña ñnyịn asio ke idiọọk ayo emana ami, nte asañake akekem ke uduak Abasi Ete,

Kadesia 3:13

Krais amaifak ñnyịn asio ke isuuñọ ibed ke anye adikikappa ndo isuuñọ inọọ ñnyịn, sia e-ewet ebo, “Adọdiọọk anọ awo ake adodo e-ekọññọ ke eto.”

Efisọs 5:2

inyʌñ idu uwem ima, kpa nte Krais akimaaha ñnyịn, a-akenyʌññọ ayak idem amọ inọ ñnyịn nte inem ufịk enọ ye uwa anọ Abasi.

Taitọs 2:14

a-akeyakka idem amọ anọ ke ntak ñnyịn nọ ifak ñnyịn asio ke afịd idiọọkñkpọ adinam asana anọ idem amọ mme awo e-edoññoke ata ake amọ, e-enieeghe udọñ adinam se ifọn.

1 Bita 2:24

Anye ke idem amọ amaabiom mme idiọọkñkpọ ñnyịn ke ikpọkidem amọ ke eto, nọ ñnyịn ikpa ikpọñ idiọọkñkpọ inyʌñ idu uwem inọ adinenido; ato ke unan amọ udọñọ akweeñe ndufo

1 Bita 3:18

Sia Krais ñko amaakpa ke ntak mme ndiọiñkpọ ini keed, awo a-anenne ke iwuod mbon mmiinenne, nọ anye idat ndufo asọk Abasi. Ekewot anye ke abʌkidem, ado enam anye adu uwem ke Sịbidịd,

1 Yọọn 2:2

Anye ado uwa usio isop mme ndiọiñkpọ ñnyịn, ndin idooho ake ñnyịn ikpọọñ; ado ake afịd awo ke ederimbod.