Yọọn 10:12 - Ñwed Abasi Ke Ikọ Ibibio Ayo Mfịn

¹² Anye e-ekpeeghekpe, idooho akpemedọñ, inyʌññọ ido anye anie edọñ. Ke ntodo, anye afeghe akpọñ edọñ ke ini anye akịtte ewaikọd naña adi. Ndin ewaikọd akịm mme edọñ anyʌñ asuan ammọ.

Yọọn 10:12 ပူးပေါင်းရင်းမြစ်များ

Matiu 10:16

“Ami isio ndufo ndọñ nte edọñ ke ufọọd mme ekpe. Ana ekara ñkara nte udʌkikọd enyʌñ enana ndudue nte ibiom.

Matiu 7:15

“Itịñ anyen ise mme brọfed abiaaña. Ammọ edi nte edọñ ado ke esịd ammọ edoñño afai ekpe.

Yọọn 10:13

Anye afeghe sia ekpekpe anye, anam anye ikereke ñkpọ ntekeed ibaña mme edọñ.

Yọọn 10:2

Anye a-asañake inuaatob adʌk ado akpemedọñ.

Yọọn 10:3

Akpeme inuaatob akʌkkọ usʌñ anọ anye adʌk, ndin mme edọñ ekpañ utọñ ekop uyo amọ. Anye akood edọñ amọ ke anyịñ anyʌñ akoono ammọ awuọ esiin.

Utom 20:29

Mmediọọñọ mbo ke mmaakpọñ, mme ndiọi anawịt ekpe eyaedʌk ke atu ndufo, idiinyʌññọ itua atu edọñ mbọm.

1 Timoti 3:3

inaaha anye ado awo u-ukọd asinaama, idooho awo abom, ana anye ado awo a-asuuhọke idem, awo a-mmiimaaha aditọhọ utọk mme awo a-miisịnne esịd ke akʌk.

1 Timoti 3:8

Mme dikịn ñko, ukem-ukem nte mme akwọrọ ikọ, ena edoñño mbon e-edotto ukpono, mme dikịn inaaha enie edeme ikọ iba, idoññoke mbon e-enwọññọ ukọd akpọsọñ, mbon udọrọ itọñ ke akʌk.

2 Timoti 4:10

sia Demas, ato ke uwʌrọ ñkpọ isọñ ami, amaafeeghe añkpọñ miin aka Tesadonika. Kresens a-aka Kadesia; Taitọs aka Dadmasia.

Taitọs 1:7

Sia emaeyak utom Abasi esịn ke ubọk adaidaha, inaaha anye anie ndo ndomokeed, inieeghe nsọñido, isọppọ iyadesịd, inaaha akpa mmịn, inaaha anye aba afai-afai, idooho awo a-ayemme udodo ke usʌñ ñwo.

1 Bita 5:2

Edoñño mme akpemedọñ enọ atu edọñ Abasi abaaha ke idak ndufo, ise ammọ nte mme ete-utom, idooho nte inyeenyịk, ado ke unyịmme esịd ndufo naña Abasi ayem ndufo eba; idooho ke idiọọk itọñ akʌk, ado sia emenie udọñ adinam utom;

2 Bita 2:3

Ke idiọọk itọñ ammọ mme andikpeeb abiaaña ami eyaenam udod eto mbʌk a-ammọ enamma ke idem ammọ. Tọọñọ ke esed ubiom ikpe ammọ itreke edibịne mbon ami, nsobo ammọ inyʌññọ iyeed idap.