Yọọn 1:51 - Ñwed Abasi Ke Ikọ Ibibio Ayo Mfịn

⁵¹ Ndin, Yisọs amaana adian, ate: “Ke ata akpanikọ ke ami udọkkọ, afo ayaakịt nte abio ubọọñ Abasi abeere, akịt mme enyere Abasi nte edọdọọk enyʌñ esọsọiyọ ebịne Ayịn Awo.”

Yọọn 1:51 ပူးပေါင်းရင်းမြစ်များ

Matiu 25:31

“Ayịn Awo amaadi ke ubọọñ amọ, ye mme afịd enyere amọ, anye ayaadat itie amọ ke ebekpo ubọọñ amọ.

Matiu 26:24

Ayịn Awo adika ukem-ukem naña ekewet ebaña anye. Ado adọdiọọk anọ awo a-atappa Ayịn Awo. Akpaafọn anye mmiikpikimanake mana.”

Matiu 3:16

Ke emaekeduọk Yisọs mmọọñ ema, anye awuọ ke mmọọñ ndin sese ikpaanyọñ abeere, ndin anye akịt naña Sịbidịd Abasi asọiyọ nte ibiom adidoro anye ke idem.

Matiu 4:11

Akem setan akpọñ anye ndin mme enyere emaedi edise ñkpọ ebaña anye.

Matiu 8:20

Yisọs amaabọọrọ anye ate, “Mme ewaikọd enieeñe adu, mme inuen anyọñ enyʌñ enieeñe efọk, ado Ayịn Awo inieeghe itie nte adaak iwuod.”

Matiu 9:6

Ado nọ ndufo ediọọñọ ke Ayịn Awo anie unen ke iso isọñ adifeen ndudue.” Ndin anye abo awo akpaubeñ ate, “Dakka da, ben aya mfo nyọñ ufọk.”

Maak 1:10

Ke ini Yisọs asañake awuọ ke mmọọñ, anye amaakịt nte anyọñ abakka iba ye naña Adisana Sịbidịd asọiyọ nte ibiom adoro anye ke iwuod.

Maak 14:62

Yisọs abo anye, “Ami ke ado, ndufo eyaekịt naña Ayịn Awo atie ke ubọk udom Anie Adudu Abasi, ye naña anye adidi ke ntọñ ikpaanyọñ.”

Eti Etob Naña Duk Awet 2:13

Kpa ke ndo-ndo ado, udịm mbon anyọñ emaebiọññọ, ediana ye enyere ado etooro Abasi ate:

Eti Etob Naña Duk Awet 2:9

Ndin enyere Abọọñ amaabiọññọ, ubọọñ Abasi amaanyʌñayamma afʌk ammọ, ndịk amaanyʌñ amʌm ammọ.

Eti Etob Naña Duk Awet 22:43

Ndin enyere amaato ke anyọñ adida anye ke iso anyʌñ asọọñọ anye idem.

Eti Etob Naña Duk Awet 22:69

Ado tọọñọ ke idahami, Ayịn Awo aditie ke ubọk nnasia akwa Abasi.”

Eti Etob Naña Duk Awet 24:4

Nte ammọ esʌkkọ eda do ke ñkpaidem, ideen iba e-ekesịneke nsem-nsem afọñ ebiọññọ ammọ ke ñkañ.

Eti Etob Naña Duk Awet 3:21

Ke ini Yọọn akeduọkkọ umiañ awo mmọọñ, Yisọs amaanyʌñ abọ uduọkmmọọñ ñko. Yisọs akebọ uduọkmmọọñ ama anye amaabọñ akam. Nte anye akebọññọ akam, ikpaanyọñ amaabeere,

Yọọn 1:50

Yisọs amaabo anye, “Afo annịm miin ke akpanikọ sia mmaubo ke mmaukịt ke idak eto fik. Afo ayaakekiid mme ñkpọ se ikpokpoon ikan ado.”

Yọọn 10:1

“Ke ata akpanikọ ami ntañ inọ ndufo mme Farisi, awo a-mmiisañake inuaatob idʌk ufọk edọñ, ado asaña usʌñ mfen adʌk, ado inọ ye awo ñwo.

Yọọn 10:7

Anam Yisọs amaana abo ammọ ate: “Ke ata akpanikọ ami ntañ inọ ndufo, ami ndo inuaatob atu edọñ.

Yọọn 13:16

Ke ata akpanikọ ami ntañ inọ ndufo, ayịnufọk ndomokeed ikponno ikan eteufọk amọ, isʌñutom inyʌññọ ikpon ikan awo andikidọñ anye utom.

Yọọn 13:38

Yisọs amaabọọrọ anye, “Amenekke abeeñe idem adikpa ke ntak mmi? Ke ataa akpanikọ ami ntañ unọ fiin, mbemiso akikọ akpọk, afo ayaañkañ miin ukpa ita!

Yọọn 14:12

Ke ata akpanikọ ami ntañ inọ ndufo, awo ake adodo annịmme miin ke akpanikọ ayaanam mme ukem utom a-ami nnamma mi, ayaanyʌñ ananam akan ami, sia ami ñka mbịne Ete.

Yọọn 16:20

Ke ata akpanikọ ami ntañ inọ ndufo, ndufo eyaetuaha enyʌñ efʌhọ ke ini mbon ederimbod ediidaara. Ndufo eyaefʌhọ ado mfʌhọ ndufo ayaakappa ado idaara.

Yọọn 16:23

Ini ado amaakem, ndufo idimbịppe ñkpọ ba keed. Ke ata akpanikọ ami ntañ inọ ndufo, Ete mmi ayaainọ ndufo ñkpọ ake adodo e-ediibịp ke anyịñ mmi.

Yọọn 21:18

Ke ataa akpanikọ ke ami ntañ unọọ, idaha a-afo akedooho akparawa, afo akesibọbọ mbọbọ idem mfo anyʌñ asaña aka itie nte afo ama; ado naña afo umausọñ uduusunyanyan ubọk, ndin awo mfen usịn afọn, anyʌñ uben fiin aka itie nte afo uduumaaha.”

Yọọn 3:3

Ke ibọọrọ Yisọs amaabo anye ate, “Ke ata akpanikọ ami ntañ inọ ndufo, ibọhọke awo amaana amana ufa, anye idiikanna ikịt abio ubọọñ Abasi.”

Yọọn 3:5

Yisọs abọọrọ, “Ke ata akpanikọ ami ntañ inọ ndufo, ibọhọke awo amana ato mmọọñ ye Sịbidịd, anye ikemeke idʌk abio ubọọñ Abasi.

Yọọn 5:19

Yisọs amaabọọrọ, “Ke ata akpanikọ ami ntañ inọ ndufo, Ayịn ikemeke inam ñkpọ ndomokeed ke idem amọ; anye akeme inam ukwueeñe se anye akịd nte Ete anam ndin ñkpọ keed ake adodo Ete anamma, Ayịn anam kpa ado.

Yọọn 5:27

Ñko anye anọ Ayịn Awo adudu adibieere ikpe, sia anye ado Ayịn Awo.

Yọọn 6:26

Yisọs amaabọọrọ ammọ: “Ke ata akpanikọ ami ntañ inọ ndufo, ndufo enyem miin, idooho ke ntak a-ndufo ekịtte mme idiọọñọ, ado sia emaeta uyo enyʌñ ekop uyʌkkọ.

Yọọn 6:32

Yisọs amaabo ammọ ate, “Ke ata akpanikọ ami ntañ inọ ndufo, idooho Moses inọọ ndufo uyo atooho abio ubọọñ Abasi, ado Ete Mmi anọ ata uyo atooho abio ubọọñ Abasi.

Yọọn 6:47

Ke ata akpanikọ ami ntañ inọ ndufo, awo a-anịmme ke akpanikọ anie nsi-nsi uwem.

Yọọn 6:53

Yisọs abọọrọ ammọ: “Ke ata akpanikọ ami ntañ inọ ndufo, adieke ndufo mmiitaaha ikpọkidem Ayịn Awo inyʌñ inwọñ iyiib amọ, ndufo idiinieeghe uwem ke idem ndufo.

Yọọn 8:34

Yisọs amaabọọrọ: “Ke ata akpanikọ ami ntañ inọ ndufo, awo ake adodo a-anamma idiọọkñkpọ adʌk afʌn anọ idiọọkñkpọ.

Yọọn 8:51

Ke ata akpanikọ ke ami ntañ inọ ndufo, awo ake adodo a-anịmme ikọ mmi, idikịtte ñkpa.”

Yọọn 8:58

Yisọs abọọrọ ammọ ate, “Ke ata akpanikọ ami ntañ inọ ndufo, mbemiso Ebraham adimana, ami mmebaba.”

Utom 10:11

Anye amaakịt ikpaanyọñ nte abeere, ndin esuuk ñkpọ nte ekamba afọñ e-ekemʌmmọ ke inuuk amọ inaañ.

Utom 7:56

Anye amaabo ate, “Se, mmekịt naña anyọñ abeere ye naña Ayịn Awo ada ke ubọkudom Abasi.”

2 Tesadonia 1:7

ndin ibiommo ndufo ufen e-ebọọhọ, ye ñnyịn ñko. Ami aditịppe ke emaeyaara Abọọñ Yisọs ito ke abio ubọọñ Abasi ke ekamba edeme ikañ ye mme enyere e-enieeghe akpọsọñ adudu.

2 Tesadonia 1:9

Eyaenọ ammọ ufen ye nsi-nsi nsobo enyʌñ ekʌk usʌñ esio ammọ ke iso Abọọñ ye ke ubọọñ adudu amọ

1 Timoti 3:16

Eniin akuuba ke atu ndufo abaña ido ukpono Abasi ñnyịn sia ado ekamba utịbe ñkpọ: Ado anye akeyaara idem amọ ke ikpọkidem, anye ado Andinen ke Sịbidịd mme enyere emaekịt anye. Emaekwọrọ anye ke atu mme idịd, emaenịm anye ke akpanikọ ke ederimbod, ndin eben anye edọọk ke ubọọñ.

Ibru 1:14

Nte mme enyere Abasi idooho mme sịbidịd nsaña utom e-esiooho edọñ ebo enam ñkpọ enọ mbon e-ediibọ adinyaaña?

Ñwed Yud 1:14

Inọk, a-adooho ayọhọ awo itiaba tọọñọ ekebot Adam, atañ ikọ nte brọfed abaña ammọ, ate “Se, Abọọñ asaña ye mme tọsịn ye mme tọsịn adisana ikọd amọ adi,

Adiyaara 19:11

Mmaakịt abio ubọọñ Abasi naña ana inwañ, ke iso mmi afia enañ mbakara ada, ekood andiwad anye Nsọọnọda ye Akpanikọ. Ke unen anye akpe ikpe anyʌñ anwana ekọñ.

Adiyaara 4:1

Ke mme ñkpọ ami emaekeboiyo mmaakịt naña usʌñ ana inwañ ke abio ubọọñ Abasi. Ndin akpa uyo añkekoppo akebaaha nte uyom ekamba adukpʌñ anyʌñ ambo miin ate, “Saña dọọk di, yak ami uwọt mme ñkpọ se a-anaaha atịppe ke ini iso.”