Yọọn 1:33 - Ñwed Abasi Ke Ikọ Ibibio Ayo Mfịn

³³ Ami ñkpekediọọñọke anye ke idem mmi, ado anye a-akendọññọ ndiduọk mmọọñ amandọkkọ miin, ‘Awo a-afo akịtte nte Adisana Sịbidịd adidoro ke idem ado anye a-adiikama Adisana Sịbidịd inịm uduọkmmọọñ.’

Yọọn 1:33 ပူးပေါင်းရင်းမြစ်များ

Matiu 3:11

“Ami ñkama mmọọñ nnịm ndufo uduọkmmọọñ nte yak ekappa esịd. Ado anye a-adiidi ke ini iso akpon ankan, ndotto adisiooño anye ikpaukod ke ukod. Anye adikama Adisana Sịbidịd ye ikañ iduọk ndufo mmọọñ.

Eti Etob Naña Duk Awet 3:16

Yọọn amaadọkkọ ammọ ate, “Ami ñkama mmọọñ inịm ndufo uduọkmmọọñ. Ado aba awo a-akponno añkan adidi, a-ami ndiidotto aditat udʌk ikpaukod amọ. Anye ayaiduọk ndufo mmọọñ ke Adisana Sịbidịd ye ikañ.

Yọọn 1:31

Ami ke idem mmi ñkediọọñọke anye, ado ntak a-ñkekamake mmọọñ nnịm uduọkmmọọñ akedo ma eben anye ewọt Isred anwa-anwa.”

Yọọn 14:26

Ado Idọñesịd, Adisana Sịbidịd, e-Ete adidọñ ke anyịñ mmi ayaikpeeb ndufo afịd ñkpọ anyʌñ itoiyo ndufo afịd se ami ntañ inọ ndufo.

Yọọn 3:34

Sia awo a-Abasi adọññọ atañ ikọ atooho Abasi, sia Abasi anọ Sịbidịd ado ayọhọ-ayọhọ.

Yọọn 3:5

Yisọs abọọrọ, “Ke ata akpanikọ ami ntañ inọ ndufo, ibọhọke awo amana ato mmọọñ ye Sịbidịd, anye ikemeke idʌk abio ubọọñ Abasi.

Yọọn 7:39

Anye aketañ ami abaña Sịbidịd a-mbon ekenịmme anye ke akpanikọ ekenaaha nte ebọ. Sia tutu akewuọ idahado awo ikinọọhọ awo ntekeed Sịbidịd dion, sia Yisọs ikidʌkkọ ubọọñ amọ dion.

Utom 1:5

Sia Yọọn akedat mmọọñ anịm uduọkmmọọñ, ado eyainịm ndufo uduọkmmọọñ ke Adisana Sịbidịd ke mme usen ifañ a-abooho idi.”

Utom 2:4

Ammọ emaeyọhọ ye Adisana Sịbidịd enyʌñ etọọñọ adisem mme nsio-nsio usem nte Sịbidịd akenọọhọ ammọ ukeme.

1 Kọrint 12:13

Sia ekeduọk afịd ñnyịn mmọọñ ke Sịbidịd keed esịn ke idem keed me ido mme Yuu me mme Yentaid, afʌn me amanaisọñ, ekenyʌñ inọ afịd ñnyịn Sịbidịd keed ami inwọñ.