Yọọn 1:18 - Ñwed Abasi Ke Ikọ Ibibio Ayo Mfịn

¹⁸ Awo ndomokeed akenam ikịtte Abasi, ado Ayịn Abasi ikpọọñ-ikpọọñ, a-anyʌññọ ado Abasi ke idem amọ, a-atieeghe ke ñkañ Abasi, anam eyaara anye.

Yọọn 1:18 ပူးပေါင်းရင်းမြစ်များ

Matiu 11:27

“Ete mmi ayaak afịd ñkpọ ansịn ke ubọk ndin baaba awo ndomokeed idiọọñọke Ayịn ke mmiibọhọke Ete, kpa naña nte awo ndomokeed mmiidiọọñọke Ete ke mmiibọhọke Ayịn, mme mbon Ayịn amekke adiyaara anye nnọ.

Eti Etob Naña Duk Awet 10:22

“Ete mmi amaayaak afịd ñkpọ ansịn ke ubọk. Awo ndomokeed idiọọñọke ake awo Ayịn ado, ibọhọke Ete ikpọọñ, awo ñko idiọọñọke se Ete ado, ibọhọke Ayịn ye mbon a-Ayịn amekke adiyaara anye nnọ.”

Yọọn 1:14

Ikọ amaakappa ado awo anyʌñ adʌñ mi ke ederimbod ke atu ñnyịn. Ñnyịn inyʌñ ikịt ubọọñ amọ a-anye anieeghe ato Ete nte ukwueeñe Ayịn Abasi Ete a-ayọhọke ye mfọn ye akpanikọ.

Yọọn 12:41

Aisaya aketañ ikọ ami sia anye amaakịt ubọọñ Yisọs anyʌñatañ ikọ abaña anye.

Yọọn 13:23

Keed ke atu mme mbed a-Yisọs akemaaha aketie adiana anye.

Yọọn 14:9

Yisọs amaabo ate, “Nte ami mmekeme iba ye ndufo afịd anyan ini ami, Fidib, ndin afo usʌkkọ undiọọñọ miin? Awo ake adodo añkịtte miin akịd Ete, ndin ndufo ekeme die adibo, ‘Iwọt ñnyịn Ete’?

Yọọn 17:26

Ami mmuyaara fiin nnọ ammọ ndin ñyaaka iso uyaara fiin ma ima a-afo anieeghe annọ miin aba mme ammọ ndin ami ke idem mmi mba mme ammọ.”

Yọọn 17:6

“Ami mmuyaara fiin nnọ mbon a-afo akesiooho ke ederimbod annọ. Ammọ ekedo ake mfo; afo akeben ammọ annọ, ammọ ekpono ikọ mfo.

Yọọn 3:11

Ke ata akpanikọ ami ntañ inọ ndufo, ñnyịn itañ se ñnyịn idiọọñọ, inyʌñ itie ntiense inọ se ikịt, ado ndufo isʌkkọ inyenyịmme ntiense ñnyịn.

Yọọn 6:46

Kpaanaanam awo ndomokeed ikịtte Ete ibọhọke anye a-atooho Abasi; anye ikpọọñ akịd Ete.

2 Kọrint 4:4

Abasi ayo ami amaanam ekike mbon e-emmiinịmme ke akpanikọ akịm, mbaak unwana eti etob ubọọñ Krais, a-adooho mbiod Abasi, adiyamma anọ ammọ.

Kodosi 1:15

Anye ado mbiod Abasi a-awo mmikanna ikịt ke anyen, andido akpa andito mmana ke afịd ñkpọ se Abasi abot.

1 Timoti 1:17

Yak ukpono ye ubọọñ anie nsi-nsi Adidem a-akarake ke afịd emana, anye a-mmiikpaaha, a-anyen awo mmiikịtte anye, kpa Abasi keed ke nsi-nsi nsi-nsi. Amen.

1 Timoti 6:16

anye ikpọọñ mmiidiikpaaha ñkpa anyʌñ adʌñ ke unwana a-awo mmiikanna adisaña ñkpere, Kpaanam awo ikịtte anye inyʌññọ ikan ikịt. Ubọọñ ye adudu enie anye ke nsi-nsi. Amen.

1 Yọọn 4:12

Awo ndomokeed akenam ikịtte Abasi ke anyen; ado adieke ñnyịn imaaha emọ-emọ awo, Abasi adʌñ ke esịd ñnyịn anyʌñ anam ima Abasi afọn ama ke uwem ñnyịn.

1 Yọọn 4:20

Adieke awo ndomokeed abooho, “Mmema Abasi” ado asua ayịnete amọ, anye ado asʌhọ nsu. Sia awo a-mmiimaaha ayịnete amọ a-anye akịtte ke anyen, ikemeke ima Abasi a-anye mmiikịtte.

1 Yọọn 4:9

Edat ami eyaara ima a-Abasi anieeghe inọ ñnyịn, ke anye edinọ ikpọọñ Ayịn amọ adi ke isọñ, nọ atoodo ñnyịn inie uwem ito anye.

1 Yọọn 5:20

Imidiọọñọ ñko ke Ayịn Abasi adi anyʌñ inọ ñnyịn ifiọk naña ñnyịn ikeme edidiọọñọ andido akpanikọ. Ndin, ñnyịn idʌñ ke andido akpanikọ, kpa ke Ayịn amọ Yisọs Krais. Anye ado ñkukwere Abasi akpanikọ ye uwem nsi-nsi.