Yọọn 1:14 - Ñwed Abasi Ke Ikọ Ibibio Ayo Mfịn

¹⁴ Ikọ amaakappa ado awo anyʌñ adʌñ mi ke ederimbod ke atu ñnyịn. Ñnyịn inyʌñ ikịt ubọọñ amọ a-anye anieeghe ato Ete nte ukwueeñe Ayịn Abasi Ete a-ayọhọke ye mfọn ye akpanikọ.

Yọọn 1:14 ပူးပေါင်းရင်းမြစ်များ

Matiu 1:16

ndin Yekọb abon Yosef ebe Mmeri, a-aketooho ke anye Yisọs e-ekoodo Krais amana.

Eti Etob Naña Duk Awet 2:11

Mfịn ami ke abio Defid, Andinyaaña amana inọ ndufo; anye ado Mesaya, a-adooho Abọọñ.

Eti Etob Naña Duk Awet 2:7

ndin anye amaaman akpan amọ, anyʌñ awañ anye ke afọñ anịm ke itie usịn ndidia unam, sia ufañ ikibaaha se ammọ eba ke ufọk isenawo.

Eti Etob Naña Duk Awet 9:32

Idab amaayeed Bita ye nsaña amọ eti-eti, ado ammọ eketaad anyen, emaekịt ubọọñ amọ ye awo iba e-ekedaaha ye anye.

Yọọn 1:1

Ke aditọọñọ ikọ akebaaba, ikọ ami akeba ye Abasi, ndin ikọ ami akedo Abasi.

Yọọn 11:40

Yisọs amaabo ate, “Ñketañña inọ ndufo mbo ke ekpenịm ke akpanikọ ndufo eyaekịt ubọọñ Abasi?”

Yọọn 14:6

Ndin Yisọs amaabọọrọ: “Ami ndo usʌñ, mme akpanikọ mme uwem. Awo ndomokeed idieghe ibịne Ete ibọhọke anto miin.

Yọọn 14:9

Yisọs amaabo ate, “Nte ami mmekeme iba ye ndufo afịd anyan ini ami, Fidib, ndin afo usʌkkọ undiọọñọ miin? Awo ake adodo añkịtte miin akịd Ete, ndin ndufo ekeme die adibo, ‘Iwọt ñnyịn Ete’?

Yọọn 17:22

Mmenọ ammọ ubọọñ afo akennọọhọ miin nọ ammọ edo keed kpa naña ñnyịn ido keed.

Yọọn 17:24

“Ete, ami ñyem mbon a-afo annọhọ miin eba mme ami ke itie a-ami mbaaha nọ ammọ ekịt ubọọñ mmi, ubọọñ a-afo annọhọ miin sia afo amaamma miin mbemiso afo akebot ederimbod.

Yọọn 18:37

Baided ndin abịp anye, “Ke ntodo, nte afo ado adidem?” Yisọs amaanọ ibọọrọ ate, “Afo abo ke ndo adidem. Ke aditịm ntañ, ntak a-ami ñkemanake ñnyʌñ ndi ke ederimbod ado adinam ekondo ediọọñọ akpanikọ. Afịd awo se ima akpanikọ edo mme andikop uyo mmi.”

Yọọn 2:11

Utịbe ñkpọ a-Yisọs akenamma mi ke Kena ke Kadidi akedo akpa ke atu mme idiọọñọ a-anye akedatta ayaara ubọọñ amọ, ndin mme mbed amọ enyʌñ enie mbuọdidem ke anye.

Yọọn 3:16

“Sia Abasi akeneenekke ama ederimbod asịn anye akenọ ukweeñe Ayịn keed anye anieeghe mbaak awo ake adodo anịmme anye ke akpanikọ akuutak ado anie nsi-nsi uwem.

Yọọn 3:18

Awo ake adodo anịmme anye ke akpanikọ, awo idiibiommo anye ikpe, ado awo ake adodo a-mmiinịmme anye ke akpanikọ, ekap ebobiom anye ikpe, sia anye inịmme ke anyịñ ukweeñe Ayịn keed a-Abasi anieeghe ke akpanikọ.

Yọọn 6:51

Ami ndo uyo uwem aketooho abio ubọọñ Abasi asọiyọ adi. Awo ake adodo a-ataaha uyo ami ayaadu uwem ke nsi-nsi. Uyo ami ado ikpọkidem mmi, a-ami ndiinọ ke ubiọñ uwem ederimbod.”

Yọọn 8:32

Ndufo eyaediọọñọ akpanikọ, ndin akpanikọ ayaanam ndufo ebọkkọ ufʌn.”

Utom 13:33

Abasi anam anye asu inọ ñnyịn, nditọ ammọ, ke anye adinam Yisọs aset ke ñkpa. Kpa nte emaekewet ke udiana Saam: “ ‘Afo ado ayịn mmi; mfịn ami mmubon fiin.’

Ñwed Mbon Rum 8:3

Sia se ibed mmiikinieeghe adudu adinam sia idiọọk ido abod ñnyịn amaabọ anye adudu, Abasi amaanam ke adinọ ukweeñe Ayịn amọ ke mbiod idiọọk ido abʌkidem adido uwa ñkpọ idiọọkñkpọ. Ndin anye amaabiom idiọọkñkpọ ikpe ke uduod abʌkidem,

Ñwed Mbon Rum 9:5

Ake ammọ ado mme nsọbom, ndin ato ke ammọ ediọọñọ nte Mesaya aketo adimana nte awo, a-adooho andikara afịd ñkpọ. Yak itooro anie Abasi ke nsi-nsi! Amen.

1 Kọrint 15:47

Akpa awo akedo ntọñ isọñ, ayọhọ awo iba ato anyọñ.

2 Kọrint 12:9

Ado anye andọkkọ miin ate, “Mfọn mmi ukem fiin udeme sia enam adudu mmi afọn ama ke mmemidem.” Ke ntodo, ñyaanam inua ñkan naña ñkenanam ke idadesịd mbaña mmemidem mmi, nọ ato do adudu Krais andodo ke idem.

Kadesia 4:4

Ado ke ini amaakedikem ayọhọ-ayọhọ, Abasi amaadọñ Ayịn amọ a-akemanake ato awonwaan, amana ke idak ibed,

Efisọs 3:8

Akpesʌk ado nte ami nsuuhọke ñkan andisịp ñkan ke atu nditọ Abasi, ekennọ miin mfọn ami adikwọrọ nnọ mme Yentaid mme inie ke Krais a-awo mmiikemeke adidiọọñọ,

Kodosi 1:19

Sia Abasi amaanem esịd adinam afịd uyọhọ amọ adʌñ ke anye,

Kodosi 2:3

e-edịppe afịd mme ñkpọuto ifiọk mme aniọọñ.

Kodosi 2:9

Sia ke Krais ke ayọhọ-ayọhọ Idem adʌñ ke abʌkidem nte awo.

1 Timoti 3:16

Eniin akuuba ke atu ndufo abaña ido ukpono Abasi ñnyịn sia ado ekamba utịbe ñkpọ: Ado anye akeyaara idem amọ ke ikpọkidem, anye ado Andinen ke Sịbidịd mme enyere emaekịt anye. Emaekwọrọ anye ke atu mme idịd, emaenịm anye ke akpanikọ ke ederimbod, ndin eben anye edọọk ke ubọọñ.

Ibru 1:3

Ayịn ado uyama ubọọñ Abasi ye ata mbid idem amọ a-amʌmmọ afịd ñkpọ akama ke adudu ikọ amọ. Ke anye amaakenam awo asana ke adiyet idiọọkñkpọ nsio, anye amaasuuk atie ke ubọk udom Andikara ke abio ubọọñ Abasi.

Ibru 1:5

Ake-e ke atu mme enyere ke akenam Abasi abo, “Afo ado Ayịn mmi; mfịn ami mmubon fiin”? Me mfen, “Ami ñyaado Ete amọ, ndin anye ayaado Ayịn mmi”?

Ibru 10:5

Ke ntak ami, Krais amaakedi ke ederimbod, anye abo: “Uwa ye mme enọ afo ukuyemme, ado afo amaabot idem annọ miin;

Ibru 2:11

Ammọ, anye a-anamma awo asana ye mbon se enam esaana esịne ke ekpək keed. Ke ntodo, abuud imʌmmọ Yisọs adikood ammọ nditọete.

Ibru 5:5

Ke ntodo Krais ñko ikidatta ke idem amọ ubọọñ adido akwa aku. Ado Abasi akebo anye: “Afo ado Ayịn mmi; mfịn ami mmubon fiin.”

1 Yọọn 4:14

Ñnyịn imikịt, iminyʌñ ido ntiense ibo ke Ete akedọñ Ayịn amọ ate adi nte Andinyaaña ederimbod.

1 Yọọn 4:9

Edat ami eyaara ima a-Abasi anieeghe inọ ñnyịn, ke anye edinọ ikpọọñ Ayịn amọ adi ke isọñ, nọ atoodo ñnyịn inie uwem ito anye.

2 Yọọn 1:7

Uwak mbon abiaaña, ammiinyịmmeke ibo ke Yisọs Krais amaadi ke ederimbod ke abʌkidem, ewuọọñọ edọñọ ke ederimbod. Utọ awo ami edo awo abiaaña ye andibiọọññọ Krais.

Adiyaara 19:13

Anye asịne afọñ e-ekenyiine ke iyiib, ndin anyịñ amọ ado ikọ Abasi.

Adiyaara 21:3

Ndin mmaakop ekamba uyo a-atooho ebekpo naña abo, “Se, idaha ami itie idʌñ Abasi aba ye mme awo, anye ayaadʌñ ye ammọ. Ammọ eyaedoñño mbon amọ, ndin Abasi ke Idem amọ ayaadʌñ ye ammọ, anyʌñ ado Abasi ammọ.