Yọọn 1:10 - Ñwed Abasi Ke Ikọ Ibibio Ayo Mfịn

¹⁰ Anye amaaba ke ederimbod, ndin akpesʌk ado ekenamma ederimbod eto anye, ederimbod ikidiọọñọke anye.

Yọọn 1:10 ပူးပေါင်းရင်းမြစ်များ

Matiu 11:27

“Ete mmi ayaak afịd ñkpọ ansịn ke ubọk ndin baaba awo ndomokeed idiọọñọke Ayịn ke mmiibọhọke Ete, kpa naña nte awo ndomokeed mmiidiọọñọke Ete ke mmiibọhọke Ayịn, mme mbon Ayịn amekke adiyaara anye nnọ.

Yọọn 1:11

Anye amaadi ubon ammọ, ado ammọ ikidaarake anye.

Yọọn 1:18

Awo ndomokeed akenam ikịtte Abasi, ado Ayịn Abasi ikpọọñ-ikpọọñ, a-anyʌññọ ado Abasi ke idem amọ, a-atieeghe ke ñkañ Abasi, anam eyaara anye.

Yọọn 1:3

Aketo anye afịd ñkpọ adibañña; ibaaha ñkpọ a-mmikitooho anye.

Yọọn 1:5

Unwana ami ayamma ke akịm, ado akịm ikanna ifʌk unwana ami.

Yọọn 17:25

“Adinen Ete, ñkọm adooho ederimbod udiọọñọke fiin, ami mmudiọọñọ fiin, ammọ ñko ediọọñọ ke afo akendọñ miin.

Yọọn 5:17

Ke adifak idem Yisọs abo ammọ ate, “Ete mmi asʌk ananam utom afịd ini tutu mfịn ami, ndin ami ñko, nsʌk nnam utom.”

Utom 14:17

Ado anye itreke adinọ idem amọ ikọ ntiense: Anye awọt mfọnido ke adinọ ndufo edịm ato ke anyọñ ye mme mfịd inwañ ke ini ammọ; anye inọ ndufo uwak ndidia, anyʌñ ayọhọ esịd ndufo ye idaara.”

1 Kọrint 1:21

Sia ato ke ifiọk ake Abasi, ekondo ke ifiọk ammọ ikidiọọñọke anye, Abasi amaakop inemesịd ato ke ndisịme se ekwọrọ anyaaña mbon se inịm ke akpanikọ.

1 Kọrint 2:8

Ikinwañake mme andikara ayo ami ba keed sia akpedo amaanwaña ammọ, ammọ ikpikikọññọ Abọọñ ubọọñ ke eto.

1 Kọrint 8:6

ado ñnyịn inie Abasi keed, Abasi Ete, a-afịd ñkpọ aketooho, anye ñko ke ñnyịn idu uwem inọọ; ñko Abọọñ keed aba, kpa Yisọs Krais; afịd ñkpọ aketo ke anye, uwem ñnyịn anyʌñ ato anye.

Kodosi 1:16

Sia aketo ke anye ebot afịd ñkpọ mme ñkpọ ke anyọñ ye ke isọñ, se ekịt ye se mmiikịtte, mme ebekpo, mme adudu, mme andikara mme adudu ibed: anye akebot afịd mme ñkpọ anyʌñ anọ anye.

Ibru 11:3

Ke mbuọdidem iñwaña ñnyịn ke ekebot ederimbod ato ewʌhọ Abasi, ke ntodo ñkpọ se ekịt ami awo ikibotto ito mme ñkpọ se ekekịt ke anyen.

1 Yọọn 3:1

Ise utọ ekamba ima e-Ete imaaha ñnyịn, tutu ikood ñnyịn nditọ Abasi. Ndin kpa ado ke ñnyịn ido. Ederimbod idiọọñọke ñnyịn nte nditọ Abasi sia ammọ mikidiọọñọke anye.