Utom 3:6 - Ñwed Abasi Ke Ikọ Ibibio Ayo Mfịn

⁶ Akem Bita amaabo anye, “Ami nnieeghe sịrifa me kood a-mbooho unọ fiin, ado se nnie ke mbo unọ. Ke anyịñ Yisọs Krais ake Nasared, dakka da saña.”

Utom 3:6 ပူးပေါင်းရင်းမြစ်များ

Matiu 10:9

“Ndufo ikiikama kood me srifa, me kọpa ke nkịne isịn akʌk ndufo

Matiu 7:22

Uwak awo eyaembo ke usen ado, ‘Abọọñ, Abọọñ, nte ñnyịn ikidakka itañ se idiitịppe ke anyịñ mfo, ibịn ndiọi sịbidịd isiooño mme awo ke idem ke anyịñ mfo, inyʌñ inam utịbe ñkpọ?’

Maak 14:8

Awonwaan ami akenam se anye akan. Anye ababak anyet miin anemufịk adan abeeñe ini e-edimbuuk miin.

Maak 16:17

Ndin mme idiọọñọ ami eyaekeene mbon se inịm ke akpanikọ: ke anyịñ mmi ammọ eyaebịn mme ndiọi sịbidịd; eyaesem ufa usem;

Yọọn 19:19

Baided amaanam ewet idiọọñọ se edian ke krọs Yisọs. Ekewet ete: Yisọs awo Nasared, Adidem mme Yuu.

Utom 10:38

naña Abasi akeyet Yisọs Ayịn Nasared adan ye Adisana Sịbidịd ye adudu, ye naña anye akesaña anañña nti ñkpọ anyʌñ akọk afịd mbon udọñọ mme awo e-ekebaaha ke ukad andidiọọk, sia Abasi amaaba ye anye.

Utom 16:18

Anye amaaka iso anam ntom ke mme uwak usen. Ke akpatre, ñkpọ ami amaafịna Bọọd tutu anye akanna ada aduat sịbidịd ado, ate, “Ke anyịñ Yisọs Krais mmuwuuk fiin mbo awuọ anye ke idem!” Kpa idaha-idaha ado sịbidịd ado amaakpọñ anye.

Utom 2:22

“Ndito Isred ñnyịn, ikpañ utọñ ikop se mbo ntañ: Yisọs ayịn Nasared akedo awo a-Abasi akebenne iwọt ndufo anwa-anwa ato ke mme utịbe ñkpọ ñkpaidem ye mme idiọọñọ a-Abasi akanamma ke ufọọd ndufo ato ke ubọk amọ, nte ndufo ke idem ndufo ediọọñọke.

Utom 2:36

“Ke ntodo, yak afịd ufọk Isred ediọọñọ ayọhọ-ayọhọ: ke Abasi amaanam Yisọs a-ndufo ekekọññọ ewot ke eto krọs, ado Abọọñ ye Mesaya.”

Utom 3:16

Awo a-ndufo ekịtte mi enyʌñ ediọọñọ, akop nsọñidem ato ke mbuọdidem ke anyịñ Yisọs. Mbuọdidem a-atooho ke anyịñ Yisọs anọ anye ata nsọñidem, nte afịd ndufo ekịtte.

Utom 3:5

Ndin awo mbʌñọ ado anekke ase ammọ, akere ke ammọ eyainọ ñkpọ.

Utom 3:7

Do ndin Bita amaanyan ubọk udom abenne awo mbʌñọ ami ke anyọñ, kpa ataa idahado, ikpad ye itọñ ukod ete ado amaasọñ.

Utom 4:10

afịd ndufo, ye afịd ufọk Isred, idiọọñọ ami: ite ke ato anyịñ Yisọs Krais ake Nasared, a-ndufo ekekọññọ ewot ke eto krọs, a-Abasi akenamma aset ke ñkpa, ke awo ami anie nsọñidem, a-adaaha mi ke iso ndufo.

Utom 4:7

Ammọ emaeben Bita ye Yọọn edi ke iso ammọ enyʌñ etọọñọ adibịp ammọ mbịme: “Ke nso-o utọ adudu, ye ke anyịñ anie ke ndufo ekenam afịd ami?”

Utom 9:34

Ndin Bita amaabo anye ate, “Enias, Yisọs Krais anam udọñọ mfo akweeñe, dakka da, nyʌñ ben aya mfo.” Enias amaadakka ada ini keed.

1 Kọrint 4:11

Tutu asịm idahami, ñnyịn imikop abiọñ ye nsaditọñ, ñnyịn isịne ntaaha afọñ, ikama ñnyịn ke ukuud, ñnyịn inieeghe itie idʌñ.

2 Kọrint 6:10

edat ñnyịn nte mbon mfʌghọ, ado iba ke idadesịd afịd-afịd ini; nte uwueene ado inam uwak awo enie inie; nte mme anana ñkpọ ke ini inieeghe afịd ñkpọ.

2 Kọrint 8:12

Sia adieke unyịmme esịd abaaha, enọ a-anem Abasi esịd, akeene se awo anie, idooho se anye mmiinieeghe.

2 Kọrint 8:9

Sia ndufo emediọọñọ mfọn Abọọñ ñnyịn Yisọs Krais, ke akpesʌk ado anye akedooho imọ, ado ato ke ntak ndufo anye amaakappa ado uwueene nọ ato ke uwueene amọ ndufo ekappa edo mme imọ.

Yemsi 2:5

Ikpañ utọñ, mme ndima nditọete: Nte Abasi imekke mbon edoññoke uweene ke anyen ederimbod nọ edido imọ ke mbuọdidem enyʌñ edinie abio ubọọñ a-anye akenwọñọke anọ mbon e-emaaha anye?

1 Bita 4:10

Yak awo keed-a-keed adad enọ anye abọọhọ anam ñkpọ anọ keed aken, ke afịd esịd akpanikọ nte mme anie nsio-nsio mfọn Abasi.