Utom 14:2 - Ñwed Abasi Ke Ikọ Ibibio Ayo Mfịn

² Ado mme Yuu e-ekediimaagha inịm ke akpanikọ emaetañ ikọ etịmede mme Yentaid mfen enyʌñ ebiad ammọ esịd ebaña mme ikọd Abasi ami.

Utom 14:2 ပူးပေါင်းရင်းမြစ်များ

Yọọn 3:36

Awo ake adodo anịmme Ayịn ke akpanikọ anie nsi-nsi uwem, ado awo keed ake adodo asịne Ayịn idiikịtte uwem, sia iyadesịd Abasi adoro anye ke idem.”

Utom 1:15

Ke mme usen ado, Bita amaadakka ada ke ufọọd mme andinịm ke akpanikọ (e-ekeyọhọke ñkpọ nte awo ikie ye edịb)

Utom 13:45

Ke mme Yuu emaekekịt mme atu awo, ufịb amaadʌk ammọ esịd ndin ammọ emaesue Bọọd aketañ ikọ ke ido usọñanyen ye eniin.

Utom 13:50

Ado mme Yuu emaedọọñ mme ibaan e-ekebaaha Abasi enyʌñ enie ñkoñkoñ idaha ye mme awuọiso ideen ke abio. Ammọ emaeben ukọbọ ekeene Bọọd ye Banabas, enyʌñ ebịne ammọ esio ke ñkañ ammọ.

Utom 14:19

Ndin usʌk mme Yuu emaeto Antiọk ye Aikonium edikpuuño mbioawo esịd. Ammọ emaetọọñ Bọọd ke itiad enyʌñ edʌt anye eben esio ke abio, ekere ke anye akpa.

Utom 14:4

Ubakka amaaba ke ufọọd mbon Aikonium; usʌk eda ye mme Yuu, usʌk eda ye mme abọsịd.

Utom 14:5

Do ndin mme Yentaid ñkọrọ mme Yuu emaedioomo ye mme adaiwuod ammọ keed-e-keed aditʌkkọ mme abọsịd ñnyʌñ ntọọñ ammọ ke itiad.

Utom 17:13

Ado ke mme Yuu ke Tesadonika emaekeediooho ke Bọọd asʌk akwọrọ ikọ Abasi ke Beria, usʌk ammọ emaeka do ñko ekesịn nsok ke ufọọd mme awo ntịme enyʌñ etimmede ammọ esịd.

Utom 17:5

Ado ubaak mme Yuu emaefịbbe ufịb; do ndin ammọ emaekekoono mme ndiọi awo eto anwa udua, edọọñ atu awo nọ etọọñọ ntịme ke abio. Ammọ emaefeeñe eka ufọk Yesịn adiyem Bọọd ye Saidas mben ammọ ndi ke iso mme atu awo.

Utom 18:12

Daña Kadio akedooho ata ekamba awo ukara kọnsịn ke Akaya, mme Yuu emaediana esid keed enam ntịme ye Bọọd enyʌñ eben anye eka esob, ete:

1 Tesadonia 2:14

Sia ndufo, nditọete, emaekappa edoñño mme andikpebe mme ufọkabasi ke Yudia, e-ebaññake ke Krais Yisọs. Ndufo ekebọ ufen eto ke ubọk mbon abio ndufo, ukem ufen a-mme ufọkabasi ado ekebọọhọ eto mme Yuu,