Utom 12:4 - Ñwed Abasi Ke Ikọ Ibibio Ayo Mfịn

⁴ Herọd amaakemʌm anye, amaasịn anye ke ñkpakọb, anyʌñ ayaak anye anọ mbon ekọñ duob ye itiokeed ate ekpeme. Herọd akeduak isio anye ke ini Usọrọ Basofa amaakeboiyo nọ ekpe ikpe amọ ke iso abio.

Utom 12:4 ပူးပေါင်းရင်းမြစ်များ

Matiu 24:9

“Ndin eyaikappa ndufo enọ mbio e-ediitʌkkọ ndufo inyʌñ iwood ndufo, ñko afịd idịd eyaisua ndufo ke ntak mmi.

Matiu 26:5

Ammọ emaebo ete, “Idiidooho ke ini usọrọ ami, mmidooho ntodo, mme awo ekeme isịn ntịme.”

Maak 14:1

Akesʌghọ usen iba mbemiso adikem usen usọrọ Basofa ye Usọrọ Uyo a-awo mmiisisịnne defịn; ndin mme ikpọ aku ye mme andikpeeb ibed eyem ñkara-ñkara usʌñ naña eda emʌm Yisọs ndịbbe-ndịbbe enyʌñ ewot.

Eti Etob Naña Duk Awet 21:12

“Ado mbemiso afịd ami atịppe, ammọ eyaimuum enyʌñ itʌkkọ ndufo. Eyaiyaak ndufo enọ ke sinakọk, isịn ke ñkpakọb enyʌñ iben ndufo eka iso mme ikpọ mbọọñ ye mme adaukara ke ntak mmi.

Eti Etob Naña Duk Awet 22:33

Ado Saimọn amaabọọrọ anye ate, “Abọọñ, ami mmebeeñe idem adisaña ye afo akpọkọm ke ufọk ñkpakọb, me ke ñkpa.”

Yọọn 19:23

Mbon ekọñ e-ekekọññọ Yisọs ke eto krọs emaedat afọñidem amọ, esiak ke itie inaañ edat keed-e-keed, afọñ idakidem amọ kpọd akesʌghọ Yisọs ke idem. Afọñ idakidem ami akedo ifre keed tọọñọ ke anyọñ tutu asịm isọñ, ikinieeghe itie e-ekesiaaha akịm ke ñkañ.

Yọọn 21:18

Ke ataa akpanikọ ke ami ntañ unọọ, idaha a-afo akedooho akparawa, afo akesibọbọ mbọbọ idem mfo anyʌñ asaña aka itie nte afo ama; ado naña afo umausọñ uduusunyanyan ubọk, ndin awo mfen usịn afọn, anyʌñ uben fiin aka itie nte afo uduumaaha.”

Utom 12:3

Anye amaakekịt ke ñkpọ ami amaanem mme Yuu esịd, anye amaamʌm Bita ñko. Ami aketịppe ke ini Usọrọ Basofa.

Utom 12:5

Emaesịn Bita ke ñkpakọb, ado mbon ufọkabasi emaesịn idem ebọñ akam enọ Abasi ke iwuod amọ.

Utom 4:28

Ammọ ekenam se adudu ye uduak mfo emaekebebiire enịm nọ atịppe.

Utom 4:3

Ado amaanam mme aku ye mme akpeme tembịd, ye mme Sadusi emaemʌm Bita ye Yọọn etop esịn ke ufọk ñkpakọb tutu asịm edem usen, sia akedooho ndubi.

Utom 5:18

Ammọ emaemʌm mme abọsịd, enyʌñ edọñ ammọ ke ufọk ñkpakọb afịd awo.

Utom 8:3

Ado Sọọd amaatọọñọ akọbọ ufọkabasi, adʌk ke ufọk ke ufọk, amuum ibaan ye ideen adọñ ke ñkpakọb.