Utom 1:9 - Ñwed Abasi Ke Ikọ Ibibio Ayo Mfịn

⁹ Ke anye amaaketañ ikọ ami ama, emaeben anye edọọk anyọñ ke iso ammọ tutu ntọñanyọñ afʌk anye, ammọ ikịtte anye aba.

Utom 1:9 ပူးပေါင်းရင်းမြစ်များ

Maak 16:19

Ke Abọọñ Yisọs amaaketañ mme ikọ ami ima, emaeben anye edọọk ke hefịn, anye anyʌñ asuuk atie ke ubọk udom Abasi.

Eti Etob Naña Duk Awet 21:27

Ke ini ado ammọ eyaekịt Ayịn Awo naña adi ke ntọñanyọñ ye adudu ye akwa ubọọñ.

Yọọn 6:62

Nso-o ke ekpenam adieke ndufo ekpekịtte Ayịn Awo nte adọọk aka itie a-anye akebaaha akpa!

Utom 1:11

Ammọ emaebịp mme mbed mbịme ete, “Ndufo mbon Kadidi, nsinam ndufo edudak mi ewuuk anyen ese ikpaanyọñ? Yisọs e-ebenne ikpọñ ndufo mi edọọk ke anyọñ, ayaatịmme adi ke ukem-ukem usʌñ a-ndufo ekịtte naña anye asaña adʌk abio ubọọñ Abasi.”

Utom 1:2

tutu usen ekebenne anye edọọk ke anyọñ ke anye amaakedọkkọ mme abọsịd a-anye akemekke ato ke Adisana Sịbidịd se ammọ ediinam.

1 Tesadonia 4:17

Ke ado amaakekweeñe, ñnyịn i-isʌkkọ idu uwem inyʌñ isʌhọ, eyaenam ñnyịn isoobo ye ammọ ke ntọñanyọñ nọ ato do ñnyịn idiisoobo ye Abọọñ ke afịm. Ke ntodo, ñnyịn iyaiba ye Abọọñ ke nsi-nsi.

1 Timoti 3:16

Eniin akuuba ke atu ndufo abaña ido ukpono Abasi ñnyịn sia ado ekamba utịbe ñkpọ: Ado anye akeyaara idem amọ ke ikpọkidem, anye ado Andinen ke Sịbidịd mme enyere emaekịt anye. Emaekwọrọ anye ke atu mme idịd, emaenịm anye ke akpanikọ ke ederimbod, ndin eben anye edọọk ke ubọọñ.

Adiyaara 1:7

“Sese, anye asʌk adi ke ntọñanyọñ,” ndin “afịd anyen eyaekịt anye, idem mbon e-ekekịmme anye”; ndin afịd-afịd uduod awo ke isọñ “eyaefʌhọ ke ntak amọ.” Ntodo ke adido! Amen.

Adiyaara 11:12

Ndin ammọ emaekop naña ekamba uyo ato ke abio ubọọñ Abasi abo ammọ, “Idọọk idi mmi.” Ndin ammọ emaedọọk esaaña ke ntọñanyọñ edʌk abio ubọọñ Abasi, ke ini mme asua ammọ ekesʌkkọ esese.

Adiyaara 14:4

Mbon ami ekedo mbon a-mmiikisappake idem ammọ ye ibaan, sia emaenịm idem ammọ ke edisana. Ammọ esʌk ekeene Ayịn Edọñ nte anye akaaka. Emaedep ammọ esio ke atu awo, ete ke ammọ edo akpa mfịd enọ Abasi ye Ayịn Edọñ.