Taitọs 3:3 - Ñwed Abasi Ke Ikọ Ibibio Ayo Mfịn

³ Ini keed koo, ñnyịn ñko ikido mme ndisịme, isọñiwuod, mbon ebiaañake ndin inyʌñ idʌk afʌn inọ afịd uduod udọñ ederimbod mme inemesịd. Ñnyịn imaidʌñ ke adinie udu ke esịd nnọ keed aken mme ufịp inyʌñ idisuaara keed aken.

Taitọs 3:3 ပူးပေါင်းရင်းမြစ်များ

Matiu 21:29

“Anye ado abọọrọ, ‘Ndiikaaha,’ ado akema akpəgho akikere amọ adika.

Eti Etob Naña Duk Awet 21:8

Anye amaabọọrọ, “Ikpeme mbaak edibiaaña ndufo. Sia mme awo eyaedi ke anyịñ mmi, ete, ‘Ami ndo anye’ ye ‘Ini akpere.’ Ikiikeene ammọ.

Yọọn 8:34

Yisọs amaabọọrọ: “Ke ata akpanikọ ami ntañ inọ ndufo, awo ake adodo a-anamma idiọọkñkpọ adʌk afʌn anọ idiọọkñkpọ.

Ñwed Mbon Rum 11:30

Kpa naña ndufo ke ini ako ekesọññọ iwuod mme Abasi ado emebọ mbọm ke ntak ntịdutọñ ammọ idahami,

Ñwed Mbon Rum 6:12

Ndin ikuuyak idiọọkñkpọ akara ikpọkidem ndufo mbaak ndufo idinam ndiọi udọñ amọ.

Ñwed Mbon Rum 6:17

Ado mmekọọm Abasi nte ke akpesʌk ado a-ndufo ekesidooho ifʌn enọ idiọọkñkpọ, ndufo emaenam se ekikpeep ndufo ke afịd esịd ndin anye akappa ado usʌñ nkobuyo ndufo idahami.

Ñwed Mbon Rum 6:22

Ado idahami emaesio ndufo ke idiọọkñkpọ, ndufo enyʌñ eforo ifʌn ake Abasi, mme ntiñkpọ a-andufo ebọọhọ adat ndufo aka adisana ido, ndin utịb ado nsi-nsi uwem.

Ñwed Mbon Rum 6:6

Sia ñnyịn imidiọọñọ ke emaekọñ akaan uduod ñnyịn ke krọs ye anye nọ idiọọkñkpọ abʌkidem aboiyo afep, mbaak ñnyịn ikuuka iso ido ifʌn inọ idiọọkñkpọ.

2 Kọrint 12:20

Sia mmenie ndịk nte ke ini ndiidi, ndiidikịtte ndufo naña ñkpeyem ndufo eba, ndufo ñko idiiñkịtte miin naña ekpeyem ami mba. Mmenie ndịk mbaña utọk, ye ufịb ye ifiopesịd, ye ubakka, ye ubiaad anyịñ ye idiọọk ibaaña, ye ñkokkoidem ye mfịna, ke ufọọd ndufo.

Kadesia 6:3

Adieke awo akereke ke imọ ido ñkpọ ke ini anye mmiidooho, anye abiaaña idem amọ.

Kodosi 1:21

Ke ini akeboiyoke emaidianna ndufo ekpọñ Abasi ndin ekappa edoñño me asua ke esịd ndufo ato ke ntak idiọọkñkpọ ndufo.

Kodosi 3:7

Ndufo emaesisaña ke mme utọ usʌñ ami, ke uwem a-ndufo ekeduuho ke ini akpa.

2 Timoti 3:13

Ado ndiọi awo ye mme anam abiaaña, eyaekaka iso ediọi ekan, enyʌñ eka iso ebiaaña awo, mme awo enyʌñ ebiaaña ammọ.

2 Timoti 3:6

Sia ammọ ekama ñkara edʌk ufọk awo; ebiaaña ibaan i-mmiinieeghe nsọọñọnda, idiọọk akara uwem ammọ; enyʌñ ekpeep ammọ nsu-nsu ukpeep ñkpọ, enie nsio-nsio ndiọi udọñ

Taitọs 1:16

Ammọ edat ke mmimmọ imidiọọñọ Abasi, ado ato ke edu uwem ammọ, ammọ ekañ anye. Ammọ edoñño mme mbon ndubiam, etre utọñ ndin idotto edidat nnam ñkpọ se ifọn.

Taitọs 2:12

Anye ikpeeb ñnyịn adibo “iyo-o” ke unana adisana ido Abasi ye akwa idiọọk udọñ ñkpọ ederimbod, ye edidʌñ ke mfadidem, uwem a-adooho nnen-nnen ye mme nti uwem ido Abasi eyo mfịn ami,

Yemsi 1:26

Adieke mme awo edatta idem ammọ nte mme anam ikọ Abasi ado ammọ imʌmmọ edeme ammọ ke akpọsọñ ubọk, ammọ ebiaaña idem ammọ ndin ikọ Abasi ammọ ado ikpu-ikpu.

1 Bita 1:14

Nte nditọ nsuukiwuod, ikiiyak idem ndufo inọ idiọọk udọñ a-ndufo ekenieeghe, ke ini a-ndufo mmiikinieeghe ifiọk.

Adiyaara 12:9

Emaetop ekamba drakọn eduọọk ke isọñ, akaan udʌkikọd ado e-ekoodo anye andidiọọk me Setan, anye a-anamma afịd ederimbod ewuọ ekpọñ usʌñ. Emaetop anye eduọọk ke isọñ ye mme enyere amọ.

Adiyaara 13:14

Ato ke ntak mme idiọọñọ ami a-anye akenaññake ke iwuod akpa idiọọk unam, anye amaabiaaña mme andidʌñ ke ederimbod. Anye amaanyịk ammọ ate ebot ubobod ñkpọ ke mbiod mme ke ukpono akpa idiọọk unam emaekenọ unan ke akañkañ ado anye asʌk adodu uwem.

Adiyaara 18:2

Anye amaabọñ ke akpọsọñ uyo ate: “ ‘Aduọ! Ekamba Babidọn aduọ!’ Anye adido itie idʌñ ndiọi sịbidịd mme nde mme ndiọi sịbidịd ekaiyake, itie mme afịd ndiọi ye mme ndubiam inuen ekaiyake, itie ndedek unam.