Taitọs 2:3 - Ñwed Abasi Ke Ikọ Ibibio Ayo Mfịn

³ Ntodo ñko, kpeeb mme ñkaan ibaan adinie ukpono ke usʌñ naña ammọ edu uwem, ekuudoñño mme abiad awo anyịn mme mbon ukpa mmịn amegheke, ado ekpeeb se ifọn.

Taitọs 2:3 ပူးပေါင်းရင်းမြစ်များ

Ñwed Mbon Rum 1:29

Ammọ ediyọhọ mme afịd nsio-nsio iba, ndiọi ido, idiọọk itọñ, ye ukpọñ nti usʌñ. Ñko ammọ eyọhọ mme ufịb, uwod awo, ndutịn, abiaaña ye ubi. Ammọ ebaaña awo ke edem,

Ñwed Mbon Rum 16:2

Ami ibo yak ndufo ebọ anye ke Abọọñ ke usʌñ a-adotto ke se mme ndisana awo ekpenam, enyʌñ enọ anye unwam akeadodo anye akeyemme sia anye ado unwam anọ uwak awo, ye miin ñko.

Efisọs 5:3

Ado ke atu ndufo inaaha adinam use aba, ndedeghe uwem ndomokeed me ubịme ñkpọ, sia mme ñkpọ ami ifọnnọ ke atu ndisana ikọd Abasi.

1 Timoti 3:11

Ñko, ibaan ndọ ammọ ena edoñño mbon e-edotto ukpono, idoññoke mbon ñkeñ inua, ado ammọ ena ekama idem ke ufad, enyʌñ enam akpanikọ ke afịd ñkpọ.

1 Timoti 3:8

Mme dikịn ñko, ukem-ukem nte mme akwọrọ ikọ, ena edoñño mbon e-edotto ukpono, mme dikịn inaaha enie edeme ikọ iba, idoññoke mbon e-enwọññọ ukọd akpọsọñ, mbon udọrọ itọñ ke akʌk.

1 Timoti 5:23

Tre adinwọñ mmọọñ kpọd, ñwọñ etək ukọd ke ntak idịb mfo, ye naña udọñọ ufịna fiin ndi ndin.

Taitọs 1:7

Sia emaeyak utom Abasi esịn ke ubọk adaidaha, inaaha anye anie ndo ndomokeed, inieeghe nsọñido, isọppọ iyadesịd, inaaha akpa mmịn, inaaha anye aba afai-afai, idooho awo a-ayemme udodo ke usʌñ ñwo.

Taitọs 2:4

Ndin ammọ ekeme adikpeeb mme ñka ntək ibaan adima mme ebe ammọ ye mme nditọ,

Ibru 5:12

Akpesʌk ado ke idahami ndufo ekpedo mme andikpeeb, ke aditʌm ntañ, aka ado se awo amaana atọọñọ adikpeeb ndufo akpa ukpeebñkpọ a-abañake ikọ Abasi. Ndufo edoñño se enọ mmọọñeba, idooho nsọọñ-ñsọọñ ndidia.

Adiyaara 2:20

Kpa ye ado, aba ñkpọ a-andatta ubiom fiin ikpe: afo ameyọ awonwaan ado, Yesebeed, a-akoodo idem amọ brọfetes. Ato ke ukpeebñkpọ amọ, anye atịn mme mbed mmi usʌñ nọ esaña use, esịn efịbe enyʌñ edia ndidia uwa ndem.