Maak 8:6 - Ñwed Abasi Ke Ikọ Ibibio Ayo Mfịn

⁶ Anye amaabo atu awo ate esuuk etie ke isọñ. Ke anye amaakeben eboho uyo itiaba ami anyʌñ anọ ekọọm, anye amaabʌñ ammọ anyʌñ ayaak anọ mme mbed amọ ate edeeme enọ mme atutu awo ado, ammọ emaenyʌñ ntodo.

Maak 8:6 ပူးပေါင်းရင်းမြစ်များ

Matiu 26:26

Naña ammọ esʌkkọ edia ñkpọ, Yisọs aben uyo, ndin anye amaakebọñ akam ama, abuuñ anyʌñ anọ mme mbed amọ, abo, “Imbọ ita; ami ado ikpọkidem mmi.”

Maak 8:20

“Ke ini ñkebʌñọ eboho itiaba nnọ tọsịn inaañ, mbeñe a-ndufo eketaña ekedo akpasa ifañ?” Ammọ emaebọọrọ ete, “Itiaba?”

Maak 8:5

Yisọs amaabịp ate, “Eboho uyo ifañ ke ndufo enie?” Ammọ ebọọrọ ete “Itiaba.”

Maak 8:7

Ammọ emaenie ntək iyak ifañ ñko; anye amaanyʌñ anọ ekọọm ndin abo yak mme mbed edeeme enọ mme atu awo ami.

Eti Etob Naña Duk Awet 12:37

Adiifọfọn inọ nditọufọk e-eteufọk adiito idikịt ammọ naña eba ke mbeeñeidem. Ke akpanikọ ke ibo ndufo, eteufọk ayaasịne afọñ aba ke mbeeñeidem, abo nditọufọk esuuk etie ke akpokoro ndidia, ndin anye ayaadise ñkpọ abaña ammọ.

Eti Etob Naña Duk Awet 24:30

Ke ini ammọ ekesʌkkọ edia ñkpọ, anye amaaben uyo anọ ekọọm, abuuñ, ndin atọọñọ adideeme nnọ ammọ.

Yọọn 2:5

Ado eka amọ amaabo mme nditọufọk ndọ ate, “Inam se anye abobo ndufo enam.”

Yọọn 6:23

Ndin usʌk ubom e-eketooho Taiberia emaekebeghe ekpere itie a-mme awo eketaaha uyo ke Abọọñ amaakenọ ekọọm.

Ñwed Mbon Rum 14:6

Awo a-adatta usen keed nte akpan-akpan usen, anam ado anọ Abọọñ. Awo a-ataaha unam, ata anọ Abọọñ sia anye anọ Abasi ekọọm; ndin anye a-ammiitaaha, anam ado ñko anọ Abọọñ ndin anọ Abasi ekọọm.

Kodosi 3:17

Ndin se adodo a-ndufo enamma, me ke inua ikọ me ke adinam, inam afịd ke anyịñ Abọọñ Yisọs, inọ Abasi Ete ekọọm ato ke anye.