Maak 7:4 - Ñwed Abasi Ke Ikọ Ibibio Ayo Mfịn

⁴ Ñko, awo a-anyọñọ udua, anaayie ubọk mmiidooho ntodo inaaha adia ñkpọ. Ammọ emaenieeñe umiañ ido mfen nte uyed kọọb mmọọñ, ako utem ñkpọ, usan afere ye aketịd utem mmọọñ.)

Maak 7:4 ပူးပေါင်းရင်းမြစ်များ

Matiu 23:25

“Adọdiọọk inọ ndufo mme akpeeb ibed ye mme Farisi, ndufo mbon ndubịk. Ndufo eyet edem kọọb ye usan ado eyaak esịd ayọhọ ye idiọọk itọñ ye adinọ idem inemesịd.

Matiu 23:26

Nnan Farisi, to yet esịd kọọb ye usan, ndin afịd kọọb ayaasana.

Matiu 27:24

Ndin Baided akekịt ke inieeghe se imọ ikeme adinam, ñko ke atu awo eyaetọọñọ ntịme, anye aben mmọọñ ayie ubọk ke iso atu awo anyʌñ abo ate, “Ami nsañake ñkpọ do ye iyiib awo ami. Ado ndubeeghe ndufo!”

Maak 7:8

Ndufo emeesaana ibed Abasi eyak, enyʌñ esọọñọ emʌm ndutʌm ake ubọkawo ekama.”

Yọọn 2:6

Abañ mmọọñ itiokeed emaediọghọ do, e-ekenịmme enọ adinam mme awo enam idem asana ke ido mme Yuu; abañ keed amaakeme idọñọ ñkpọ nte kadọn edịp awuọ edịp mme duop.

Yọọn 3:25

Mfaaña amaatọọñọ ke ufọọd usʌk mme mbed Yọọn ye awo Yuu keed kebaña edu adinam idem asana.

Ibru 9:10

Mme ñkpọ ado edoñño adidia nnyʌñ ñnwọñ ye mme nsio-nsio usọrọ adiyet nsana, mme ido e-ekesinamma e-ekenyʌññọ eyak aba tutu ini ufa ubonoñkpọ adikem.

Yemsi 4:8

Esaña ekpere Abasi ndin anye ayaasaña ikpere ndufo. Eyie ubọk ndufo, ndufo mme anam idiọọk, ndin enam esịd ndufo asana, ndufo mme enie esịd iba.

1 Yọọn 1:7

Ado ñnyịn ikpisaña ke unwana, naña anye aba ke unwana, ñnyịn inie ewana ye emọ-emọ awo, ndin iyiib Yisọs, Ayịn amọ, ayet ukeed ndiọiñkpọ ñnyịn afep.