Maak 4:8 - Ñwed Abasi Ke Ikọ Ibibio Ayo Mfịn

⁸ Usʌk ñkpasi mfen emaeduọññọ ke eti isọñ. Ammọ etịppe, ekọọd, enyʌñ enwịm abek mfịd a-akewakka, usʌk edịp ye duop, usʌk ata, usʌk enyʌñ enwịm ñkañ ikie.”

Maak 4:8 ပူးပေါင်းရင်းမြစ်များ

Matiu 13:23

Ndin ñkpasi e-eketọọhọ ke eti isọñ eda enọ mbon e-ekoppo ikọ Abasi; ikọ ami anyʌñ anwaña ammọ. Ammọ enwịm mfịd, usʌk akañ ikie, usʌk akañ ata, usʌk akañ edịp ye duob.”

Matiu 13:8

Ado ñkpasi mfen emaeduọññọ ke eti isọñ enyʌñ eñwuum mfịd ikie-ikie, ata, me edịb ye duob.

Maak 4:20

Ndin mbio mfen etie nte ñkpasi e-etọọhọ ke eti isọñ; ammọ ekọp ikọ Abasi, ebọ anye, enyʌñ eñwuum abek mfịd e-ewakka ñke edịp ye duop, ñke ata, mme ñke ikie ekan se eketọ.”

Maak 4:7

Usʌk ñkpasi ekeduọññọ ke ikọd ñkukịm, e-ekekọttọ efʌk ammọ, anam ammọ ikinieeghe mfịd.

Maak 4:9

Ndin Yisọs abo ate, “Ake anie utọñ adikop, yak anye akop.”

Eti Etob Naña Duk Awet 8:15

Ado ñkpasi e-eduọññọke ke eti isọñ edoñño mbon e-enieeghe eti esịd, enie ime ye nsọọñọnda, ekop ikọ emʌm esịn ke esịd, enyʌñ enwịm nti mfịd.

Eti Etob Naña Duk Awet 8:8

Ubaak ñkpasi emaeduọññọ ke eti isọñ. Emaenwịm, esiooño uwak mfịd, utịm ikie akan naña eketọọhọtọ.” Anye aketop ñke ami ama, anye amaabenne uyo ke anyọñ abo, “Awo ake anie utọñ yak anye akop.”

Yọọn 15:5

“Ami ndo eto fain, ndufo edo mme ñkọk. Awo akpedʌñ ke ami, ami ñnyʌñ ndʌñ ke anye, anye ayaanwịm uwak mfịd; ekpensio miin efep ndufo idiikanna inam ñkpọ bene keed.

Yọọn 7:17

Awo ake adodo a-abeeñeke idem adinam uduak Abasi ayaadiọọñọ mme ukpeebñkpọ mmi ato Abasi, me ami ntañ ikọ idem mmi.

Utom 17:11

Mme yuu ukañ Beria emaeniehe nti ido ekan ake mbon Tesadonika, sia ammọ emaebọ etop ami ke ata ayọhọ udọñ enyʌñ eduuñọ ñwed Abasi afịd usen adikịt me se Bọọd aketañ akedo akpanikọ.

Efisọs 2:21

Ato ke anye afịd ufọk adiana keed, ndin anye ufọk akoñ akappa adisana tembịd ke Abọọñ.

Fidibai 1:11

a-keyọihọke me mfịd nti ido a-atooho ke Yisọs Krais ke ubọọñ ye itooro Abasi.

Kodosi 1:6

a-amaakedi ibịne ndufo. Ke afịd ederimbod eti etob ami anwịm mfịd ndin aka iso akọd, kpa naña anye asʌk anam ke atu ndufo tọọñọ ke usen a-ndufo ekekoppo ndin mfọn Abasi inwaaña ndufo ke afịd akpanikọ.