Maak 4:7 - Ñwed Abasi Ke Ikọ Ibibio Ayo Mfịn

⁷ Usʌk ñkpasi ekeduọññọ ke ikọd ñkukịm, e-ekekọttọ efʌk ammọ, anam ammọ ikinieeghe mfịd.

Maak 4:7 ပူးပေါင်းရင်းမြစ်များ

Matiu 13:22

Ñkpasi ekeduọññọke ke ikọd ñkukịm eda enọ mbio e-koppo ikọ Abasi, ado mfịna uwem ami ye abiaaña inie ederimbod ami efʌk ikọ ami, iyakka nọ ammọ enwịm mfịd.

Matiu 13:7

Mme ñkpasi mfen ekeduọññọke ikọd ñkukịm ndin ikọd afʌk ammọ.

Matiu 13:8

Ado ñkpasi mfen emaeduọññọ ke eti isọñ enyʌñ eñwuum mfịd ikie-ikie, ata, me edịb ye duob.

Maak 4:6

Ke ini utịn amaakesakka, adimia ammọ, ammọ ema eyeeme sia ammọ ikiinieeghe adʌñ.

Maak 4:8

Usʌk ñkpasi mfen emaeduọññọ ke eti isọñ. Ammọ etịppe, ekọọd, enyʌñ enwịm abek mfịd a-akewakka, usʌk edịp ye duop, usʌk ata, usʌk enyʌñ enwịm ñkañ ikie.”

Eti Etob Naña Duk Awet 12:15

Yisọs adian do ate, “Ikpeme! Iba ke mfadidem ibaña mme nsio-nsio idiọọk itọñ; uwem awo ikọñọke ke uwak ñkpọ se anye anie.”

Eti Etob Naña Duk Awet 21:34

“Ikpeme mbaak ndufo idisịn esịd ke udiauwem, ukpa mmịn ye mme ñkpọ isọñ ami, ndin usen ado adibiọñọ ndufo adiwaad-adiwaad, ke una idodanyen nte afia.

Eti Etob Naña Duk Awet 8:14

Mbon e-ekeduọññọke ke ufọọd ikọd ñkukịm edoñño mbon se ikop ikọ ami, ado inie, mfịna ye inem uwem iyakka nọ ammọ enekke enie nsọọñọnda.

Eti Etob Naña Duk Awet 8:7

Ubaak ñko emaeduọññọ ke ikọd ñkukịm, ado mme ñkukịm ami emaekọt efuuk ñkpasi se ikitịppe.