Maak 13:9 - Ñwed Abasi Ke Ikọ Ibibio Ayo Mfịn

⁹ “Ado ndufo itʌm ikpeme idem ndufo. Eyaikappa ndufo esịn ke ubọk mme kọnsịn abio enyʌñ imia ndufo ke mme sinakọk. Eyaidaaha ndufo ke ikpe ke iso mbọọñ ye mme adaukara edo ntiense e-enọ ammọ ke ntak mmi.

Maak 13:9 ပူးပေါင်းရင်းမြစ်များ

Matiu 5:22

Ado ami idọkkọ ndufo mbo ke awo ba keed a-ayatta esịd ye ayịneka amọ ayaabọọrọ mbịme ke esob ikpaisọñ. Ñko awo a-adiidat ayịneka nte ‘Useme,’ ayaabọọrọ mbịme ke esob ikpaisọñ. Ndin awo a-akoodo anye ‘Ntʌn,’ ayaadʌk ke nsi-nsi ikañ.

Maak 1:44

“Kịt bo ke utañña ñkpọ ami unọ awo ndomokeed. Ado kaa ke wọt aku idem mfo nyʌñ nam mme uwa naña Moses akenịm ke akpamfia amaasana, nte ñkpọ ntiese nọ ammọ.”

Maak 13:5

Mi ke Yisọs akeneme ye ammọ ate, “Itʌm ikpeme mbaak awo ndomokeed adibiaaña ndufo awakka akpọñ usʌñ.

Maak 13:8

Idịd eyaenwana ye idịd, abio ubọọñ keed eyaenwana ye abio ubọọñ mfen. Mme unyekisọñ eyaeba ke mme itie mme itie, ini akañ ayaaba. Mme ñkpọ ami edoñño idiọọñọ ntọọñọ ubiak uman.

Maak 6:11

Itie keed akeadodo mmiidarake ndufo, mmiinyʌññọ ikpañ utọñ inọ ndufo, imaekpọñ do, ikeñ ntan ikpad ndufo ibon nte ntiense inọ ammọ.”

Eti Etob Naña Duk Awet 9:5

Ikpika ke ufọk awo a-mmiidaarake ndufo, ikeñ ntan ikpad ndufo naña eboho inyọñ ke abio ado nte ñkpọ ntiense ubiomikpe ammọ.”

Yọọn 15:20

Itoiyo ikọ ami ñketañña inọ ndufo: ‘Ayịnufọk ikponno ikan eteufọk.’ Adieke ammọ ekeñkọbọke miin, ammọ eyaikọbọ ndufo ñkọ. Adieke ammọ ekekpañña utọñ enọ ikọ mmi, ammọ eyaekpañ utọñ inọ ndufo ñko.

Yọọn 16:2

Eyaebịn ndufo esio ke sinakọk, ke akpanikọ ini ayaadi awo ake adodo adiwot ndufo adikere ke inam utom Abasi.

Utom 21:11

Ke amaakesaña adi itie ñnyịn, anye amaaben ñkpagha isịn Bọọd abọp ubọk ye ukod amọ ke ñkpagha ado ate, “Adisana Sịbidịd abo ate, ‘Ntom ke mme Yuu ke Yerusedem ediibọp andinie ñkpaha ami, eyaenyʌñ eyaak anye enọ mme Yentaid.’ ”

Utom 7:54

Mbon esob Sanhidrin ekekop ami, ammọ emaekop akpọsọñ ifiobesịd enyʌñ ekwaaha ntak eded ese anye.

Utom 9:16

Ami ñyaawọt anye adaña umiañ ukuud a-anaaha nte anye abọ ke ntak anyịñ mmi.”

Fidibai 1:29

Sia emaesaana eyaak enọ ndufo, ke iwuod Krais, idooho adinịm anye ke akpanikọ ikpọọñ, ado adinyʌñ mbọọ ufen ke ntak amọ,

2 Tesadonia 1:5

Afịd ami ado ntiense ke ubiire ikpe Abasi ado adinen, ndin nte ibọọrọ eyaibat ndufo ke emedot ke abio ubọọñ Abasi a-ndufo e-bọọhọ ufen ebaña.

2 Yọọn 1:8

Ekpeme mbaak ediduọọk se ndufo ekekpa utom enọ, ado nọ ebọ utịp ayọhọ-ayọhọ.

Adiyaara 1:9

Ami Yọọn, ayịnete ye nsaña ndufo ke edibọ ukuud ke ntak abio ubọọñ mme ediyọ ke ime a-adooho ake ñnyịn ke Yisọs, ñkeba ke isuọ Badmus ke ntak ikọ Abasi mme ntiense abañake Yisọs.

Adiyaara 2:10

Kuudịkke ubaña ukuud se a-afo uduubọ. Ami ñtañ unọ, andidiọọk ayaadọñ usʌk ndufo ñkpakọb, ke edidomo ndufo nse, ndin eyaebọ ndutʌkkọ ke usen duop. Esọọñọ eda, akpekọm ado ke ñkpa, ndin Ami ñyainọ ndufo anyanya uwem.

Adiyaara 2:13

Ami mmediọọñọ itie nte afo adʌñ–itie a-Setan anịmme ebekpo amọ. Ado afo amemʌm anyịñ mmi akama. Ukunyʌññọ ukañ ikọ mmi, kpa ke ini Antipas, ata akpan ntiense mmi, e-ekewotto ke abio ndufo, ke itie idʌñ Setan.