Maak 10:34 - Ñwed Abasi Ke Ikọ Ibibio Ayo Mfịn

³⁴ e-edidọọñ anye ndọk, etọọñ anye etab, emia anye enyʌñ emʌm anye ewot. Usen ita amaaboyo anye ayaaset ke ñkpa.”

Maak 10:34 ပူးပေါင်းရင်းမြစ်များ

Matiu 16:21

Tọọñọ ke ini ado Yisọs amaakaiso atañ añwa-añwa anọ mme mbed amọ ke imọ ana ika Yerusedem ikibọ ata akpọsọñ ufen ke ubọk mme ñkpisọñ, mme ikpọ aku ye mme Skraib, ke ana ewot imọ, ndin enam imọ iset ke ayọhọ usen ita.

Matiu 26:67

Ndin ammọ emaetọ anye etab ke iso enyʌñ etọ anye ita. Ubaak awo emia anye

Matiu 27:63

Ammọ ebo anye, “Abọọñ awo, ñnyịn imitoiyo ibo ke awo abiaaña ami, ke ini anye akebaaha ke uwem, amaabo ate, ‘Nyaaset ke ayọhọ usen ita.’

Maak 14:63

Akwa aku amaawai afọñidem amọ, ate atu awo, “Nso-o ntiense mfen ke iyem?

Maak 14:65

Ndin usʌk awo etọọñọ editọọñ anye etab; efʌk anye afọñ ke iso; etọ anye eta, enyʌñ ebo anye ete, “Tañ brọfesi!” Mbon ñka ukpeme emaeben anye ewuọ enyʌñ ekeemia anye.

Maak 9:31

Anye amaabo ammọ ate, “Eyaetap Ayịn Awo enọ mme awo. Ammọ eyaewot anye, ndin ke usen ita amaaboiyo, anye ayaaset.”

Eti Etob Naña Duk Awet 23:11

Herọd ye mbon ekọñ amọ emaesaha, edọọñ anye ndọk, esịn anye afọñ ubọọñ nọ anye abit abọọñ enyʌñ etịmme enọ anye esọk Baided.

Yọọn 1:17

Sia Moses akinọ ibed ikpọọñ, ado mfọn mme akpanikọ ato Yisọs Krais.

Yọọn 2:10

anyʌñ abo anye ate, “Afịd awo esieto edeeme ata inem ukọd ndin edideeme adiọọkinua ke mme isenawo emaekenwọnwọñ inem ado yak ayʌkkọ; ado afo atịmme anịm ata inem ukọd tutu idahami.”

1 Kọrint 15:4

ke emaebuuk anye, ndin emaenam anye aset ke ayọhọ usen ita kpa naña ewet ke ñwed Abasi,