Maak 10:1 - Ñwed Abasi Ke Ikọ Ibibio Ayo Mfịn

¹ Adikem Yisọs amaakpọñ itie ado aka ñkanñkʌk abio Yudia, akedʌk ubom aboiyo inyañ Yọdan. Uwak mme atu awo emaemaana ekịppe ekeene anye, nko, naña ido amọ akesido, anye amaakpeeb ammọ ñkpọ.

Maak 10:1 ပူးပေါင်းရင်းမြစ်များ

Matiu 26:55

Ado ke ini ami ke Yisọs akebo mme atu awo, “Nte ami ndo asịn nsọk ke abio nọ ndufo ewuọọñọ ekaama mme akañkañ mme ñkpeti ete idimmʌm? Ami mmaatie ñkpeeb ñkpọ ke afe tembịd ke usen ke usen, ado akananam ndufo idueeghe indot ubọk ke idem.

Matiu 4:23

Do ndin Yisọs amaasaña ke afịd Kadidi akpeeb ñkpọ ke mme itie ubọñ akam, akwọrọ eti etob abio ubọọñ Abasi, anyʌñ akọk mme nsio-nsio udọñọ ye una nsọñidem mme awo do.

Maak 1:21

Ammọ emaeka Kapanọm, ndin ke usen Sabad amaakedi, Yisọs amaadʌk aka sinakọk anyʌñ atọọñọ adikpeeb ñkpọ.

Maak 10:2

Mme Farisi, e-ekeyemme usʌñ naña emʌm anye ke ndudue, edibịp anye ete, “Anen awo adisio anwaan amọ ndọ?”

Maak 12:35

Ke ini Yisọs asʌkkọ akpeeb ñkpọ ke mme akwere tembịd, anye amaabịp mbịme ami ate, “Ntak a-mme andikpeeb ibed ebooho ke Mesaya ado ayịn Defid-e?

Maak 14:49

Mmaaba ye ndufo kwa usen, ñkpeeb ñkpọ ke mme akwere tembịd, ado ndufo ikimmʌmmọ miin. Ado mme ñkpọ ami etịppe nọ ikọ Abasi asu.”

Maak 2:13

Yisọs amaamaana awuọ akeba akpere ibiok Kadidi. Uwak atu awo emaekeene anye, anye amaanyʌñ atọọñọ ikpeeb ammọ ñkpọ.

Maak 4:2

Anye akekpeeb ammọ uwak ñkpọ ke ñke, kukpeeb ñkpọ amọ anye abo ntom:

Maak 6:2

Akekem ke usen Sabad, anye atọọñọ adikpeeb ñkpọ ke sinakọk, ndin idem amaakpa uwak awo se ikikop ukpeebñkpọ amọ, ammọ enyʌñ ebịp ete, “Ke mmọ-ọ ke awo ami akedat afịd ukpeeb ami ato? Nso-o utọ ifiọk ido e-enọọhọ anye mi? Nso-o ido utọ mme nwuọnda utịbe ñkpọ anye anamma mi?

Maak 6:34

Ke ini Yisọs adisịmme, anyʌñ akịt ekamba atu awo ado, udʌk anam anye sia ammọ ekeba nte mme edọñ e-emmiinieeghe andikpeme. Ke ntodo anye amaatọọñọ adikpeeb ammọ uwak ñkpọ.

Maak 6:6

Unana mbuọdidem ammọ amaakpa anye idem eti-eti. Ndin Yisọs amaasaaña ke idʌñ ke idʌñ akpeeb ikọ Abasi.

Yọọn 10:40

Ndin Yisọs amaatịmme aka edem Yọdan utịd ñkañ a-Yọọn akesiduọkkọ mme awo mmọọñ ke ntọọñọ ini ado. Anye amaaba do,

Yọọn 11:7

ndin anye amaabo mme mbed, “Yak ñnyịn itịmme ika Yudia.”

Yọọn 18:20

Yisọs amaabọọrọ anye ate, “Ami mmaatañ anwa-anwa nnọ afịd ekondo, mmaakpeeb mme awo ñkpọ ke mme sinakọk ye ke tembịd, a-mme adaukara, nditọ mme Yuu esidisooboke. Mme awo emaekop ikọ mmi sia ñkekpeebe ñkpọ ndomokeed ke ndịbe.