Maak 1:5 - Ñwed Abasi Ke Ikọ Ibibio Ayo Mfịn

⁵ Afịd-afịd abio esịd idʌñ Yudia ye afịd mbioawo ke Yerusedem emaewuọọñọ eka ebịne anye. Ke ammọ emaekeyaara mme idiọọkñkpọ ammọ, anye amaaduọk ammọ mmọọñ ke Akpa Yọdan.

Maak 1:5 ပူးပေါင်းရင်းမြစ်များ

Matiu 4:25

Mme ekamba atu awo e-eketooho Kadidi, Dekapodis, Yerusedem, Yudia ye edem inyañ Yọdan emaekeene anye.

Maak 1:4

Ke ntom ke Yọọn Aduọkmmọọñ akedi ke akpautatan, akwọrọ uduọkmmọọñ, adikappa esịd, nọ adifeen aba ke mme idiọọkñkpọ.

Maak 1:6

Yọọn akesịne afọñ e-edatta ided enañ mbiomo enam, ye ñkpaha ikpa ke isịn amọ, anye akenyʌñ ata ñkukuñkpọyọriyọ, ye adan akwọọk ikọd.

Yọọn 1:28

Mme ñkpọ ami eketịppe ke Betani, idʌñ abaaha ke edem inyañ Yọdan, itie Yọọn akenịmme uduọkmmọọñ.

Yọọn 3:23

Ndin Yọọn ñko akesʌk aduọk mme awo mmọọñ ke Anọn a-akpereke Sadịm, sia mmọọñ amaanekke aba ke udo ndin mme awo emaesidi do edibọ uduọkmmọọñ.

Yọọn 5:35

Yọọn akedo utuenikañ a-akesakka anyʌñ anọ unwana ndin ndufo emek adikop inem ikañ anye akenọọhọ.

Utom 19:18

Umiañ mbon se ikinịm Abasi ke akpanikọ emaewuọñọ edi, ediyaara mme ndiọiñkpọ ammọ anwa-anwa.

Utom 2:38

Ndin Bita amaabọọrọ ammọ abo ate, “Afịd ndufo ikappa esịd inyʌñ ibọ uduọkmmọọñ ke anyịñ Yisọs Krais nọ afeen mme idiọọkñkpọ ndufo. Ndufo ñko eyaebọ enọ Adisana Sịbidịd.

Yemsi 5:16

Ke ntodo, eyaara idiọọkñkpọ ndufo enọ keed aken enyʌñ ebọñ akam enọ keed aken nọ atoodo ekọk ndufo udọñọ. Akam adinen awo asọñ adudu anyʌñ anam ñkpọ.