Kodosi 4:3 - Ñwed Abasi Ke Ikọ Ibibio Ayo Mfịn

³ Ndin ebọñ akam ebaña ñnyịn ñko, ete Abasi akʌkkọ usʌñ anọ etop ñnyịn nọ ato do ñnyịn idiibʌk anwa-anwa ibaña mme ndedịbe ñkpọ Krais, a-adooho ntak ami nsịneke ñkpakọb.

Kodosi 4:3 ပူးပေါင်းရင်းမြစ်များ

Matiu 13:11

Anye abọọrọ ammọ, “Inọ ndufo ikpọọñ unen adidiọọñọ ifiọk ndedịbe ñkpọ abio ubọọñ Abasi, idooho mbon mfen.

Utom 14:27

Ke emaekebeghe do, ammọ emaekood afịd ufọkabasi ebon itie keed, enyʌñ etañ afịd mme ñkpọ se Abasi akedat ammọ anam, ye naña Abasi akekʌkkọ usʌñ mbuọdidem anọ mme Yentaid.

Ñwed Mbon Rum 16:25

Idahami enọ anye a-akemeke adisọọñọ ndufo ke ikọ Abasi ye ke adisiak ntọd Yisọs Krais nte asañake akekem ke adiyaara ndedịbe akpanikọ e-ekedịppedịp ke mme uwak emana a-amaekeboiyo,

1 Kọrint 16:9

sia ekamba usʌñ adinam eti utom abere annọ, uwak awo ñko mmọdo e-ebeeñeke idem adimbiọọñọ miin.

1 Kọrint 4:1

Ke ntodo, akpena mme awo idat ñnyịn nte mme nditọufọk Krais ye mbon e-enọọhọ adudu ete ediọọñọ mme ndedịbe ñkpọ Abasi.

2 Kọrint 2:12

Ke ñkekaaha Troas adikikwọrọ eti etob Krais, ñkekịt ke Abọọñ amaabeere usʌñ annọ miin,

Efisọs 3:1

Ke ntak ami, ami Bọọd, awo ñkpakọb Krais Yisọs ke ntak ndufo mme Yentaid.

Efisọs 3:3

ami ado, ndedịbe ñkpọ e-ekenamma ndiọọñọ ke adiyaara, nte mmaakewewet, ibio-ibio.

Efisọs 3:4

Ke adikood ami ndin, ifiọk ake ami nnieeghe mbaña ndedịbe ñkpọ Krais ayainwaña ndufo,

Efisọs 3:9

ye adinyʌñ nnam ndedịbe enọ ami anwaña afịd awo, a-adooho ke mme ayo a-akeboiyoke ekedeedịp ke Abasi, anye a-akebotto afịd ñkpọ.

Efisọs 4:1

Nte awo ñkpakọb Abọọñ, ndin, ami ikpek ndufo mbo yak edu uwem a-adotto ikood a-ndufo ekebọọhọ.

Fidibai 1:19

Sia ami mmediọọñọ ke ayaato ke akam ndufo, ye unwam Abasi a-Sịbidịd Yisọs Krais anọọhọ, ñkpọ se ikitịppe ami inọọ miin ayaakappa ado ñkpọ ubọkkọ annọ miin.

Fidibai 1:7

Ado nnen-nnen ñkpọ ami adinie utọ udọñ ami ibaña afịd ndufo, sia ami ikamake ndufo ke esịd mmi, sia mme ñyịre ke ñkpọnọ me adifaaña nnọ, me nsọ-sọọñọ eti etob, afịd ndufo emekeene ewuaana ke mfọn Abasi ye ami.

Kodosi 1:26

ndịbe-ndịbe ñkpọ e-ekedịppe ke uwak isua ye mme uwak emana, ado idahami eyaara enọ mme ndisana awo.

Kodosi 4:18

Ami, Bọọd, ñwed ekọọm ami ke ubọk mmi. Etoiyo ñkpakọb mmi. Mfọn aba mme ndufo.

1 Tesadonia 5:25

Nditọete, ibọñ akam inọ ñnyịn.

2 Timoti 1:16

Abọọñ akpekap atua ufọk Onesifọdus mbọm, sia ado anye akesinnọọ unwam anyʌñ asinsọọñọ miin idem uwak ini, ikoppo abuud ibaña itie ñkpakọb mmi.

2 Timoti 2:9

ndin ami ke mbọ esuenne tutu enyʌñ ensịn ke ñkpakọb nte anam idiọọk ñkpọ. Ado awo ikọppọ ikọ Abasi.

2 Timoti 4:2

Kwọọrọ ikọ Abasi, nyʌñ sịn ifịk nam ami, ye adooho ke akem ini, ye ke ini mmiikemme, ke ifed abaaha, ye ke ufañ afahakefaha. Wọt mme awo ndudue ammọ; sua nọ ammọ; kpek ammọ, nyʌñ nie anyan ime ke edinekke ñkpeeb.

Fidimọn 1:22

Ndin ñkpọ keed mfen; beeñe ubeed isen nịm nnọ; sia ato ke akam ndufo, mmenịm ke eyaeyak ami ñnyọñ ibịne ndufo.