Ibru 9:9 - Ñwed Abasi Ke Ikọ Ibibio Ayo Mfịn

⁹ Ami ado uwọdñkpọ ake ini ami, a-awọttọ abo ke mme enọ ye mme uwa e-ekesinọọhọ ikikanna adiyet esịd mme andikpono Abasi.

Ibru 9:9 ပူးပေါင်းရင်းမြစ်များ

Ñwed Mbon Rum 5:14

Kpa ye ado, ñkpa amaakara tọọñọ ke eyo Adam tutu asịm ini Moses, anyʌñ adoro kpa mme ammọ e-ekediinamma idiọọkñkpọ sia ikibiatta ibed, naña Adam akenam, a-akedooho uwọdñkpọ awo keed a-adiidi.

Kadesia 3:21

Ke ntodo, mme ibed anie ntuaha ye mme enwọñọ Abasi? Iyoo! Sia akpedooho emaenọ ibed akpekekanna anọ uwem, adinenido akpeketo ke ibed ado.

Ibru 10:11

Ke usen ke usen, mme aku keed-e-keed esida enam utom Abasi ammọ; enam emaana enam, ewa mme ukem uwa, a-adooho ikemekekeme adiben mme ndiọiñkpọ mfep.

Ibru 11:19

Ebraham amaakọọk iwuod adiọọñọ ke Abasi akeme adinam awo ñkpa aset, ndin ke adisịn ke ñke, anye akemaana abọ Aisik ato ke ekesiooho anye ke ñkpa.

Ibru 5:1

Esio afịd akwa aku ke atu mme awo ndin enyʌñ ememek anye ebo ada ke iwuod mme awo ke mme ñkpọ a-abañake Abasi, ke adinọ mme enọ ye mme uwa ke ntak mme idiọọkñkpọ.

Ibru 7:11

Adieke ekpekekanna enie mfọnmma ato ke idak ubonoñkpọ Difai (sia aketo ke ntak ami enọ mme awo mme ibed) ntak ekekịtte ufọn aku mfen adidi-e, ake ubonoñkpọ Medkisedek, idooho ke idak ubonoñkpọ Erọn?

Ibru 8:4

Adieke anye akpekebaaha ke ederimbod, anye ikpidooho aku sia mme awo ebaba e-esinọọhọ mme enọ naña ibed aketemme.

Ibru 9:24

Sia Krais ikidʌkkọ ke itie ukpono e-ekedatta ubọkawo enam a-akedooho mbid ata itie ado; anye akedʌk abio ubọọñ Abasi ke idem amọ, nọ ato do idahami anye awuọ ada inọ ñnyịn ke iso Abasi.

1 Bita 3:21

mmọọñ ami ada anọ uduọkmmọọñ e-edatta enyaaña ndufo idahami, ado ado uduọkmmọọñ a-mmiidooho uyed mbad ikpọkidem mfep, ado e-edatta enwọñọ adinie etiesịd ke iso Abasi. Anyaaña ndufo ato ke adised Yisọs Krais,