Ibru 9:26 - Ñwed Abasi Ke Ikọ Ibibio Ayo Mfịn

²⁶ Akpedooho ntodo, awuọ Krais akpaakebọ ufen uwak-uwak ini tọọñọ ke ini e-ekebotto ederimbod. Ado idahami anye amaadi ini keed kpọd anọ ukeed awo ke mme utịd ini ami adidiben idiọọkñkpọ mfep ke anye adiwa idem amọ.

Ibru 9:26 ပူးပေါင်းရင်းမြစ်များ

Matiu 13:39

ndin awo usua a-aketọọhọ mbiod ado Setan ke idem amọ. Ini idọk ado utịd ederimbod ami, ndin mme adọkidọk edoñño mme enyere.

Matiu 13:40

“Naña ewịp mbiod esioño efọp ke ikañ, ntodo ke adido ke utịd ederimbod.

Matiu 25:34

“Ndin Adidem ayaabo mbon e-ebaaha ke ubọk udom ate, ‘Edi ndufo e-Ete mmi adiọññọ, idat ñkpọ adia akpa abio ubọọñ e-ekenịmme inọ ndufo tọọñọ ke ntọọñọ ederimbod.

Yọọn 1:29

Usen mfen, Yọọn amaakịt Yisọs nte asaña abịne anye, anye anyʌñ abo ate, “Sese Ayịn Edọñ Abasi a-abenne mme idiọọkñkpọ ederimbod afep!

Yọọn 17:24

“Ete, ami ñyem mbon a-afo annọhọ miin eba mme ami ke itie a-ami mbaaha nọ ammọ ekịt ubọọñ mmi, ubọọñ a-afo annọhọ miin sia afo amaamma miin mbemiso afo akebot ederimbod.

1 Kọrint 10:11

Mme ñkpọ ami aketịppe anọ ammọ nte ukpeebñkpọ, enyʌñ ewet enịm nte ñkpọ ndʌdutọñ inọ ñnyịn mbon e-enieeghe idodanyen utịd ini iso.

Kadesia 4:1

Se ami ntañ ado ke adaña ini a-adiaakpa adooho etəkayịn, ukpəhọ ibaaha ke atu anye mme afʌn, akpesʌk ado anye anieeghe ukeed se ete ekekpa ekpọñ.

Efisọs 1:10

a-adiinam awuọ ada ke ini amaadikem ayọhọ-ayọhọ, nọ aben afịd ñkpọ ke abio Abasi ye ke isọñ adian keed ke idak ukara Krais.

Efisọs 5:2

inyʌñ idu uwem ima, kpa nte Krais akimaaha ñnyịn, a-akenyʌññọ ayak idem amọ inọ ñnyịn nte inem ufịk enọ ye uwa anọ Abasi.

Taitọs 2:14

a-akeyakka idem amọ anọ ke ntak ñnyịn nọ ifak ñnyịn asio ke afịd idiọọkñkpọ adinam asana anọ idem amọ mme awo e-edoññoke ata ake amọ, e-enieeghe udọñ adinam se ifọn.

Ibru 1:2

ado ke mme akpatre usen ami anye atañ ikọ inọ ñnyịn ato Ayịn amọ, a-anye amaakemek adia akpa ukeed ñkpọ, a-adooho ekenam ekondo eto ke anye.

Ibru 10:10

Ato ke ntak uduak ado, enam ñnyịn isana ato ke adiwa abʌkidem Yisọs Krais akañ keed kpọd.

Ibru 10:12

Ado ke ini aku mi amaakewa afịd uwa ini keed ke abaña mme ndiọiñkpọ, anye amaasuuk atie ke ubọk udom Abasi.

Ibru 10:26

Adieke ñnyịn ikoiyokoi ikaiso adinam idiọọkñkpọ ke ini adooho imaibọbọ ifiọk akpanikọ, uwa idiọọkñkpọ ibaaha aba,

Ibru 10:4

sia iyiib mme enañ ye mme ebod ikemekekeme adikpiyet mme ukwañ ñkpọ mfep.

Ibru 4:3

Idahami ñnyịn i-imaikinịm ke akpanikọ imidʌk ke nduọkadudu ado kpa nte Abasi amaaketatañ: “Ndin ami mmaabo ke unwọñọ ke iyadesịd mmi, ‘Ammọ idiidʌkkọ ke nduọkadudu mmi.’ ” Ado utom amọ amaakweñe tọọñọ ke ini e-ekebotto ederimbod.

Ibru 7:27

Anye itieeghe nte mme akwa aku mfen, inieeghe adiwa uwa kwa usen kwa usen, awa akpa abaña mme ndiọiñkpọ amọ, ndin adiwa abaña ndiọiñkpọ mbon mfen. Anye akewa uwa abaña mme ndiọiñkpọ mbon awo akañ keed kpọd, ke ini anye akeyakka idem amọ anọ uwa.

Ibru 9:12

Anye ikiboiyoke idʌk ato ke iyiib mme ebod me ake nditọ enañ; ado akekama iyiib idem amọ adʌk ke Nsana Mma Ata Adisana Itie ini keed kpọd, ato ke adinam ami anye amaabọ nsi-nsi ufak anọ ukeed awo.

Ibru 9:14

die ndin ke iyiib Krais, a-akedooho ke ntak Sịbidịd nsi-nsi ayaak idem nte anana ndo uwa anọ Abasi, miidiiyette esịd ñnyịn isiooño mme adinam a-adatta awo aka ñkpa ifep, nọ ñnyịn ikan inam ñkpọ inọ aduuwem Abasi!

1 Bita 1:20

Ekemek anye enịm mbemiso ebot ederimbod, ado ediyaara anye ke akpatre ini ami ke ntak ndufo.

1 Bita 2:24

Anye ke idem amọ amaabiom mme idiọọkñkpọ ñnyịn ke ikpọkidem amọ ke eto, nọ ñnyịn ikpa ikpọñ idiọọkñkpọ inyʌñ idu uwem inọ adinenido; ato ke unan amọ udọñọ akweeñe ndufo

1 Bita 3:18

Sia Krais ñko amaakpa ke ntak mme ndiọiñkpọ ini keed, awo a-anenne ke iwuod mbon mmiinenne, nọ anye idat ndufo asọk Abasi. Ekewot anye ke abʌkidem, ado enam anye adu uwem ke Sịbidịd,

1 Bita 4:7

Ado, utịd afịd ñkpọ asʌk akpere. Ke ntodo, ndufo enie eti iwuod, enyʌñ ifat idem, ma e-ekan ebọñ akam.

1 Yọọn 3:5

Ado ndufo emediọọñọ ke akedi ma anye adiben mme ndiọiñkpọ ñnyịn afep. Ñko, idiọọk ñkpọ ndomokeed ibaaha anye ke idem.

1 Yọọn 3:8

Awo a-anamma idiọọk ado ke setan, sia setan ado anam idiọọk tọọñọ ke editọọñọ. Ayịn Abasi akedi ma adibiad ubọkutom setan.

Adiyaara 13:8

Afịd mme andidʌñ ederimbod eyaekpono idiọọk unam ado, afịd awo se ediiwette anyịñ ammọ isịn ke ñwed uwem a-anieeghe Ayịn Edọñ e-ekewotto tọọñọ ke ini ekebotto ederimbod.

Adiyaara 17:8

Idiọọk unam a-afo akekịtte, a-amaakebaba ini keed ko, ibaaha aba idahami, ndin ayaawuọ ato Abis adinọ anye adʌk nsobo amọ. Mbon e-edʌñọke ke ederimbod e-emiikiwette anyịñ ammọ ke ñwed uwem tọọñọ ke aditọọñọ ederimbod eyaeba ke ata ñkpaidem ke ini ammọ ediikịt idiọọk unam ado, sia ini keed anye ama aba, idahami anye ibaaha, ado ayaamaana adi.