Ibru 9:24 - Ñwed Abasi Ke Ikọ Ibibio Ayo Mfịn

²⁴ Sia Krais ikidʌkkọ ke itie ukpono e-ekedatta ubọkawo enam a-akedooho mbid ata itie ado; anye akedʌk abio ubọọñ Abasi ke idem amọ, nọ ato do idahami anye awuọ ada inọ ñnyịn ke iso Abasi.

Ibru 9:24 ပူးပေါင်းရင်းမြစ်များ

Matiu 18:10

“Ikpeme mbaak ndufo idisappa keed ke atu ntəkayịn ami. Ami idọkkọ ndufo ke mme enyere ammọ esʌk ekaka iso eba ke iso Ete mmi ke anyọñ.

Maak 14:58

Ñnyịn imaikop nte anye abo, “Nyaawuud tembịd ami, e-ekedatta ubọkawo ebọp ndin ke usen ita nyaabọp mfen, a-awo mmiidatta ubọk ibọp.”

Maak 16:19

Ke Abọọñ Yisọs amaaketañ mme ikọ ami ima, emaeben anye edọọk ke hefịn, anye anyʌñ asuuk atie ke ubọk udom Abasi.

Eti Etob Naña Duk Awet 24:51

Nte anye asʌkkọ adiọñ ammọ, anye asịkke akpọñ ammọ ndin emaeben anye edọọk ke anyọñ.

Yọọn 16:28

Ñketo Ete ndidʌk ederimbod; idahami ami ñyaakpọñ ederimbod ntịmme mbịne Ete mmi.”

Yọọn 6:62

Nso-o ke ekpenam adieke ndufo ekpekịtte Ayịn Awo nte adọọk aka itie a-anye akebaaha akpa!

Utom 3:21

Anye ayaaba ke Anyọñ tutu ini akem a-Abasi adinọ afịd se anye akeanwọñọke usen edem ato ke mme ndisana brọfed amọ.

Ñwed Mbon Rum 8:33

Anie awo adiben mbon a-Abasi amaakemek ika ikpe? Ado Abasi ke idem ammọ anọ unen.

2 Kọrint 5:1

Sia ñnyịn imidiọọñọ ite adieke atayad a-ñnyịn idʌññọ ke isọñ awuudoke, iminie nsi-nsi ufọk ke abio Abasi inọọhọ, a-awo miidatta ubọk ibọp.

Kodosi 3:2

Ikọọñ ekikere ndufo ke ñkpọ enyọñ, idooho ke ñkpọ isọñ,

Ibru 1:3

Ayịn ado uyama ubọọñ Abasi ye ata mbid idem amọ a-amʌmmọ afịd ñkpọ akama ke adudu ikọ amọ. Ke anye amaakenam awo asana ke adiyet idiọọkñkpọ nsio, anye amaasuuk atie ke ubọk udom Andikara ke abio ubọọñ Abasi.

Ibru 12:2

Yak ñnyịn iwuuk anyen ñnyịn ke Yisọs, andido ntọọñọ ye andinam mbuọdidem ñnyịn afọn ama, a-akedooho ke ntak inemesịd e-ekenịmme ke iso amọ, anye akeyọ krọs, amiim ndọk amọ, anyʌñ asuuk atie ke ubọk udom ke ebekpo Abasi.

Ibru 4:14

Ndin, sia ñnyịn imainie akwa aku a-amaakesaña iboiyo ke mme abio ubọọñ Abasi, Yisọs Ayịn Abasi, yak ñnyịn itʌm imʌm akpanikọ ikama ke abaña mbuọdidem a-ñnyịn isọọñọke itañ ibaña.

Ibru 6:20

itie a-Yisọs amaakibebem ñnyịn iso idʌk ke ntak iwuod ñnyịn. Anye amaakappa akwa aku ke nsi-nsi kpa ukem-ukem nte Medkisedek.

Ibru 8:2

Anye a-adooho anam utom ke adisana itie, tabanakịd akpanikọ a-Abọọñ ke idem amọ akenịmme, idooho awo.

Ibru 8:5

Ammọ enam utom ke itie ukpono a-abiotto anyʌñ ado ndukpọñ mme ñkpọ se iba ke abio ubọọñ Abasi. Ami akedo ntak e-ekedʌttọ Moses utọñ idaha a-anye akebeeñeke idem adibọp tabanakịd: “Kịt bo ke amenam ukeed ñkpọ ke mbid se ekuwọt fiin ke abod.”

Ibru 9:1

Idahado akpa akaaña amaanie mme ido ukpono, amaanyʌñ anie itie ukpono ake isọñ.

Ibru 9:23

Awuọ akena edat mme uwa ami enam mme mbid mme ñkpọ se ibañña ke abio ubọọñ esaana, ado akena ekama uwa a-afọnnọ akan enam ata mme ñkpọ e-ebañake ke abio ubọọñ Abasi esaana.

Ibru 9:9

Ami ado uwọdñkpọ ake ini ami, a-awọttọ abo ke mme enọ ye mme uwa e-ekesinọọhọ ikikanna adiyet esịd mme andikpono Abasi.

1 Bita 3:22

a-akenyọññọ abio ubọọñ Abasi atie ke ubọk udom Abasi, ye mme enyere, mme ukara ye mme adudu esuuk iwuod enọ anye.

Adiyaara 8:3

Enyere mfen a-akekamake ñkpọ ufọb insensi e-enamma ke nte kood, amaadida ke itie uwa. Emaenọ anye uwak insensi adifọp, ye mme akam mme ndisana ikot Abasi ke itie ufọb uwa ake nte kood, ke iso ebekpo.