Ibru 9:14 - Ñwed Abasi Ke Ikọ Ibibio Ayo Mfịn

¹⁴ die ndin ke iyiib Krais, a-akedooho ke ntak Sịbidịd nsi-nsi ayaak idem nte anana ndo uwa anọ Abasi, miidiiyette esịd ñnyịn isiooño mme adinam a-adatta awo aka ñkpa ifep, nọ ñnyịn ikan inam ñkpọ inọ aduuwem Abasi!

Ibru 9:14 ပူးပေါင်းရင်းမြစ်များ

Matiu 12:28

Ado adieke ndatta Sịbidịd Abasi mbịn ndiọi sịbidịd nsiooño, abio ubọọñ Abasi adisịm ndufo.

Matiu 16:16

Ndin Saimọn Bita asio atañ, “Afo ado Krais, Ayịn ndu-ndu Abasi.”

Matiu 20:28

kpa naña nte Ayịn Awo akedieeghe adinam ñkpọ nnọ awo, idooho nọ enam ñkpọ enọ anye, adinyʌñ mben uwem amọ mfak uwak awo.”

Matiu 7:11

Adieke ndufo ndin edooho mme ndiọi awo ediọọñọke naña enọ nditọ ndufo nti ñkpọ, die ndin ke Ete ndufo ke anyọñ mmiidiinọọhọ mbio e-ebịppe anye nti ñkpọ.

Eti Etob Naña Duk Awet 1:74

ate imọ iyaisio ñnyịn ke ubọk mme asua ñnyịn nọ ato do inam ñkpọ inọ anye ke unana ndịk,

Eti Etob Naña Duk Awet 12:24

Ikere ibaña mme inuen anyọñ. Ammọ itọọhọtọ, idọkkọdọk, inyʌññọ inie aba me ise; ado Abasi abọọk ammọ. Nwaanwa dise ndufo a-adooho emesọñ udua ekan mme inuen!

Eti Etob Naña Duk Awet 12:28

Adieke Abasi akamake mme mbid inwañ ntom, a-adooho mfịn anye aba, ñkpọñ ewịppe etop ekọñ ke ikañ, die ke anye mmiidiisịnne ndufo afọn, O mbon etək mbuọdidem!

Eti Etob Naña Duk Awet 4:18

“Sịbidịd Abọọñ andoro miin ke idem, sia anye amaañyet miin adan anịm, adikwọrọ eti mbʌk nnọ mme uwueene. Anye amaandọñ miin adikwọrọ uwuọufʌn nnọ mbon ñkpọkọb, ye aditịmme ñkịdusʌñ nnọ mme nnan ye ñkpọkñyak nnọ mbon a-mme awo efiighe,

Yọọn 3:34

Sia awo a-Abasi adọññọ atañ ikọ atooho Abasi, sia Abasi anọ Sịbidịd ado ayọhọ-ayọhọ.

Utom 1:2

tutu usen ekebenne anye edọọk ke anyọñ ke anye amaakedọkkọ mme abọsịd a-anye akemekke ato ke Adisana Sịbidịd se ammọ ediinam.

Utom 10:38

naña Abasi akeyet Yisọs Ayịn Nasared adan ye Adisana Sịbidịd ye adudu, ye naña anye akesaña anañña nti ñkpọ anyʌñ akọk afịd mbon udọñọ mme awo e-ekebaaha ke ukad andidiọọk, sia Abasi amaaba ye anye.

Utom 14:15

“Mme ufan ñnyịn, nsinam ndufo enam ñkpọ ami? Ñnyịn ke idem ñnyịn inyʌñ idoñño mme awo nte ndufo. Ñnyịn idat eti etob isọk ndufo, ite yak ekappa ekpọñ mme ñkpọ ami mmiiwuọọñọke ñkpọ ndomokeed ebịne ndu-ndu Abasi, a-akenamma anyọñ ye isọñ ye inyañ ye afịd-afịd ñkpọ se iyọhọ ammọ ke esịd.

Utom 15:9

Abasi ikisịnne adusad ke ufọọd ñnyịn ye ammọ sia anye amaanam esịd ammọ asana ke mbuọdidem.

Ñwed Mbon Rum 1:20

Sia tọọñọ ke ntọọñọ ederimbod mme edu Abasi a-awo mmiikịtte, nsi-nsi adudu ye ndisana uduod amọ, ekiit mfọn-mfọn, edat ifiọk eto ke se amaakenam, nọ ato do mme awo edinie ntak.

Ñwed Mbon Rum 1:4

ndin ato ke Sịbidịd a-asañake mme adudu ewọt ebo ke anye ado Ayịn Abasi ke adised ke ñkpa amọ: Yisọs Krais Abọọñ ñnyịn.

Ñwed Mbon Rum 11:12

Ado adieke nnamndue ammọ adooho uwak mfọn imọ anọ ederimbod, ntakudua ammọ ado ekandịk adidiọñ inie anọ mme Yentaid, die ke mme edidiọñ ammọ adikpon ke ini ediiben mme Yuu ukeed isịn ke atu!

Ñwed Mbon Rum 11:24

Adieke ekukpịkkeke fiin esio ke uduud eto ọdif afai, ndin uben fiin edian ke eti uduud eto ọdif, didie ndin ke mbon ami, mme ata ñkọk ake eti abod ami, ke emaetịmme ididian ammọ ke eto ọdif, mmiidiidianake mfọn-mfọn!

Ñwed Mbon Rum 6:13

Ikuuyaak itie ntekeed ke idem ndufo inọọ idiọọkñkpọ, nte ñkpọutom ibak; utu ke ndo iyaak idem ndufo inọ Abasi, nte mbon e-emaekesio ke ñkpa isịn ke uwem; ke ntodo iyaak afịd idem ndufo inọ anye nte ñkpọutom unenido.

Ñwed Mbon Rum 6:22

Ado idahami emaesio ndufo ke idiọọkñkpọ, ndufo enyʌñ eforo ifʌn ake Abasi, mme ntiñkpọ a-andufo ebọọhọ adat ndufo aka adisana ido, ndin utịb ado nsi-nsi uwem.

1 Kọrint 15:45

Ke ntodo ewet: “Akpa awo Adam amaakpa ado adu uwem awo,” akpatre Adam, ado anọ uwem sịbidịd.

2 Kọrint 5:21

Abasi akenam anye a-miikinieeghe idiọọkñkpọ akappa ado idiọọkñkpọ ke ntak ñnyịn; mbaak ato do ñnyịn ke anye ikappa ido edinenido Abasi.

2 Kọrint 6:16

Nso-o edioomo ke tembịd Abasi anie ye ndem? Sia ñnyịn ido tembịd Abasi uwem. Kpa naña Abasi abo ate: “Ñyaadʌñ ye ammọ ñyaanyʌñ nsaña ke atu ammọ, ndin ñyaado Abasi ammọ, ammọ eyaenyʌñ edo ikọd mmi.”

Kadesia 2:19

“Sia ke ntak ibed ke ñkekpa ke abaña ibed nọ ndu uwem ke Abasi.

Efisọs 2:5

amaanam ñnyịn idu uwem ye Krais akpesʌk ado imaikikpañña ke mme ukwañ ñkpọ, ado ato ke mfọn ke ndufo ebọ adinyaaña.

Efisọs 5:2

inyʌñ idu uwem ima, kpa nte Krais akimaaha ñnyịn, a-akenyʌññọ ayak idem amọ inọ ñnyịn nte inem ufịk enọ ye uwa anọ Abasi.

1 Tesadonia 1:9

sia ammọ ke idem ammọ enọ mbʌk se ikitịppe ke utọ adidaara a-ndufo ekidaarake ñnyịn. Ammọ etañ naña ndufo ekappa ekeene Abasi, ekpọñ ndem, enam ñkpọ enọ ndu-ndu Abasi akpanikọ,

1 Timoti 1:17

Yak ukpono ye ubọọñ anie nsi-nsi Adidem a-akarake ke afịd emana, anye a-mmiikpaaha, a-anyen awo mmiikịtte anye, kpa Abasi keed ke nsi-nsi nsi-nsi. Amen.

1 Timoti 3:15

adieke ñkpeeneke adidi, ñwed ami ayaanam afo adiọọñọ naña mme awo ekpenaa edu uwem ke ufọkabasi, a-adooho adaha ye itiad idakisọñ akpanikọ.

Taitọs 2:14

a-akeyakka idem amọ anọ ke ntak ñnyịn nọ ifak ñnyịn asio ke afịd idiọọkñkpọ adinam asana anọ idem amọ mme awo e-edoññoke ata ake amọ, e-enieeghe udọñ adinam se ifọn.

Ibru 1:3

Ayịn ado uyama ubọọñ Abasi ye ata mbid idem amọ a-amʌmmọ afịd ñkpọ akama ke adudu ikọ amọ. Ke anye amaakenam awo asana ke adiyet idiọọkñkpọ nsio, anye amaasuuk atie ke ubọk udom Andikara ke abio ubọọñ Abasi.

Ibru 10:10

Ato ke ntak uduak ado, enam ñnyịn isana ato ke adiwa abʌkidem Yisọs Krais akañ keed kpọd.

Ibru 10:12

Ado ke ini aku mi amaakewa afịd uwa ini keed ke abaña mme ndiọiñkpọ, anye amaasuuk atie ke ubọk udom Abasi.

Ibru 10:2

Akpekekanna, nte ammọ ikpikitreke adiwa? Sia mme andikpono Abasi ekpaekebọ adinam asana akañ keed ado, ubiom ikpe idiọọkñkpọ ikpikikomoke ammọ aba.

Ibru 10:22

yak ñnyịn isaña ikpere Abasi ye esịd akpanikọ ke ayọhọ mbuọdidem, sia emaekekama nsana mmọọñ esiime ke esịd ñnyịn enam ñnyịn isana inana ubiomikpe ke akikere ñnyịn, ñko sia emaekekama nsana mmọọñ ado iyet idem ñnyịn asana.

Ibru 11:21

Ke mbuọdidem Yekọb, ke ini a-anye akeboogho ikpa, amaadiọñ nditọ Yosef keed-e-keed anyʌñ abere ke iwuod esañ amọ anọ Abasi ukpono.

Ibru 13:12

Ndin ke ukem usʌñ ado Yisọs akenyʌñ abọ ndutʌkkọ ke esiin inuaatob abio adinam mme awo esaana ato ke iyiib amọ.

Ibru 3:12

Nditọete, ikịt ibo ke awo ndufo ndomokeed inieeghe idiọọk ido ye esịd a-ammiinịmme ke akpanikọ a-anyʌññọ awakka akpọñ usʌñ Abasi uwem.

Ibru 6:1

Ke ntodo yak ñnyịn ikpọñ ndin mme akpa ntọọñọ ukpeeb ñkpọ a-abañake Krais, yak isịn idem ikpon, inyʌñ idọọk ke ifiọk, yak ikiimamaana ikitọọñọ ke itiad idakisọñ adikappa esịd eto mme ñkpọ e-edatta awo eka ñkpa, ye mbuọdidem ke Abasi, ye

Ibru 7:16

anye a-akappake ado aku, idooho ke ntak ufọk emana, ado ke ntak adudu uwem ami miikemekekeme adibiara.

Ibru 7:27

Anye itieeghe nte mme akwa aku mfen, inieeghe adiwa uwa kwa usen kwa usen, awa akpa abaña mme ndiọiñkpọ amọ, ndin adiwa abaña ndiọiñkpọ mbon mfen. Anye akewa uwa abaña mme ndiọiñkpọ mbon awo akañ keed kpọd, ke ini anye akeyakka idem amọ anọ uwa.

Ibru 9:12

Anye ikiboiyoke idʌk ato ke iyiib mme ebod me ake nditọ enañ; ado akekama iyiib idem amọ adʌk ke Nsana Mma Ata Adisana Itie ini keed kpọd, ato ke adinam ami anye amaabọ nsi-nsi ufak anọ ukeed awo.

Ibru 9:26

Akpedooho ntodo, awuọ Krais akpaakebọ ufen uwak-uwak ini tọọñọ ke ini e-ekebotto ederimbod. Ado idahami anye amaadi ini keed kpọd anọ ukeed awo ke mme utịd ini ami adidiben idiọọkñkpọ mfep ke anye adiwa idem amọ.

Ibru 9:7

Ado akwa aku ikpọọñ akesidʌk esịd ubeed, ndin akesinam ntom akañ keed kpọd ke isua, ndin ikemeke-keme adinam ado ke mmiisañake ye iyiib, a-anye akesinọọhọ ke iwuod amọ, anyʌñ anọ ke ntak nnamndue se mme awo ekesinam ke unana adidiọọñọ.

Ibru 9:9

Ami ado uwọdñkpọ ake ini ami, a-awọttọ abo ke mme enọ ye mme uwa e-ekesinọọhọ ikikanna adiyet esịd mme andikpono Abasi.

1 Bita 1:19

ado ekedat iyiib, a-asọññọ udua efak ndufo, nte iyiib ayịn edọñ, a-ananake ndo anyʌñ anana ntọi, kpa ake Krais:

1 Bita 2:22

“Anye ikinamma idiọọkñkpọ nte keed, ndin nsu nte keed ikibaaha ke inua amọ”

1 Bita 2:24

Anye ke idem amọ amaabiom mme idiọọkñkpọ ñnyịn ke ikpọkidem amọ ke eto, nọ ñnyịn ikpa ikpọñ idiọọkñkpọ inyʌñ idu uwem inọ adinenido; ato ke unan amọ udọñọ akweeñe ndufo

1 Bita 3:18

Sia Krais ñko amaakpa ke ntak mme ndiọiñkpọ ini keed, awo a-anenne ke iwuod mbon mmiinenne, nọ anye idat ndufo asọk Abasi. Ekewot anye ke abʌkidem, ado enam anye adu uwem ke Sịbidịd,

1 Bita 4:2

Ke ntodo, anye idatta ini a-asʌhọke anọọ anye ke ederimbod idu uwem ke idiọọk itọñ esịd abʌkidem, ado asana akeene naña uduak Abasi ado.

1 Yọọn 1:7

Ado ñnyịn ikpisaña ke unwana, naña anye aba ke unwana, ñnyịn inie ewana ye emọ-emọ awo, ndin iyiib Yisọs, Ayịn amọ, ayet ukeed ndiọiñkpọ ñnyịn afep.

1 Yọọn 3:5

Ado ndufo emediọọñọ ke akedi ma anye adiben mme ndiọiñkpọ ñnyịn afep. Ñko, idiọọk ñkpọ ndomokeed ibaaha anye ke idem.

Adiyaara 1:5

anyʌñ ato Yisọs Krais andinọ ntiense akpanikọ, akpa ke atu mme andised ke ñkpa ye Andikara mme ndidem ederimbod. Ubọọñ mme adudu enie anye i-imaaha ñnyịn, a-anyʌññọ adat iyiib amọ ayet ñnyịn asio ke ndiọiñkpọ,