Ibru 8:5 - Ñwed Abasi Ke Ikọ Ibibio Ayo Mfịn

⁵ Ammọ enam utom ke itie ukpono a-abiotto anyʌñ ado ndukpọñ mme ñkpọ se iba ke abio ubọọñ Abasi. Ami akedo ntak e-ekedʌttọ Moses utọñ idaha a-anye akebeeñeke idem adibọp tabanakịd: “Kịt bo ke amenam ukeed ñkpọ ke mbid se ekuwọt fiin ke abod.”

Ibru 8:5 ပူးပေါင်းရင်းမြစ်များ

Matiu 2:12

Ndin sia emaekekpan ammọ ke ndab ete ammọ ekuutịmme ekekịt Herọd aba, ammọ emaesaña usʌñ mfen enyọñ abio ammọ.

Utom 7:44

“Mme eteete ñnyịn emaenie atayad ibed enwọñọ Moses ke ini ammọ ekebaaha ke akpautatan. Ekebọp anye naña Abasi aketemme Moses akeene mbid se anye akekịt.

Kodosi 2:17

Mme ammọ ami edoñño ndukpọñ ñkpọ e-ekenaaha edi, ado ata akpanikọ, naña aba, ekịt ke Krais.

Ibru 10:1

Mbed ado ndukpọñ kpọd anọ mme nti ñkpọ se idi ke iso, idooho ata mme ñkpọ ado ke idem ammọ. Ke ntak ami, ukem uwa e-ewaaha ke isua ke isua ikemeke adiyet mbon e-esañake ekpere adikpono Abasi nọ afọn ama.

Ibru 11:7

Ke mbuọdidem Nua, ke ini emaekewuuk anye ebaña mme ñkpọ a-anye mmiikikịtte ke anyen dion, ke adisana mbaak anye amaabọp ubom a-akenyaañake ufọk amọ. Ke mbuọdidem amọ anye amaabiom ederimbod ikpe ndin amaanyʌñ akappa ado adiaakpa nti ido asañake ye mbuọdidem.

Ibru 12:25

Ikịt ibo ke ndufo isịnne anditañ ikọ ami. Adieke ammọ mmiikibọkkọke ke ini ekesịnne adikop uyo anye a-aketañña ikọ anọ ammọ mi ke isọñ, die ndin ke ñnyịn idiibọkkọ, adieke ñnyịn ikannake iso ikpọñ anye a-atieeghe ke abio ubọọñ Abasi atañ ikọ inọ ñnyịn?

Ibru 13:10

Ñnyịn inie itie uwa amme andinam utom ke tabanakịd idiinieeghe unen adidia ñkpọ ke esịd.

Ibru 9:9

Ami ado uwọdñkpọ ake ini ami, a-awọttọ abo ke mme enọ ye mme uwa e-ekesinọọhọ ikikanna adiyet esịd mme andikpono Abasi.

Adiyaara 15:5

Ami amaakeboiyo, mmakịt ke abio ubọọñ Abasi nte tembịd a-adooho tabanakịd ntiense, akʌkkọ.