Ibru 8:3 - Ñwed Abasi Ke Ikọ Ibibio Ayo Mfịn

³ Emek afịd akwa aku adinọ mme enọ ye adiwa mme uwa, ke ntak ado akena anye ami ñko anyʌñ anie ñkpọ adinọ.

Ibru 8:3 ပူးပေါင်းရင်းမြစ်များ

Yọọn 6:51

Ami ndo uyo uwem aketooho abio ubọọñ Abasi asọiyọ adi. Awo ake adodo a-ataaha uyo ami ayaadu uwem ke nsi-nsi. Uyo ami ado ikpọkidem mmi, a-ami ndiinọ ke ubiọñ uwem ederimbod.”

Ñwed Mbon Rum 4:25

Ekeyaak anye enọ ñkpa ke ntak idiọọkñkpọ ñnyịn enyʌñ enam anye aset ke ñkpa adʌk uwem ke adinam ñnyịn inen ye Abasi.

Ñwed Mbon Rum 5:6

Ndufo emekịt ke ata adikem ini, ke ini ñnyịn mmiikinieeghe adudu, Krais amaakpa anọ mbon a-amidiọọñọke Abasi.

Ñwed Mbon Rum 5:8

Ado Abasi awọd ima amọ inọ ñnyịn ke ami: naña ñnyịn ikisʌkkọido mme anam idiọọk, Krais amaakpa inọ ñnyịn.

Kadesia 2:20

Emaeñkoñ miin mme Krais ke ntodo ami nduuho aba uwem, ado Krais adu ke ami. Uwem ake ami nduuho ke abʌkidem, ndu ke adibuọd idem ke Ayịn Abasi, a-akemmaaha miin ayaak idem amọ annọ.

Efisọs 5:2

inyʌñ idu uwem ima, kpa nte Krais akimaaha ñnyịn, a-akenyʌññọ ayak idem amọ inọ ñnyịn nte inem ufịk enọ ye uwa anọ Abasi.

Taitọs 2:14

a-akeyakka idem amọ anọ ke ntak ñnyịn nọ ifak ñnyịn asio ke afịd idiọọkñkpọ adinam asana anọ idem amọ mme awo e-edoññoke ata ake amọ, e-enieeghe udọñ adinam se ifọn.

Ibru 2:17

Ato ke ntak ami akena enam anye nte ammọ nte awo ke afịd usʌñ, nọ ato do anye akan akappa ado akwa aku Abasi ke mbọm ye mbuọdidem ke adinam utom Abasi nọ ato do afeen idiọọkñkpọ mme awo.

Ibru 3:1

Ke ntodo, ndisana nditọete e-ewanake ke ikood, iwuuk mme akikere ndufo ke Yisọs, andido abọsịd ye akwa aku a-ñnyịn itañña ase ibaña.

Ibru 5:1

Esio afịd akwa aku ke atu mme awo ndin enyʌñ ememek anye ebo ada ke iwuod mme awo ke mme ñkpọ a-abañake Abasi, ke adinọ mme enọ ye mme uwa ke ntak mme idiọọkñkpọ.

Ibru 7:27

Anye itieeghe nte mme akwa aku mfen, inieeghe adiwa uwa kwa usen kwa usen, awa akpa abaña mme ndiọiñkpọ amọ, ndin adiwa abaña ndiọiñkpọ mbon mfen. Anye akewa uwa abaña mme ndiọiñkpọ mbon awo akañ keed kpọd, ke ini anye akeyakka idem amọ anọ uwa.

Ibru 8:4

Adieke anye akpekebaaha ke ederimbod, anye ikpidooho aku sia mme awo ebaba e-esinọọhọ mme enọ naña ibed aketemme.

Ibru 9:14

die ndin ke iyiib Krais, a-akedooho ke ntak Sịbidịd nsi-nsi ayaak idem nte anana ndo uwa anọ Abasi, miidiiyette esịd ñnyịn isiooño mme adinam a-adatta awo aka ñkpa ifep, nọ ñnyịn ikan inam ñkpọ inọ aduuwem Abasi!