Ibru 8:13 - Ñwed Abasi Ke Ikọ Ibibio Ayo Mfịn

¹³ Ke anye adikood akaaña ami “ufa,” anye anam akpa ado akaan, ndin se imaikikaana inyʌñ isọñ ayaasọp adiboiyo mfep.

Ibru 8:13 ပူးပေါင်းရင်းမြစ်များ

Matiu 24:35

Anyọñ ye isọñ eyaeboiyo efep, ado ikọ mmi ndomokeed idiiboiyoke ifep.

Eti Etob Naña Duk Awet 22:20

Ke ukem usʌñ ado, ke emaekeedia ndidia ndubi ima, anye amaaben kọọb, ate ammọ, “Kọọb ami ado ufa edioomo iyiib mmi, e-eduọkkọ inọ ndufo.

1 Kọrint 13:8

Ima akenanam ikpuuhọ. Ado ke itie nte brọfesi aba, ami ayaatre; itie nte nsio-nsio usem ebañña, eyaedobo; itie nte ifiọk aba, ayaaboiyo ifep.

2 Kọrint 3:6

Anye amaanam ñnyịn ikeme adido mme asañautom ufa edioomo, a-amiidoho edioomo e-ewettewet, ado ado edioomo e-ebọppọ ke Sịbidịd; sia se ewewet awowot, ado Sịbidịd anọnọ uwem.

2 Kọrint 5:17

Ke ntodo, adieke awo abaaha ke Krais, emaebot anye adufa, ñkaan ñkpọ emaeboiyo efep; sese eyekappa edo ndufa.

Ibru 1:11

Ammọ eyaesobo, ado afo asʌk ababa; ammọ eyaetaha nte afọñ.

Ibru 12:24

edi ebịne Yisọs andida ubiọñ ke ufa edioomo, ye ke adisiime iyiib a-atañña ikọ a-afọnnọ akan iyiib ake Ebeed.

Ibru 7:22

Ato ke ntak unwọñọ ami, Yisọs amaakappa ada ubiọñ ke ufa akaaña a-afọnnọ akan.

Ibru 8:6

Ado ubiọñutom a-Yisọs akebọọhọ akpon akan ake ammọ kpa nte edioomo a-anye adooho andida nte asịn emem akoñño idaha akan akaan ado, ñko ekenyʌñ ebọp anye ke mme enwọñọ a-afọnnọ akan.

Ibru 8:8

Ado Abasi amaasua anọ mme awo anyʌñ abo: “Ini asʌk adi, Abọọñ atañ, a-ami ndiinam ufa akaaña ye ufọk Isred, ñko ye ufọk Yuda.

Ibru 9:15

Ke ntak ami, Krais ado akpe emem ke ufa edioomo nọ atoodo mbon e-ekoodo ekan ebọ nsi-nsi udeme e-emaekenwọñọ, idaha a-adooho anye amaakpa nte andifak ammọ nsio ke mme ndiọiñkpọ e-ekenamma ke idak akpa ediomo.