Ibru 8:10 - Ñwed Abasi Ke Ikọ Ibibio Ayo Mfịn

¹⁰ Ami ado edioomo a-ami ndiinam ye ufọk Isred ini ado amaaboiyo, Abọọñ atañ. Ami ñyaasịn mme ibed mmi ke akikere ammọ nyʌñ ñweewet ke esịd ammọ. Ami ñyaado Abasi ammọ ndin ammọ eyaedo mbon mmi.

Ibru 8:10 ပူးပေါင်းရင်းမြစ်များ

Matiu 22:32

‘Ami ndo Abasi Ebraham, Abasi Aisik, Abasi Yekọb?’ Anye idooho Abasi mme akpañkpa, ado Abasi mme adu uwem.”

Ñwed Mbon Rum 11:27

Ndin ami ado edioomo Mmi mme ammọ ke mmaaben idiọọkñkpọ ammọ mfep.”

1 Kọrint 6:16

Nte ndufo idiọọñọke ke awo a-anieeghe ewana ye awo use ye efịbe akappa ado keed ye anye ke ikpọkidem? Sia ewet ete: “Iba eyaekappa edo abʌk keed.”

2 Kọrint 3:3

Daña nte emaekenam ana anwa-anwa nte ke ndufo edoñño ñwed Krais a-ñnyịn ikwọrọke, ñwed ake awo miiwette ke mmọọñ ñwed, ado ewet ke Sịbidịd adu uwem Abasi; iwette ke itiad ñwed ado ewet ke awọñ esịd awo.

Taitọs 2:14

a-akeyakka idem amọ anọ ke ntak ñnyịn nọ ifak ñnyịn asio ke afịd idiọọkñkpọ adinam asana anọ idem amọ mme awo e-edoññoke ata ake amọ, e-enieeghe udọñ adinam se ifọn.

Ibru 11:16

Utu-utu ke ado, ammọ ekesʌk enie udọñ ebaña idịd anye a-afọnnọ akan, ake abio ubọọñ. Ke ntodo, abuud inamma Abasi adikere Abasi ammọ, sia anam itie idʌñ anịm anọ ammọ.

Yemsi 1:18

Anye amaamek adibon ñnyịn ito ke ikọ akpanikọ, nọ ato do ñnyịn ido nte akpa mfịd, ke atu afịd se anye abot.

Yemsi 1:21

Ke ntodo, isịññe mme afịd mbubiam edu uwem ye mme idiọọkñkpọ e-ebañake ewak ini ami, ndin ke nsuukidem inyịmme ikọ e-etọọhọ ke esịd ndufo a-akemeke adinyaaña ndufo.

1 Bita 1:23

Sia ana ndufo emaemana ufa, itieeghe nte ñkpasi a-akpaaha, ado eba ke ubon a-mmiidibiarake, ato ke ikọ Abasi a-aduuho uwem anyʌññọ akpeene ke nsi-nsi.

1 Bita 2:9

Ado ndufo edoñño mbon e-mekkemek, edoñño mme aku edidem, edoñño adisana abio, edoñño mbon a-Abasi anịmme anọ idem amọ nọ ndufo eka eketañ mme ase amọ, anye a-akikoodo ndufo asio ke akịm asịn ke utịbe unwana amọ.