Ibru 8:1 - Ñwed Abasi Ke Ikọ Ibibio Ayo Mfịn

¹ Akpan ñkpọ se ñnyịn itañ ibaña ado ami: Ñnyịn iminie utọ akwa aku a-akesuuhọ atie ke ubọk udom ebekpo Andikara ke abio Abasi.

Ibru 8:1 ပူးပေါင်းရင်းမြစ်များ

Maak 16:19

Ke Abọọñ Yisọs amaaketañ mme ikọ ami ima, emaeben anye edọọk ke hefịn, anye anyʌñ asuuk atie ke ubọk udom Abasi.

Efisọs 6:20

a-ami ndoho isʌñutom amọ ke ñkpakọb. Ibọñ akam nọ ami ñkan ñkwọrọ anye uko-uko naña akpena nte nnam.

Kodosi 3:1

Sia ndin, ndufo emaekeset mme Krais, ikọọñ esịd ndufo ke ñkpọ enyọñ, ke itie Krais atieeghe ke ubọk udom Abasi.

Ibru 1:13

Ake-e ke atu mme enyere ke Abasi akenaanam abo, “Tie ke ubọk udom mmi tutu ami nnam mme asua mfo ifịm udodukod mfo”?

Ibru 1:3

Ayịn ado uyama ubọọñ Abasi ye ata mbid idem amọ a-amʌmmọ afịd ñkpọ akama ke adudu ikọ amọ. Ke anye amaakenam awo asana ke adiyet idiọọkñkpọ nsio, anye amaasuuk atie ke ubọk udom Andikara ke abio ubọọñ Abasi.

Ibru 10:12

Ado ke ini aku mi amaakewa afịd uwa ini keed ke abaña mme ndiọiñkpọ, anye amaasuuk atie ke ubọk udom Abasi.

Ibru 12:2

Yak ñnyịn iwuuk anyen ñnyịn ke Yisọs, andido ntọọñọ ye andinam mbuọdidem ñnyịn afọn ama, a-akedooho ke ntak inemesịd e-ekenịmme ke iso amọ, anye akeyọ krọs, amiim ndọk amọ, anyʌñ asuuk atie ke ubọk udom ke ebekpo Abasi.

Ibru 2:17

Ato ke ntak ami akena enam anye nte ammọ nte awo ke afịd usʌñ, nọ ato do anye akan akappa ado akwa aku Abasi ke mbọm ye mbuọdidem ke adinam utom Abasi nọ ato do afeen idiọọkñkpọ mme awo.

Ibru 3:1

Ke ntodo, ndisana nditọete e-ewanake ke ikood, iwuuk mme akikere ndufo ke Yisọs, andido abọsịd ye akwa aku a-ñnyịn itañña ase ibaña.

Ibru 4:14

Ndin, sia ñnyịn imainie akwa aku a-amaakesaña iboiyo ke mme abio ubọọñ Abasi, Yisọs Ayịn Abasi, yak ñnyịn itʌm imʌm akpanikọ ikama ke abaña mbuọdidem a-ñnyịn isọọñọke itañ ibaña.

Adiyaara 3:21

Anye a-akanna ke ndiinọ unen aditie ye ami ke ebekpo mmi; kpa nte a-ami ñkekanna nnyʌñ nsuuk ntie mme Ete mmi ke ebekpo amọ.