Ibru 7:6 - Ñwed Abasi Ke Ikọ Ibibio Ayo Mfịn

⁶ Kpa ye ado, awo ami ikitooho ntịppe Difai, ado anye amaabọ Ebraham ayọhọ ubaak duop anyʌñ adiọñ anye a-akenieeghe mme enwọñọ ado.

Ibru 7:6 ပူးပေါင်းရင်းမြစ်များ

Utom 3:25

Ndufo edo mme adiaakpa mme brọfed ado, emenyʌñ esịne ke enwọñọ a-Abasi akenamma ye mme eteete ndufo. Anye akebo Ebraham, ‘Nyaadiọñ afịd awo ke ederimbod ato ke mfịd idịb mfo.’

Ñwed Mbon Rum 4:13

Ikitooho ke ibed ke Ebraham ye mme nditọ ammọ ekebọ ikọ enwọñọ ete ke anye adido adiaakpa ederimbod, ado ato adinenido a-asañake ke mbuọdidem.

Ñwed Mbon Rum 9:4

ubon Isred. Ake ammọ ado edidat ammọ nte nditọ amanaisọñ, ake ammọ edisana ubọọñ, mme adioomo, adibọ ibed, ukpono ke tembịd ye mme enwọñọ.

Kadesia 3:16

Emaetatañ mme enwọñọ ami enọ Ebraham ye mme mfịd idịb amọ. Ñwed Abasi ibooho, “ye mme mfịd,” a-adooho Krais.

Ibru 11:13

Ukeed ibon ami ekesʌk edu uwem ke mbuọdidem tutu ini a-ammọ ekekpaññake. Ammọ ikibọọhọ mme ñkpọ se ekenwọñọ; ekedaada ekịt ammọ ke anyanusʌñ enyʌñ ekọọm ammọ. Ammọ emaenyʌñ enyịmme ke mmimọ idoñño adudʌñ ye isen ke ederimbod.

Ibru 11:17

Ke mbuọdidem Ebraham, ke ini a-Abasi akedomoke anye, amaayak Aisik anọ nte ñkpọ uwa. Anye a-amaakebọ mme enwọñọ amaabeeñe idem adiwa ikpọọñ-i-ikpọọñ ayịn amọ,

Ibru 7:1

Medkisedek ami akedo adidem Sadem ye aku Abasi Ibom andikoñ ñkan. Anye akekịt Ebraham naña anyọñ ekọñ a-anye akekaaha akekan ye mme ndidem anyʌñ adiọñ anye.

Ibru 7:7

Ñko, eyịghe ndomokeed ibaaha, awo andisịp ñkan abọ adidiọñ ato anye a-akponno akan anye.